Сайлов-2021
Шавкат Мирзиёев Сирдарёда «Гулистон сити» қурилишини таклиф қилди
ЎзЛиДеПдан президентликка номзод Шавкат Мирзиёев Гулистон шаҳрининг эски деҳқон бозори ўрнидаги 42 гектар майдонда «Гулистон сити» барпо этилишини таклиф қилди. Аввалроқ, «Адолат» партиясидан президентликка номзод Баҳром Абдуҳалимов шаҳарларда «сити» қуришга ружу қўйилганлигини танқид қилган эди.
14−20 октябрь кунлари сайловда муддатидан олдин овоз бериш мумкин бўлади
14−20 октябрь кунлари Ўзбекистон президенти сайловида муддатидан олдин овоз бериш ўтказилади.
Шавкат Мирзиёев: «Президентлик — бу шунчаки лавозим»
Шавкат Мирзиёев Андижон сайловчилари билан учрашувда беш йил ичида нималарга эришди, деган саволга: «Эркин, қўрқувсиз яшаш», деб жавоб берди. «Мен ҳам инсонман, президентлик бир лавозим, мақсадим халқимга, Ўзбекистон, Андижон халқига хизмат қилиш», — дея қўшимча қилди у.
Фарғонада «Эко шаҳар» ҳамда «Янги Ўзбекистон» боғи қурилади — Шавкат Мирзиёев
ЎзЛиДеПдан президентликка номзод Шавкат Мирзиёев Фарғона шаҳрида 300 гектар майдонда 40 минг аҳолига мўлжалланган замонавий «Эко шаҳар» барпо этишни таклиф қилди. Шаҳарчада 25 қаватгача бўлган уйлар, ижтимоий инфратузилма объектлари, 70 гектар майдонда «Янги Ўзбекистон» боғи бунёд қилинади.
«Маҳаллага жуда кўп вазифаларни юклаб юборяпмиз» — Алишер Қодиров
«Миллий тикланиш» партиясидан президентликка номзод Алишер Қодиров сўнгги пайтларда маҳаллаларга жуда кўп вазифалар юклаб юборилаётганини танқид қилди. Унинг таъкидлашича, маҳалла аслида «одамларни бирлаштирадиган, маслаҳат, мулоқот қиладиган маскан бўлиши керак».
«Мен муаллимнинг маошини 1000 долларга етказмагунча тўхтамайман» — Шавкат Мирзиёев
Шавкат Мирзиёев Фарғона вилояти сайловчилари билан учрашувда, агар президентликка сайланса, алоҳида таълим дастури қабул қилинишини ваъда қилди. «Мен муаллимнинг маошини 1000 долларга етказмагунча тўхтамайман», — деди у. Президентликка номзод тиббиётда янги тартибни жорий этиш режалари ҳақида ҳам гапирди. Унга кўра пул касалхоналарга эмас, балки беморларнинг ўзига ажратилади.
«Коррупцияга қарши бутун жамоатчилик билан курашишимиз зарур» — Шавкат Мирзиёев
ЎзЛиДеПдан президентликка номзод Шавкат Мирзиёев ажратилаётган пулларни адолатли ишлатилиши учун жамоатчилик назорати кераклигини таъкидлади. «Чунки коррупция йўқ десак ёлғон бўлади, коррупция ичимизда юрибди. Коррупцияга қарши бутун жамоатчилик билан курашишимиз зарур», — деди у.
«Ҳали улар ҳаётни билмайди-ку» — Шавкат Мирзиёев президентликка бошқа номзодлар ҳақида
ЎзЛиДеПдан президентликка номзод Шавкат Мирзиёев наманганлик сайловчилар билан учрашув чоғида ҳар куни рақиблардан ҳам кўп нарса ўрганиши кераклигини айтиб ўтди. У бошқа номзодларнинг ҳаётни билмаслигини, бу билан уларни ёмонлаш нияти йўқлигини таъкидлади.
«Бунча катта бордюр қилиб нима қиласан?» Президент — Тошкентдаги маҳаллаларнинг асфальтланиши ҳақида
Шавкат Мирзиёев халқнинг пули самарасиз сарфланаётгани, ҳали ўғриликлар ва коррупция кўплигини таъкидлади. У пойтахт маҳаллаларини асфальтлаштиришни мисол қилиб келтирди. «Йўлларга катта қилиб ярим метрли бордюр қиляпти. Барака топгур, машиналар пойга ўйнайдими, бунча катта қилиб, бордюр қилиб нима қиласан?» — деди президент. Тошкентликлар бир неча ойлардан буён шу каби бордюрлардан шикоят қилиб келмоқда.
«Адолат — ҳаётимиз бош мезони». Баҳром Абдуҳалимовнинг сайловолди дастури
«Адолат» партиясидан президентликка номзод Баҳром Абдухалимов эркин жамият ва адолатли давлат қурилиши, ЯИМнинг адолатли тақсимланиши, иқтисодиётда рақобатнинг кучайиши, жазони ижро этиш муассасаларини адлия органларига топшириш, ягона Тергов қўмитасини тузиш, барча қишлоқларни газ ва энергия билан таъминлаш масалаларини ўз сайловолди дастурида илгари сурди.
«Инсон қадри учун» — Шавкат Мирзиёевнинг сайловолди дастури
ЎзЛиДеП партиясидан президентликка номзод Шавкат Мирзиёев сайловолди дастурида 2027 йилгача мамлакатда камбағалликни камида 2 бараварга камайтириш, рақамли иқтисодиётни ривожлантириш, суд-ҳуқуқ тизимидаги ислоҳотларни янада чуқурлаштириш, давлат бошқарувини такомиллаштиришни назарда тутувчи беш йиллик Янги Ўзбекистон стратегиясини эълон қилди.
Демократияни ҳар бир давлат ўзича тушунади — Шавкат Мирзиёев
«Демократияни ҳар бир давлат ўзича тушунади. Мана, Афғонистондаги ҳолат ҳаммамизга сабоқ бўлиши керак», — деди Шавкат Мирзиёев наманганлик сайловчилар билан учрашув чоғида.
«Бу тизимни бошқа жойларда ҳам қиламиз». Шавкат Мирзиёев мактабларда бепул овқатланиш ҳақида
Президент Шавкат Мирзиёев Самарқандда бўлиб ўтган сайловолди йиғилишида Ўзбекистоннинг бошқа ҳудудларидаги мактаб ўқувчилари учун ҳам бепул овқатланиш тизимини жорий этишга ваъда берди. «Биз буни аутсорсинг тизимида, коррупциядан холи ташкил этишни ишлаб чиқамиз», — деди у.
Номзодлар мактаб ўқувчиларига бепул овқат беришни ваъда қилмоқдалар. Бу бюджетдан қанча харажатни талаб этади?
Сайловолди ташвиқотларда бошланғич синф ўқувчиларини бепул тушлик билан таъминлашга ваъда берилди. «Газета.uz» ушбу ташаббусни амалга ошириш учун давлат бюджетининг тахминий харажатларини ҳисоблаб чиқди ва бу фикрга қарши бўлган иқтисодчиларнинг фикрини келтиради.
Рақиб сифатида битта Шавкат Мирзиёевни кўраман — Алишер Қодиров
«Миллий тикланиш» демократик партиясидан президентликка номзод Алишер Қодиров сайловда ўзига битта Шавкат Мирзиёевни рақиб сифатида кўришини маълум қилди.
Самарқандни ижтимоий-иқтисодий ривожлантириш бўйича беш йиллик дастур тайёрладик — Шавкат Мирзиёев
Шавкат Мирзиёев самарқандлик сайловчилар билан учрашувда вилоятда 450 мингта иш ўрни яратиш орқали камбағалликни 2 баробарга қисқартириш энг устувор вазифа эканлигини айтди. У Нарпай тумани мисолида вилоятда ишсизлик ва камбағалликка барҳам бериш бўйича режаларни маълум қилди. Туманнинг ихтисослашувидан келиб чиқиб, 12 та маҳаллада қурувчи, чилангар, қандолатчилик, тикувчилик, IT-соҳа касблари бўйича касб-ҳунарга ўқитиш масканлари ташкил этилиги айтилди.
«Бу сайловолди ташвиқоти эмас» — МСК Шерзод Асадовнинг MIR21YOYEV ёзуви туширилган футболкаси ҳақида
ЎзЛиДеП номзоди Шавкат Мирзиёев Хоразмга ташрифи чоғида президент матбуот котиби Шерзод Асадов MIR21YOYEV ёзуви туширилган футболкада бўлган суратлари эълон қилинди. МСК раиси ўринбосари Баҳром Қўчқоровнинг таъкидлашича, қонунчиликда нима кийиш белгиланмаган ва бу бўйича эътироз билдириш ноўрин. МСК доимий аъзоси Худоёр Маматов футболка «ташвиқот материали» саналмаслигини таъкидлади. Бундан ташқари, МСК раиси ўринбосари амалдаги президентлик билан номзодлик ўртасидаги чегара ҳеч қайси давлатда аниқ белгиланмаганлигини қайд этди.
«Инсон ўзгарса, жамият ўзгаради» — «Миллий тикланиш» номзоди Алишер Қодировнинг сайловолди дастури
«Миллий тикланиш» демократик партияси номзоди Алишер Қодиров ўз сайловолди дастурини эълон қилди. Президентликка номзод боғчаларнинг давлат томонидан молиялаштирилиши, олий таълим давлат тасарруфидан чиқарилиши, монополияларни тугатиш, ислом молиялаштириш тизимини жорий қилиш ва Алимент фондини ташкил қилиш сингари таклифларни илгари сурди. Номзоднинг тўлиқ дастури.
«Қинғирликнинг ҳиди келяпти» — Экопартия раҳбари дарахтларнинг яширинча кесилиши ҳақида
Экопартия раҳбари ва президентликка номзод Нарзулло Обломуродов турли хил баҳоналар билан ва аҳолини огоҳлантирмасдан дарахтларнинг кесилаётганлигини танқид қилди. У дарахтлар кесилиши ё бошқа жойга кўчирилиши билан боғлиқ ҳолатларда жамоатчилик муҳокамасини ўтказиш амалиётини йўлга қўйишга чақирди. 17 сентябрь куни Сирдарёда «саломатлик йўлакчалари»ни қуриш учун 13 та дарахт қўпорилган эди.
ХДП депутати Шавкат Мирзиёевнинг ишончли вакили бўлди
Халқ демократик партияси депутати Раъно Турдибоева ЎзЛиДеПдан президентликка номзод Шавкат Мирзиёевнинг ишончли вакили бўлди. ХДП ахборот хизматининг «Газета.uz»га маълум қилишича, Раъно Турдибоева 3 ой аввал партия аъзолигидан чиққан.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг