Иқтисодиёт
Тошкентдаги йирик бозорлар кўп қаватли қилиб қайта қурилиши мумкин
«Тошкентнинг ер ўта чекланган шароитида бор инфратузилмани вертикал ўстириш орқали саноат ва савдони ривожлантириш зарур», — деди президент. У йирик бозорларни қават-қават усулда кенгайтириш имкониятлари ҳақида гапирди.
Тошкентнинг Амир Темур шоҳ кўчасидаги давлат муассасалари бинолари бизнес лойиҳаларига берилади — президент
Президент тадбиркорларга Юнусобод туманида лойиҳалар учун бўш жой топиш қийинлигини айтди. У Амир Темур шоҳ кўчасидаги саккизта давлат идорасининг эски биноларини реконструкция қилиш ва савдо объектлари, офис ва ерости автотураргоҳига эга меҳмонхоналар қуриш учун тадбиркорларга беришни таклиф этди.
Ўзбекистондаги 841 км йўл цемент-бетон қопламаси билан янгидан қурилади
Президент вилоятлар ва Қорақалпоғистон Республикасининг 86 та туманидаги 841 километр йўллар цемент-бетон қоплама билан янгидан қурилиши бўйича лойиҳани маъқуллади. Бунга Осиё тараққиёт банкидан 240 млн долларлик қарз маблағи йўналтирилади.
Тадбиркорларга ташкил этган иш ўринларига қараб солиқлардан имтиёзлар берилади
Ўзбекистонда тадбиркорларга ташкил этган янги иш ўринларига қараб айрим солиқ имтиёзлари берилади. Бунда «20 минг тадбиркор — 500 минг малакали мутахассис» дастурига киритилган айрим тадбиркорлар солиқларни бўлиб-бўлиб тўлаши мумкин бўлади.
Ўзбекистондаги энг йирик компания — НКМКнинг 2 фоиз акциялари Давактив балансига ўтказилди
Давлат активларини бошқариш агентлиги ўз балансига Ўзбекистондаги энг йирик компания — Навоий кон-металлургия комбинатининг 2 фоиз акциясини олди. Ўтган йилларда компанияни қисман хусусийлаштириш режалари ҳақида хабар берилган эди.
Тошкент жамоат транспортида нақд пулдаги тўлов 3000 сўмгача ошиши мумкин. Нақдсиз тўловлар эса 1700 сўмлигича қолади
Транспорт вазири Илҳом Маҳкамов Тошкент жамоат транспортида нақд пул билан тўлов нархини 3000 сўмгача ошириш режаси борлигини айтди. Бунда нақдсиз тўловлар миқдори 1700 сўм ҳолида ўзгаришсиз қолади. «Электрон тўловга ўтишга ҳаракат қиляпмиз. Аҳолини шу нарсага қизиқтиряпмиз», — деди вазир.
Бюджетдан ажратиладиган субсидиялар 5 баравар кўпайди, уларнинг 76 фоизи энергетика ва геология-қидирув ишларига йўналтирилган
Ўзбекистонда давлат бюджетидан ажратиладиган субсидиялар миқдори 2 йил ичида 5 бараварга — 5,63 трлн сўмдан 29,25 трлн сўмга (2,5 млрд доллар) ошди. 18 трлн сўм газ сотиб олиш ва сотиш ўртасидаги фарқни қоплашга, 1,02 трлн сўм геология-қидирув ишларига сарфланган.
Маданият давлат томонидан бошқарилиши керак бўлган соҳа эмас — режиссёр Сарвар Каримов
Кинорежиссёр Сарвар Каримов «Газета.uz»нинг «Мифономика» лойиҳасида меҳмон бўлиб, солиқ тўловчиларнинг пулларини кино соҳасига ажратиш қанчалик ўринли экани ҳақидаги фикрлари билан бўлишди. Давлат «30 йил шу нарсани қилиб кўрдик, демак, бошқача ёндашув керак», дейишга куч топа олиши лозим, дейди у.
Мартда йиллик инфляция 7,89 фоизгача секинлашди. Бу — 2016 йил майдан бери энг паст кўрсаткич
Мартда 0,7 фоизлик инфляция қайд этилди. Йиллик инфляция 7,98 фоизгача секинлади, бу — 2016 йил майдан бери энг паст кўрсаткич. Статистика агентлигига кўра, гўшт нархи 5 ойдирки пасайиб бормоқда, сут, шакар, ун, картошка, пиёз, сабзи қимматлашган. Бензин, темирйўл ва ҳаво транспорти нархлари ошди.
АГТКШларда метан учун максимал нарх 3350 сўм бўлди — ҳукумат қарори
Вазирлар Маҳкамаси енгил автомобиллар учун метаннинг энг баланд чакана нархини икки ойга узайтирди. Бир кубометр учун максимал нарх 3250 сўмдан 3350 сўмгача оширилди.
Автомобилларни рўйхатдан ўтказиш 68 бараварга, электромобилларники эса 15 баробарга қимматлашади
Ўзбекистонда 1 апрелдан автомобилларни рўйхатдан ўтказиш ва қайта рўйхатдан ўтказиш учун тўловлар 68 баравар (34 минг сўмдан 2,32 млн сўмгача), электромобиллар учун эса 15 бараварга ошади. Ички ишлар вазирлигининг бу бўйича буйруғи тўловлар миқдори ошишидан бир кун олдин қабул қилинди.
1 апрелдан Ўзбекистонга автомобиллар олиб кириш чекланиши мумкин
1 апрелдан Ўзбекистонда автомобиллар импорти тартиби кучайтирилиши, мувофиқлик сертификати бошқа шахс номига берилган бўлса, божхона расмийлаштирувидан ўтказиш тақиқланиши кутилмоқда. Ўзгаришлар ҳақида расмий хабар берилмади. Расмий дилерлар орқали сотиш тартиби ҳам тикланиши кутилмоқда.
Ўзбекистонда «зарарли» автомобилларни «тоза»сига алмаштириш учун субсидия бериш режа қилинмоқда
Ўзбекистонда «зарарли» тоифадаги автомобилларни «тоза» тоифадаги автомобилларга алмаштириш учун субсидия бериш режалаштирилмоқда. Иқтисодиёт ва молия вазирлигига бир ой муддатда мазкур ташаббусни жорий этиш бўйича таклифлар ишлаб чиқиш топширилди.
2023 йилда Ўзбекистоннинг консолидациялашган бюджети дефицити рекорд даража — 59 трлн сўмни ташкил этди
2023 йилда Ўзбекистоннинг консолидациялашган бюджети дефицити рекорд даража — 59 трлн сўмни ташкил этиб, аввалги йиллардаги кўрсаткичлардан анча юқори бўлди. Ўтган йил охирида ҳукумат харажатлар чегарасини ушлаб туролмагани сабабли парламент орқали лимитни оширганди.
Президент давлат корхоналарининг қарзлари ва асоссиз харажатларини камайтириш топшириғини берди
Биринчи чоракда Ўзбекистон иқтисодиёти 6 фоизга, саноат эса қарийб 10 фоизга ўсади, дейилади президент билан учрашувда. У корхоналарнинг дебитор қарздорлигини камайтириш ва харажатлар асоссиз ўсишининг олдини олиш бўйича топшириқ берди.
«Ўзбекистон миллий электр тармоқлари» 2023 йилда Афғонистонга 91,2 млн долларлик электр энергияси экспорт қилди
«Ўзбекистон миллий электр тармоқлари» 2023 йилда Афғонистонга 91,2 млн долларлик электр энергияси экспорт қилди ва 9,6 млн долларлик электр энергияси транзитини амалга оширди. Шунингдек, ташкилот йил давомида магистрал электр тармоқлари орқали 71,9 млрд кВт•соат электр энергияси узатди.
Fitch — Ўзбекистон банк секторидаги ижобий ўзгаришлар учун рисклар ҳақида
Fitch агентлиги Ўзбекистон банк секторидаги ўсишни қайд этди — урғу кўпроқ бозорга асосланган ёндашувга кўчган. Аммо ташкилот, шунингдек, чуқур тузилмавий заифликлар ва янги рисклар туфайли кейинги яхшиланишларга эришиш учун кўпроқ вақт талаб қилиниши мумкин, деб ҳисоблайди.
Тошкент-Чиноз йўлини реконструкция қилишга Хитойдан компания жалб этилиши мумкин
Хитойнинг CITIC Construction компанияси Тошкент-Чиноз йўлини реконструкция қилиш лойиҳасига қизиқиш билдирмоқда. Уни таъмирлаш 2022 йил бошида муҳокама қилинганди. Компания, шунингдек, Ўзбекистонда пулли йўллар қуришни режа қилмоқда.
Ўзбекистонда аёллар иқтисодиётда эркаклар билан тенг қатнашса, ЯМД 29 фоизга ошиши мумкин — Жаҳон банки
Жаҳон банки Ўзбекистондаги гендер ҳолати бўйича ҳисоботининг асосий хулоса ва тавсияларини тақдим этди. Унга кўра, агар аёллар иқтисодий ҳаётда эркаклар билан тенг иштирок эта олса, Ўзбекистон ялпи миллий даромади (ЯМД) тахминан 29 фоизга ошиши ва 700 мингдан ортиқ одам камбағалликдан чиқиши мумкин.
Ўзбекистон Россиядан газ импортини 2024 йилда уч баравар оширишни режалаштирмоқда
Ўзбекистон ҳукумати 2024 йилда Қозоғистон орқали Россия гази импортини уч баравар оширишни режа қилмоқда, деб ёзмоқда «ТАСС».
Энг кўп ўқилган хабарлар | Сўнгги янгиликлар
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Volkswagen ва Volvo Ўзбекистон фуқароларини Словакияга ишга таклиф қилмоқда
- Humo тўлов тизими барибир хусусийлаштирилади
- 420 млн долларга қурилган ва зарар кўраётган ТМЗнинг давлат улуши кимошди савдосига қўйилади
Қўшимча имкониятларга эга булиш учун сайтда рўйхатдан ўтинг