Интернетда, жумладан, OLX савдо майдончасида Chevrolet Cobalt, Lacetti ва Damas автомобилларини сотиш бўйича шартномалар ҳақидаги эълонлар тарқалди. Сотувчилар пули тўланмаган шартномаларни «автомобилни қайта рўйхатдан ўтказиш ваъдаси» билан «сотиб олишни» таклиф қилишди.
UzAuto Motors потенциал харидорларни «шартномаларни сотиб олиш бўйича шубҳали таклифларни» қабул қилмасликка чақирди.
Компания шартнома UzAvtoSavdo тизими томонидан автоматик тарзда тузилиши, ундаги маълумотларни на харидор, на дилер томонидан ўзгартириш имкони йўқлигини таъкидлаб ўтди. Қолаверса, автомобилни олган сўнг, тизим харидорнинг иштирокида давлат рақамини рўйхатдан ўтказиш Йўл-ҳаракати хавфсизлиги давлат хизматига (ЙҲХДХ) электрон ҳисоб-фактурани юборади.
«Айрим шахслар учун олдиндан тўловнинг камайтирилганлиги, шунингдек шартномани онлайн расмийлаштириш имконини берувчи қулай тизимнинг жорий этилиши автомобилни шахсий фойдаланиш учун эмас, балки фақат тижорат мақсадларида (қайта сотиш) сотиб олиш учун ишлатила бошланди», — дейилади хабарда.
UzAuto Motors агар бир шахс номига йилига бир хил модель учун 2 тадан ортиқ автомобиль харид қилинса, ҳар бир кейинги автомобиль «навбатнинг» охирига ўтиши ҳамда автомобилларни етказиб бериш муддати 120 кунга ошишини эслатиб ўтди.
«Кейинчалик бир киши томонидан бир нечта автомобилларни сотиб олиш амалиёти такрорланган тақдирда, компания истеъмолчилар учун автомобиллар мавжудлигини таъминлаш мақсадида ушбу муддатни 270 кунгача узайтиришни кўриб чиқмоқда», — дея маълум қилди компания.
Эслатиб ўтамиз, 4 август куни, етти ойдан кўпроқ вақт ўтгач, автомобиль ишлаб чиқарувчиси Cobalt, Lacetti ва Damas учун шартномалар беришни қайта тиклаб, янги комплектацияларни тақдим этган эди. Кўпгина автосалонларда ушбу машиналарни сотиб олиш бўйича шартнома тузиш учун узун навбатлар пайдо бўлди. 5 август куни эса компания 2023 йил учун қўшимча партия тўлиқ шартнома тузилганини эълон қилди.
