Иқтисодиёт
«Снос»лар бўйича қарздорлиги бор ҳокимликларга бюджетнинг ошириб бажарилган қисмидан маблағ сарфлаш тақиқланади
Ҳокимликларга аҳоли ва бизнесдан «снос» ёки мулкни олиб қўйиш бўйича қарзи бўлган ҳолатда, бюджет даромадларининг прогноздан ошириб бажарилган қисмидан маблағ сарфлаш тақиқланади. Ўзбекистон ҳукумати қонун ҳужжатларига бу бўйича тегишли ўзгартиришлар киритади.
Россиянинг Ozon маркетплейси Ўзбекистонда сотувларни йўлга қўйди
Россиянинг Ozon маркетплейси Ўзбекистон ҳудудида фаолият бошлади. Компания 2024 йилда мамлакатда ўзининг логистика инфратузилмасини, жумладан, омбор мажмуалари ва етказиб бериш хизматларини, шунингдек, брендланган топшириш пунктларининг франшиза тармоғини ривожлантириш ниятидалигини маълум қилди.
2024 йилда хусусий секторда «декрет пули» ҳажми қисқараётганига изоҳ берилди
Иқтисодиёт ва молия вазирлиги 2024 йилги давлат бюджети лойиҳасида «декрет пули» прогнози қисқарганини изоҳларкан, 2023 йилда хусусий секторда ишлаётган 130 минг аёлга 300 млрд сўм ажратиш режалаштирилгани, бироқ 9 ойда атиги 12 минг аёлга 24,6 млрд сўм нафақа берилганини қайд этди.
Марказий банк Oson`нинг лицензиясини тиклади
Марказий банк Brio Group МЧЖнинг (Oson бренди) тўлов ташкилоти фаолиятини амалга ошириш учун лицензиясини тиклади. Компания лицензиясининг амал қилиш муддати 17 октябрда тўхтатиб қўйилганди. Ундан аввал эса Oson`га қонун талабларини бузгани учун жарима санкцияси қўлланган.
Ўзбекистонда бизнесни ривожлантириш компанияси ташкил этилмоқда
Ўзбекистонда кичик ва ўрта бизнесни қўллаб-қувватлаш учун янги воситаларни жорий этиш мақсадида бизнесни ривожлантириш компанияси ташкил этилмоқда. У капитални молиялаштириш, хизмат ипотекаси ва бошқа ёрдамларни кўрсатади. Компания бюджетдан 1,2 трлн сўм ва 100 млн долларлик кредитлар олади.
Қозоғистон ўзининг ғарбий ҳудудларини Ўзбекистон билан боғлаш учун Бейнеу-Шалкар автомобиль йўлини қуради
Қозоғистон бош вазири Алихон Смаилов мамлакатнинг ғарбий вилоятларини Ўзбекистон билан боғлаш учун Бейнеу-Шалкар автомобиль йўли қурилишини маълум қилди. Бу йўл Европа-Кавказ-Осиё транспорт йўлаги шакллантиришни якунлашга хизмат қилади.
Ўзбекистон Афғонистондаги темирйўлни «қулай нархда» таъмирлаб беради
Ўзбекистон ва Афғонистон темирйўл компаниялари раҳбарлари Ҳайратон — Найбобод — Мозори Шариф темирйўлининг бир қисмини таъмирлашга келишиб олди. «Ўзбекистон темир йўллари» раҳбари Зуфар Нарзуллаев таъмирлаш ишларини «сифатли, қулай нархда ва 50 фоизлик чегирма билан амалга оширишга» ваъда берди.
Albayrak Holding Ўзбекистонда йўл қоидабузарликларини қайд этувчи қурилмаларни ўрнатмоқда
Туркиянинг Albayrak Holding компанияси Ўзбекистон шаҳарларида йўл ҳаракати қоидабузарликларини қайд этувчи автоматлаштирилган фото ва видео қурилмаларни ўрнатиш лойиҳасини амалга оширмоқда.
1 январдан микроқарзлар лимити 100 млн сўмгача оширилади
2024 йил 1 январдан микроқарзнинг энг юқори миқдори 50 млн сўмдан 100 млн сўмгача оширилади. Шунингдек, микромолия ташкилотлари томонидан исломий молиялаштиришга оид хизматлар кўрсатишнинг норматив-ҳуқуқий базаси ишлаб чиқилади.
Саудия Арабистонининг Vision invest компанияси Тошкентда минтақавий ваколатхонасини очди
ACWA Power компанияси акциядори бўлмиш Vision invest холдинги Ўзбекистон билан қўшма лойиҳаларни амалга оширишни бошқариш учун Тошкентда минтақавий ваколатхонасини очмоқда.
Aksa Enerji Ўзбекистонда 250 млн долларга газ поршенли электр станциясини қуради
Туркиянинг Aksa Enerji компанияси Қашқадарё вилоятида қуввати 400МВт бўлган газ поршенли электр станцияси қурилишига 250 млн доллар сармоя киритади. Компания аввал Бухоро ва Тошкент вилоятларида ҳам иккита ИЭС қурган.
«Ягона йўлимиз — ҳосилдорликни кескин ошириш орқали таннархни камайтириш». Президент қишлоқ хўжалигини ривожлантириш ҳақида
Президент боғ ва токзорларни йилига камида бир марта хатловдан ўтказиш, самарасиз деб топилса, ер солиғидан берилган имтиёзни бекор қилиш ҳақида кўрсатма берди. Шунингдек, гўшт, тухум ва сут ишлаб чиқарувчиларни қўллаб-қувватлаш, кредитлар муддатини ошириш ва бошқа вазифаларни белгилади.
Тез ёрдамни ёлғондан чақирганларни чақирув харажати миқдорида жаримага тортиш таклиф этилмоқда
Ўзбекистонда тез тиббий ёрдам хизматини ёлғондан чақирганлик ҳолатлари юзасидан низом ишлаб чиқиш режалаштирилмоқда. Унга кўра, ёлғон мурожаат қилганларни хизматнинг бир марталик чақирув харажати — бугунги кунда 178 минг сўм миқдорида жаримага тортиш таклиф этилмоқда.
«Бозорга аллақачон салбий таъсир қилди». Георгий Паресишвили — МБнинг юридик шахслар учун валюта конвертацияси бўйича ўзгартиришлар лойиҳаси ҳақида
Марказий банкнинг валютани сотиб олиш шартларини ўзгартиришга оид лойиҳаси фонд бозорига аллақачон салбий таъсир кўрсатди, деди «Тошкент» фонд биржаси раҳбари Георгий Паресишвили. У конвертацияни мураккаблаштириш инвесторларни чўчитишини таъкидлади ва жараённи соддалаштириш тарафдори эканини айтди.
Ҳукумат хусусий сектордаги «декрет» пули миқдорини 3 бараварга қисқартирмоқчи. Сабаб
2024 йилги давлат бюджетида хусусий секторда ишловчи аёлларнинг ҳомиладорлик ва туғуруқ нафақалари миқдорини 3 баробарга қисқартириш кўзда тутилган. Депутат Дониёр Ғаниев бунинг камайишини маблағларнинг ўзлаштирилиши пастлиги билан изоҳлади ва ҳолат сабабларини ўрганишни таклиф қилди.
«Ортга қайтиш бўлмайди». Марказий банк — валюта конвертацияси қоидаларига ўзгартиришлар киритилаётгани ҳақида
Марказий банк конвертация қоидаларига киритилаётган ўзгартиришлар «валюта операцияларини чеклашни эмас, амалдаги нормаларни аниқлаштириш ва операцияларни амалга ошириш жараёнини соддалаштиришни» англатишини таъкидлади. МБ раиси ўринбосари Бобир Абубакиров «орқага қайтиш бўлмаслигини» айтди.
Давлат ОТМларида профессор-ўқитувчининг ўртача ойлиги 9,5 млн сўмни ташкил этмоқда
Ўзбекистондаги давлат олийгоҳларида илмий унвонга эга профессор-ўқитувчининг ўртача ойлик иш ҳақи миқдори 9,5 млн сўмни ташкил этмоқда. Давлат ОТМларидаги профессор-ўқитувчилар сони 48,5 минг нафар бўлиб, 2024 йилда 50 мингдан ошиши кутиляпти.
Тошкентдаги Матбуот уйи ўрнида медиа шаҳарча ташкил этилади. Тендер ғолиби — Yangi Zamon Bino
Қурилиш вазирлиги Матбуот уйи мажмуасини («Газета корпуси») реконструкция қилиш ҳамда унинг ўрни ва туташ ҳудудда медиа шаҳарча қуриш бўйича ўтказилган тендер натижаларини эълон қилди. Тендерда 98,8 млрд сўм таклиф қилган Yangi Zamon Bino ғолиб бўлди.
«Ўзбекистон — улкан салоҳият билан ўсиб бораётган бозор» — Буюк Британия савдо комиссари
Буюк Британиянинг савдо комиссари Кенан Полео Савдо ва саноат бўйича Ўзбекистон-Британия кенгаши йиғилиши арафасида «Газета.uz» мухбирининг икки мамлакатнинг сармоявий ва савдо салоҳиятига оид саволларига жавоб берди.
2024 йилдан цемент учун оҳактош бўйича солиқ ставкасини 2 баравар камайтириш таклиф этилмоқда
Ер қаъридан фойдаланганлик учун цемент ишлаб чиқаришга мўлжалланган оҳактош бўйича солиқ ставкасини 2 баравар камайтириш таклиф этилмоқда. Таклиф маҳаллий маҳсулотлар рақобатбардошлигини ошириш учун илгари сурилган. Бу бюджет тушумлари 160 млрд сўмга камроқ бўлишига олиб келиши прогноз қилинмоқда.
ЭНГ КЎП ЎҚИЛГАН ХАБАРЛАР
- Ўзбекистонда АЭС қуриш юзасидан шартнома бўйича ишлар якуний босқичда — «Росатом» бош директори (1)
- Сиёсий омилларга боғлаш нотўғри деб ўйлайман, бу тижорий муносабат — Энергетика вазири Россиядан газ импорти ҳақида
- Шавкат Мирзиёев ACWA Power билан амалга оширилаётган 2 та лойиҳага старт берди
- Ўзбекистонда фармацевтика тармоғини қандай ривожлантириш режалаштирилмоқда?
Қўшимча имкониятларга эга булиш учун сайтда рўйхатдан ўтинг