UzAuto Motors Monopoliyaga qarshi kurashish qo‘mitasini maqolalarni o‘chirtirish va o‘zgartirish orqali OAVga bosim o‘tkazayotganlikda aybladi. Qo‘mita esa ushbu ayblovlarni rad etib, o‘z «pozitsiyasi»da qat’iy qolishi va barcha nizolarni faqat sud orqali hal qilishini ta’kidladi.
Bosh vazir Abdulla Aripov yig‘ilishda Monopoliyaga qarshi kurashish qo‘mitasining harakatlarini populistik deb atadi. Internet foydalanuvchilari qo‘mitani qo‘llab-quvvatlashdi va o‘zlarini ham populist deb atashdi.
Toshkent shahar ma’muriy sudida UzAutoMotors`ning Monopoliyaga qarshi kurashish qo‘mitasi maxsus komissiyasi qarorini haqiqiy emas deb topish to‘g‘risidagi shikoyat arizasini ko‘rib chiqish bo‘yicha sud jarayoni boshlandi.
UzAuto Motors kompaniyasi IPO o‘tkazishga tayyorgarlikni boshladi. Kompaniya 10 foizgacha miqdorda qo‘shimcha aksiyalarini chiqarishni rejalashtirmoqda.
UzAuto Motors Monopoliyaga qarshi kurashish qo‘mitasining qarori ustidan Toshkent shahar ma’muriy sudiga shikoyat qildi. Oldinroq, Monopoliyaga qarshi kurashish ko‘mitasining maxsus komissiyasi tomonidan kompaniyaga asossiz oshirilgan narxlarni bekor qilib, avtomobillarni kamaytirilgan narxlarda sotish bo‘yicha ko‘rsatma berilgan edi.
UzAuto Motors kompaniya avtomobil narxlarini asossiz oshirganligi bois, avtomobillar narxini pasaytirishi kerakligi to‘g‘risidagi qaror ustidan shikoyat qilishini bildirdi. Kompaniya ish bir taraflama ko‘rib chiqilganini, qaror uzil-kesil emasligini va keyingi xatti-harakatlar sud muhokamalari yakunlaridan kelib chiqib belgilanishini ta’kidladi. «Avtomobillar narxini hozir pasaytirish imkonsiz», — deyiladi bayonotda.
Monopoliyaga qarshi kurashish qo‘mitasi UzAuto Motors tomonidan 2020 yil mart oyida avtomobillar uchun tasdiqlangan va iste’molchilarga realizatsiya qilingan, asossiz kiritilgan xarajatlarni chegirishni va ushbu mablag‘larni iste’molchilarga qaytarib berishni so‘radi. Yangi shartnomlar ham ushbu chegirmalar asosida tuziladi. Buning oqibatida Spark 3,5 mlngacha, Cobalt 10,5 mlngacha, Gentra 19,8 mlngacha va Damas 15,7 mln so‘mgacha arzonlashishi kutilmoqda.
UzAuto Motors avtomobillar narxlarini 3 mln so‘mdan 19 mln so‘mgacha asossiz oshirgani aniqlandi. Kompaniyaga narxlarning asossiz oshirilgan qismlarini bekor qilish va avtomobillarni kamaytirilgan narxlarda sotish bo‘yicha ko‘rsatma berildi.
UzAuto Motors deputat Rasul Kusherbayevning Monopoliyaga qarshi kurashish qo‘mitasi tomonidan olib borilgan tekshiruvlar haqidagi bergan xabarlariga «populistik fikr-mulohazalar» deb baho berdi hamda «qo‘mita tezislari ochiq-oydin buzilgan» deya munosabat bildirdi.
Monopoliyaga qarshi kurashish qo‘mitasi tomonidan o‘tkazilgan tekshiruvda UzAuto Motors avtomobillariga narxlarni shakllantirishda ayrim xarajatlarni oshirib kiritganligi va raqobat to‘g‘risidagi boshqa qonunbuzarlik alomatlari aniqlandi, deya xabar berdi deputat Rasul Kusherbayev.
Monopoliyaga qarshi kurashish qo‘mitasi o‘tkazgan tekshiruvda Uzauto Motors «Raqobat to‘g‘risida"gi qonun talablarini buzgani aniqlanib, kompaniyaga nisbatan ish qo‘zg‘atildi.
Qo‘shimcha imkoniyatlarga ega bulish uchun saytda ro‘yxatdan o‘ting