Иқтисодиёт
ОТБ вице-президенти — инвестицияларнинг тўртта йўналиши ҳақида
Осиё тараққиёт банки вице-президенти Шисинь Чен Осиё мамлакатларига пандемия сабабли юзага келган инқирозни енгишда ёрдам берадиган тўртта йўналишни таклиф қилди. Улар орасида соғлиқни сақлаш ва ижтимоий ҳимоя соҳалари ҳам бор.
Uzcard компаниясиниг таъсисчилари ўзгарди
Олдинроқ Uzcard компаниясининг 75 фоиз акциясига эга бўлган Ойбек Турсунов ҳозирда компания таъсисчиларининг рўйхатида йўқ. Эндиликда акцияларнинг 51 фоизи «Ўзмиллийбанк»га, 6 фоиздан акция «Ўзсаноатқурилишбанк», «Асака» банк, Ипотека-Банк ва «Алоқабанк» банкларига тегишли бўлса, қолган 25 фоиз акциялар жисмоний шахсларга тегишли.
1 млн сўмгача маош оладиганлар сони кўпайди
Коронавирус пандемияси даврида иқтисодий фаолликнинг секинлашуви иш ҳақи миқдорларининг пасайишига олиб келди. Жумладан, 1 млн сўмгача маош оладиганлар сони 100 минг кишига кўпайиб, 1,77 млн нафарга етди.
Ярим йилда Давлат бюджети дефицити 6,7 трлн сўмни ташкил этди
2020 йилнинг биринчи ярми якунлари бўйича Давлат бюджети ижроси тўғрисида маълумот берилди. Унга кўра, январь-июнь ойларида Давлат бюджети даромадлари 58,2 трлн сўмни, харажатлари эса 64,8 трлн сўмни ташкил этиб, дефицит 6,7 трлн сўмга тенг бўлди.
Долларнинг расмий курси яна кўтарилди
Долларнинг расмий курси деярли 22 сўмга қимматлаб, жами 10 231 сўм этиб белгиланди. Бу АҚШ миллий валютасининг иккинчи ҳафта ошиши. Евро ва рубль курслари ҳам кўтарилди.
Санитария-эпидемиология хизмати мутасаддилари 1 млрд 750 млн сўмдан ортиқ маблағни талон-тарож қилишган
Андижон, Бухоро, Қашқадарё, Навоий, Наманган вилоятларидаги Санитария-эпидемиология хизмати мутасаддилари томонидан Инқирозга қарши кураш жамғармасининг 1 млрд 750 млн сўмдан зиёд маблағи талон-тарож қилинган, дея маълум қилди сенат раиси Танзила Норбаева. У шунингдек «Жамоатчилик назорати тўғрисида"ги қонун ишламаётганига эътибор қаратди.
Қишлоқ хўжалигини ривожлантириш халқаро жамғармаси Ўзбекистонга $47 млн ажратади
Қишлоқ хўжалигини ривожлантириш халқаро жамғармаси Фарғона водийсида лойиҳаларни амалга оширишга $47 млн ажратади. Ушбу лойиҳа ҳудуддаги 375 мингдан ортиқ аҳоли даромадларининг ўсишига хизмат қилиши кутилмоқда.
UzAuto Motors депутатнинг фикрларини популизм ва ҳақиқатни бузиб кўрсатиш деб атади
UzAuto Motors депутат Расул Кушербаевнинг Монополияга қарши курашиш қўмитаси томонидан олиб борилган текширувлар ҳақидаги берган хабарларига «популистик фикр-мулоҳазалар» деб баҳо берди ҳамда «қўмита тезислари очиқ-ойдин бузилган» дея муносабат билдирди.
Молиявий саводхонликни оширишга қаратилган веб-сайт ишга туширилди
Аҳолининг молиявий саводхонлигини ошириш мақсадида Марказий банк Finlit.uz ахборот-таълим веб-сайтини ишга туширди. Унда иқтисод, банк ва молия соҳасига тегишли мақолалар, ўқув материаллари эълон қилинади, интерактив хизматлар ва лойиҳалар доимий равишда янгиланиб, такомиллаштириб борилади.
Олтин нархи рекорд даражага кўтарилди
Олтин унцияси нархи тарихий рекорд даражага кўтарилиб, 2000 доллардан ошди. Капитал бозорини ривожлантириш агентлиги директори Отабек Назиров айнан ҳозир олтин-валюта захирасини сотиб, маблағларни мамлакат иқтисодиётини қутқаришга ва ишсизлар сони ортишининг олдини олишга йўналтириш мумкинлигини айтмоқда.
UzAuto Motors фаолиятида қонунбузарликлар аниқланди
Монополияга қарши курашиш қўмитаси томонидан ўтказилган текширувда UzAuto Motors автомобилларига нархларни шакллантиришда айрим харажатларни ошириб киритганлиги ва рақобат тўғрисидаги бошқа қонунбузарлик аломатлари аниқланди, дея хабар берди депутат Расул Кушербаев.
Самарқанд аэропорти реконструкциясига 62 млн доллар ажратилади
Самарқанд аэропорти реконструкциядан сўнг ўтказиш қобилиятини соатига 600 дан 1200 йўловчига оширади. Шунингдек, 22 та ҳаво кема учун тўхташ ва учиш-қўниш йўлаги қурилиши якунланмоқда.
COVID марказлари ходимларини моддий рағбатлантириш тўловлари белгиланди
COVID марказлари ходимларига коронавирусга қарши курашиш даврида бериладиган моддий рағбатлантириш тўловлари миқдори белгиланди: врач ходимларга — 2,5 млн сўм, ўрта тиббиёт ходимларига — 1,5 млн сўм, кичик тиббиёт ходимларига — 1 млн сўм ва бошқа ходимларга — 500 минг сўм.
Ўзбекистон ва Россия марказий банклари хакерларга қарши биргаликда курашади
Ўзбекистон ва Россия марказий банклари компьютер ҳужумларига қарши курашиш бўйича ўзаро англашув меморандумини имзолади.
Банкларнинг муаммоли кредитлари улуши 2,9 фоизгача ўсди
Ўзбекистон банк тизимидаги муаммоли кредитлар улуши йил бошидан буён 1,4 фоизга ўсиб, 2,9 фоизга (7 трлн сўм) етди. Аксарият банкларда кредит портфелининг сифати ёмонлашган.
ОТБ соғлиқни сақлаш тизимини мустаҳкамлаш учун Ўзбекистонга $100 млн ажратади
Осиё тараққиёт банки Ўзбекистон соғлиқни сақлаш тизимининг фавқулодда вазиятларга чидамлилигини мустаҳкамлаш мақсадида 100 млн доллар ажратади. Лойиҳа доирасида COVID-19га қарши самарали жавоб бериш ва тест ўтказиш тизимларини такомиллаштириш кўзда тутилган.
Ўзбекистонда ишсизлик даражаси 13,2 фоизни ташкил қилди
Январь-июнь ойларида ишсизлик даражаси 13,2% ни ташкил этди. Иш билан таъминланишга муҳтожлар сони 1,94 млн кишигача ортди. Карантин чоралари меҳнат бозорига сезиларли таъсир кўрсатди, дея таъкидлади Меҳнат вазирлиги.
Долларнинг расмий курси кўтарилди
АҚШ миллий валютасини расмий курси 2 сўмга қимматлаб, жами 10 209 сўм этиб белгиланди. Евро курси 12 минг сўмдан ошди ва рубль курси эса деярли 5 сўмга (137,46 сўм) тушди.
Ҳаёт учун ёрдам
Аҳоли уйларини айланиб чиқиш орқали тузилган муҳтож оилалар рўйхатига асосан ҳукумат нақд пул тарқатишни бошлади. Иқтисодчи Ботир Қобилов келажакда эҳтиёжманд оилаларни аниқлаш ва маблағларни тақсимлашнинг замонавий механизмларидан фойдаланишни таклиф қилди.
Ташқи қарз чегарасини $5 млрдгача ошириш таклиф этилди
Молия вазирлиги 2020 йил учун Давлат бюджети тўғрисидаги қонунга ўзгартиш ва қўшимчалар киритишни таклиф этмоқда. Хусусан, мамлакат кафолати остида жалб этиш ташқи қарз чегарасини $1 млрдга ($4 млрддан $5 млрдгача) ошириш, Тикланиш ва тараққиёт жамғармасининг даромадлари прогнози ҳамда уларнинг харажатларини ўзгартириш кўзланган.
Энг кўп ўқилган хабарлар | Сўнгги янгиликлар
- Тожикистон шу ойда Марказий Осиё ягона энергетика тизимига қўшилади — Ўзбекистон энергетика вазири
- Ўзбекистонда автомобиллар савдоси кетма-кет учинчи ой пасаймоқда
- Президент Coca Cola компаниясининг истиқболли лойиҳаларини қўллаб-қувватлади
- Газ ва электр энергияси тарифларини оширишда газ импорти ҳисобга олинган — энергетика вазири
Қўшимча имкониятларга эга булиш учун сайтда рўйхатдан ўтинг