Иқтисодиёт
Ўзбекистонда Nike кроссовкаларини ишлаб чиқариш бошланди
Андижондаги Sino International компанияси Nike кроссовкаларини ишлаб чиқаришни бошлади. Nike стратегиясига мувофиқ, Ўзбекистонда ишлаб чиқарилган кроссовкалар дастлаб Марказий Осиё мамлакатлари бозорларига, 2024 йилдан Покистонга, келажакда эса Европа давлатларига етказиб берилади.
UzAuto Motors автомобиль олиш учун «шубҳали шартномалар»ни харид қилмасликка чақирди
Cobalt, Lacetti ва Damas учун шартномалар бериш бир кунда тўхтатилганидан сўнг интернетда ушбу автомобиллар бўйича шартномаларни сотиш тўғрисидаги эълонлар пайдо бўлди. UzAuto Motors бундай шартномаларни харид қилмасликка чақирди. Олиб-сотарлар учун машина бериш вақти 270 кунгача узайиши мумкин.
«Ўзметкомбинат» Citi билан 100 млн долларлик кредит шартномасини имзолади
Citibank`нинг Лондон филиали «Ўзметкомбинат»га кафолатсиз ва гаровсиз 100 млн доллар миқдорида тезкор кредит линияси тақдим этди. Ушбу пуллар айланма маблағларни молиялаштириш ва кредит портфелини қайта молиялаштиришга йўналтирилади.
Ўзбекистон олтин-валюта захиралари кетма-кет тўртинчи ой камайди
Ўзбекистоннинг халқаро валюта захиралари кетма-кет тўртинчи ойдирки камайиб бормоқда. Июль ойида улар 71,8 миллион долларга камайди ва 33,6 миллиард долларни ташкил этмоқда. Йил бошидан буён мамлакатда «молиявий хавфсизлик ёстиғи» 2,1 миллиард долларга камайди.
Magnum тармоғи Ўзбекистондаги Carrefour супермаркетларини сотиб олмоқда
Қозоғистоннинг Magnum Cash & Carry компанияси Ўзбекистондаги барча Carrefour дўконларини Majid Al Futtaim Uzbekistan`дан сотиб олиш бўйича келишувга эришди. Қисқа муддатли ёпилишдан сўнг супермаркетлар Magnum бренди остида фаолиятини бошлайди.
«Ташаббусли бюджет»га таклиф киритиш тугади. Энди лойиҳалар сараланади
«Ташаббусли бюджет»нинг 2-мавсумига лойиҳалар киритиш тугатилди. 20 кун ичида порталга республика бўйлаб жами 49,4 мингта таклиф келиб тушди. Энг кўп таклиф ички йўл таъмири билан боғлиқ. Энди лойиҳалар кўриб чиқилади. 27 августдан уларга овоз бериш бошланади.
Тошкент шаҳри ва вилоятидаги 5 та «заправка»да 11 млрд сўмдан ортиқ табиий газ ўғирлангани аниқланди
Пойтахтнинг Сергели ва Тошкент вилоятининг Пискент ҳамда Чиноз туманларида жойлашган автомобилларга газ тўлдириш компрессор шохобчаларида 11 млрд 54 млн сўмлик табиий газ ўғирлангани аниқланди.
Аксар банкларда доллар курси 11 735 сўм этиб белгиланди
Тижорат банклари 8 август куни аҳолидан 1 АҚШ долларини 11 615−11 675 сўмдан сотиб олмоқда, сотув курси эса 11 700−11 735 сўм.
Раъно Жўраева Uzbekistan Airports раиси лавозимини тарк этди
Uzbekistan Airports компанияси раиси Раъно Жўраеванинг 2022 йил ноябрида 3 йилга узайтирилган шартномаси бекор қилинди. «Газета.uz» бир кун аввал унинг лавозимидан бўшатилиши мумкинлиги ҳақида хабар берганди. Компания раиси в.б. этиб Жавлонбек Умархўжаев тайинланди.
Ҳукумат бюджет дефицитини белгиланган чегарада ушлаб туролмаяпти. Даромадлардан кўра харажатлар 2,5 млрд доллар кўп
Ўзбекистон давлат бюджети харажатлари даромадларидан 29 трлн сўмга (2,5 млрд доллар) кўпроқ бўлди. 2023 йилда профицит прогноз қилинганига қарамай дефицит деярли 6,2 фоизни ташкил этди. Бу маълумотларни эълон қилаётиб Иқтисодиёт ва молия вазири Жамшид Қўчқоров «дефицит» сўзини ишлатмади.
Банкларда доллар курси 11 720 сўмгача кўтарилди
Тижорат банклари 7 август куни аҳолидан 1 АҚШ долларини 11 600−11 660 сўмдан сотиб олмоқда, сотув курси эса 11 700−11 735 сўм.
Oson ва Payme фаолиятида узилишлар кузатилмоқда
Ўзбекистондаги иккита йирик тўлов хизмати ўз фаолиятидаги узилишлар ҳақида хабар берди. Oson Uzcard ва Humo карталари тизимдан вақтинча узилганини маълум қилди. Payme`да ҳам Uzcard ва Humo орқали пул ўтказмалари ишламаяпти.
Davr Bank 2023 йилнинг биринчи ярмида рекорд даражадаги даромадни қайд этгани ҳақида хабар берди
Davr Bank кредит портфели 25% га, депозит портфели эса 21% га ўсди. Банк прогноз қилишича, йил охирига қадар фойда тахминан 40 млн долларни ташкил этади.
Cobalt, Lacetti ва Damas учун шартнома тузиш қайта тикланди. Янги комплектациялар тақдим этилди
UzAuto Motor етти ойдан кўпроқ вақт ўтгач, Cobalt, Lacetti ва Damas учун шартнома тузишни қайта бошлади, шунингдек, Style Plus приставкали янги комплектацияларни тақдим этди. Автомобилларни топшириш вақтини қисқартириш учун компания «ишлаб чиқариш жадвали бўйича сотиш тизими»ни жорий қилмоқда.
Чирчиқдаги қишлоқ хўжалиги машинасозлиги кластери трактор ишлаб чиқаришни бошлади
Чирчиқдаги қишлоқ хўжалиги машинасозлиги кластери тракторлар ишлаб чиқаришни бошлади, маҳаллийлаштириш даражаси 25 фоизни ташкил этмоқда. Завод йилига 15 мингта трактор, тиркама ва бошқа техникаларни ишлаб чиқариш қувватига эга.
Рақобат қўмитаси ZoodPay`га қарши иш очди
Рақобатни ривожлантириш қўмитаси ZoodPay платформасига қарши ташкилотнинг 99 фоиз акцияси БААдаги Zooduz компаниясига сотилгани сабабли иш қўзғатди. Қўмита компанияга нисбатан Маъмурий жавобгарлик тўғрисидаги кодексда белгиланган жавобгарликни қўллаш чораларини кўради.
PowerChina компанияси Андижонда 400 млн долларлик қуёш фотоэлектр станцияси қуради
Хитойнинг PowerChina компанияси Андижонда қиймати 400 млн долларлик 400 МВт қувватга эга қуёш фотоэлектр станцияси қуради. Компания Энергетика вазирлиги билан тендерсиз шартнома имзолади. Энергетика вазири лойиҳалар нима сабабдан бевосита музокаралар орқали амалга оширилаётганини тушунтирди.
Марказий банк регулятор номидан одамларни алдашга уриниш ҳолати кузатилаётганидан огоҳлантирди
Марказий банк Telegram`да регулятор номидан сохта канал очиб, фуқароларни алдашга уриниш ҳолатлари кузатилаётганини маълум қилди. «Марказий банк тижорат фаолияти билан шуғулланмайди, шу жумладан, жисмоний шахсларга кредит ажратмайди ёки молиявий ёрдам кўрсатмайди», дейилади регулятор хабарида.
Freedom Payments давлат идоралари томонидан текширув ўтказилганига изоҳ берди
«Газета.uz» кеча хабар берган Freedom Payments компанияси ходимларининг текширувдан ўтказилиши бўйича ҳолат «мамлакатдан капитал олиб чиқиб кетилишининг олдини олиш бўйича стандарт жараён билан боғлиқ», дея хабар берди компания. Бундай текширувлар бир қатор бошқа тўлов ташкилотларида ҳам ўтказилади.
Банкларда доллар курси 11 680−11 710 сўм этиб белгиланди
Тижорат банклари 4 август куни аҳолидан 1 АҚШ долларини 11 590−11 650 сўмдан сотиб олмоқда, сотув курси эса 11 680−11 710 сўм.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- Энергия тарифлари ошиши фонида камбағаллик чегараси яна бир бор оширилди
- Квартираларни сотишда солиқ базасини ҳар бир квадрат метр учун минимал миқдордан келиб чиқиш белгилаш таклиф этилмоқда
Қўшимча имкониятларга эга булиш учун сайтда рўйхатдан ўтинг