Иқтисодиёт
Uzbekistan Airports ва Air Marakanda Самарқанд аэропортини модерниязация қилиш бўйича битим имзолади
Uzbekistan Airports ва Air Marakanda компаниялари «Самарқанд» халқаро аэропортини ДХШ асосида модернизация қилиш ва бошқариш лойиҳаси доирасида ўзаро битим имзолади.
Долларнинг расмий курси кетма-кет учинчи кун пасайди
Долларнинг сўмга нисбатан расмий курси 19,94 сўмга пасайиб, 10 650,06 сўм этиб белгиланди. Шунингдек, евро ва рубль курслари ҳам пасайди.
Давлат функцияларини хусусий секторга ўтказиш тартиби белгиланди
Давлат функцияларини хусусий секторга ўтказиш тартиби тўғрисидаги низом тасдиқланди. 1 августгача хусусий секторга ўтказиш тавсия этилган давлат функциялари рўйхати тузилади. Уларнинг ягона реестрини шакллантириш ва юритиб боришга қаратилган электрон майдонча яратилади.
Ўзбекистоннинг умумий ташқи қарзи қарийб 36 млрд долларга етди
Биринчи ярим йилликда Ўзбекистоннинг умумий ташқи қарзи 2 миллиард долларга ошиб, 35,9 млрд долларга етди. Умумий ташқи қарзнинг ЯИМга нисбати эса 57 фоизни ташкил қилди.
Тошкент иссиқлик таъминоти тизимини Франциянинг Veolia компанияси бошқаради
Франциянинг Veolia компанияси 30 йил давомида Тошкентнинг иссиқлик таъминоти тизимини бошқаради. Компания пойтахтнинг икки туманида синов лойиҳасини амалга оширмоқда. Тарифлар иситиш тизимини модернизация ва реконструция қилиш харажатларини ҳисобга олган ҳолда тузилади ва ҳар йили 1 майгача кенгаш томонидан тасдиқланади. Пасайтирилган тарифларни қўллаш натижасида етказилган зарарлар маҳаллий бюджет субсидиялари ҳисобидан қопланади.
ОТБ 2021−2022 йилларда Ўзбекистонда иқтисодий ўсиш бўйича прогнозларини янгилади
ОТБнинг 2021 йилги янгиланган прогнозларига кўра, Ўзбекистон иқтисодиёти 2021 йилда 5 фоиз, 2022 йилда эса 5,5 фоизга ўсиши кутилмоқда. ОТБ 2021 ва 2022 йиллар учун инфляция прогнозларини мос равишда 10 ва 9 фоиз даражасида сақлаб қолди. Шунингдек, жорий ҳисоб дефицити бўйича прогнозларини оширганини маълум қилди.
IKEA Ўзбекистонда товар белгисини рўйхатдан ўтказмоқчи
IKEA компанияси Ўзбекистонда товар белгисини рўйхатдан ўтказиш учун ариза юборди. Компаниянинг аризаси Интеллектуал мулк агентлиги томонидан кўриб чиқилмоқда.
«Очиқ бюджет» ахборот порталидаги жамоатчилик фикри орқали ички йўллар таъмирланади
Президент 1 октябргача «Очиқ бюджет» ахборот порталидаги таклифлар сони 100 тадан ортиқ бўлган туман ва шаҳарларга қўшимча 59,5 млрд сўм маблағ ажратиш бўйича қарор қабул қилди. Унга кўра, 2022 йилдан ички йўлларни таъмирлашга ажратиладиган 50 фоиз маблағ «Очиқ бюджет» ахборот порталида аҳоли кўп овоз берган ҳудудларга йўналтирилади.
Долларнинг расмий курси яна пасайди
Долларнинг сўмга нисбатан расмий курси 9,05 сўмга пасайиб, 10 670,00 сўм этиб белгиланди. Шунингдек, евро курси пасайди, рубль курси эса кўтарилди.
«Давлат қарзини ЯИМга нисбатан 45−50% чегарасида ушлаб туришни режалаштиряпмиз» — Аҳадбек Ҳайдаров
Молия вазири ўринбосари Аҳадбек Ҳайдаровнинг маълум қилишича, 2020 йилда коронавирус инқирози сабабли давлат харажатлари кескин ўсган. Эндиликда уни пандемиягача бўлган даврдаги даражага — ЯИМга нисбатан 27% га тушириш режалаштирилмоқда. Бундан ташқари, ҳукумат келгуси йилларда давлат қарзи даражасини 50%, бюджет тақчиллигини 2% чегарада ушлаб туришни режалаштирмоқда.
11,9 млрд сўмлик товарлар божхона расмийлаштирувидан олдин алмаштириб қўйилганлиги аниқланди
Давлат божхона қўмитаси республика ҳудудига олиб кирилган 11,9 млрд сўмлик товарларни божхона расмийлаштирувидан олдин алмаштириб қўйишга уриниш ҳолатини аниқлади. Маълумотга кўра, йил бошидан божхона органлари томонидан аниқланган 7700 та ҳуқуқбузарлик ҳолатида умумий қиймати 547 млрд сўмлик товарлар ноқонуний кўчирилишининг олди олинган.
Долларнинг расмий курси пасайди
Долларнинг сўмга нисбатан расмий курси 9,05 сўмга пасайиб, 10 679,05 сўм этиб белгиланди. Шунингдек, евро курси пасайди, рубль курси эса кўтарилди.
Амударё орқали ўтадиган кўприкнинг қиймати — 174 млн доллар
Амударё орқали Хоразм вилояти Қорақалпоғистон Республикасини боғловчи кўприк қурилиши лойиҳасининг қиймати 174 миллион доллар. Президент мазкур қурилаётган кўприкни кўздан кечирди.
Валдай экспертлари: Афғонистондаги транспорт лойиҳалари у ерда тўлақонли ҳукумат пайдо бўлишига боғлиқ
Афғонистонда транспорт ва инфратузилма лойиҳаларини амалга ошириш ушбу мамлакатнинг тўлақонли ва барқарор ҳукумати иродасига боғлиқ, дейилади «Валдай» клубининг янги ҳисоботида. Ўзбекистон Трансафғон темир йўли қурилиши орқали Покистон портларига чиқишга интилмоқда, бироқ ҳисобот муаллифлари денгиз савдо йўлларига чиқиш барча муаммоларга ечим бўлмайди, деб ҳисобламоқда.
Президент Шавкат Мирзиёев БМТ Бош Ассамблеяси 76-сессиясида нутқ сўзлади
Президент Шавкат Мирзиёев БМТ Бош Ассамблеяси 76-сессияси умумий мунозараларининг биринчи кунида видеомурожаат билан сўзга чиқди. Давлат раҳбари халқаро ҳамжамиятга минтақа ва глобал кун тартибидаги долзарб масалалар, БМТнинг замонавий таҳдид ва хатарларга қарши биргаликда чора кўришдаги роли юзасидан ўз нуқтаи назарини тақдим этди ҳамда қатор таклиф ва ташаббусларни илгари сурди.
«Doing business» муаллифлари «Ўзбекистон протоколи»дан бехабар — ЖБ
Жаҳон банкининг Ўзбекистондаги ваколатхонасининг маълум қилишича, «Бизнес юритиш» ҳисоботи муаллифлари ва банкнинг минтақадаги вакиллари 2018 ва 2020 йилларда рейтинг маълумотларидаги номувофиқлик бўйича суриштирувда тилга олинган «Ўзбекистон протоколи»дан хабардор эмас.
Долларнинг расмий курси яна кўтарилди
Долларнинг сўмга нисбатан расмий курси 1,40 сўмга кўтарилиб, 10 688,10 сўм этиб белгиланди. Шунингдек, евро ва рубль курси ҳам кўтарилди.
Қорақалпоғистонни ривожлантириш учун 43 трлн сўм йўналтирилади — Шавкат Мирзиёев
ЎзЛиДеПнинг президентликка номзоди Шавкат Мирзиёев келгуси 5 йилда Қорақалпоғистонни ривожлантириш учун 43 трлн сўм йўналтирилишини таъкидлади. Ушбу маблағлар давлат бюджети, халқаро молия ташкилотлари ва банк кредитлари ҳисобидан ажратилади.
ИТБ ва ОПЕК Ўзбекистондаги қишлоқ жойларини ривожлантириш учун $275 млн ажратади
Ислом тараққиёт банки ва ОПЕК халқаро тараққиёт жамғармаси томонидан Ўзбекистондаги қишлоқ жойларини ривожлантириш лойиҳаси учун $275 млн миқдорида қарз ажратилади. Лойиҳа Қорақалпоғистон Республикаси, Бухоро, Навоий ва Хоразм вилоятларининг 20 та туманидаги 170 та МФЙ ҳудудларида амалга оширилади.
Ўзбекистонда LADA автомобилларини серияли ишлаб чиқариш бошланди
Roodell компанияси ADM Jizzakh заводида LADA автомобилларини йиғишни бошлади. Биринчи бўлиб Vesta SW ва XRAY моделларини ишлаб чиқиш йўлга қўйилди. Тез орада улар сафига Largus ҳам қўшилади.
Энг кўп ўқилган хабарлар | Сўнгги янгиликлар
- Suez бош директори — Тошкент сув таъминоти тизимини модернизация қилиш ва Ўзбекистондаги лойиҳалар ҳақида
- Тошкентда Binance криптобиржасига доир суд жараёни давом этмоқда
- ФТА, ЕИ ва БМТТД Ўзбекистонда яшил бюджетлаштиришни қўллаб-қувватлайди
- Йил бошидан буён 115 минг ўзбекистонлик меҳнат миграциясидан қайтиб келди
Қўшимча имкониятларга эга булиш учун сайтда рўйхатдан ўтинг