«transport vazirligi» tegli maqolalar
Toshkentda transafg‘on temir yo‘li loyihasini muvofiqlashtirish ofisi ochildi
Toshkentda O‘zbekiston-Afg‘oniston-Pokiston temir yo‘l liniyasini qurish loyihasini muvofiqlashtirish ofisi ochildi. 20 mln tonnagacha yuk tashish imkonini beruvchi yo‘l Yevropa Ittifoqi, Rossiya, O‘zbekiston, Afg‘oniston, Pokiston, Hindiston va undan keyingi Janubi-Sharqiy Osiyo davlatlarini bog‘lashi kerak.
MB rahbari o‘rinbosari Ilxomjon Abdugafarov transport vaziri o‘rinbosari etib tayinlandi
Prezident Ilxomjon Abdugafarovni transport vaziri o‘rinbosari etib tayinladi. Bunga qadar u Markaziy bank raisi o‘rinbosari lavozimida faoliyat yuritgan.
Krasnogorsk qo‘rg‘onidan Parkent, Toshkent va Nurafshon shaharlariga avtobus qatnovlari yo‘lga qo‘yildi
Toshkent viloyatidagi Krasnogorsk qo‘rg‘onini Parkent, Toshkent va Nurafshon shaharlari bilan bog‘lovchi avtobus qatnovlari yo‘lga qo‘yildi. Har bir yo‘nalishga 4 tadan transport ajratildi.
Toshkent metrosida ayollarga nisbatan zo‘ravonlikka qarshi kurash haqidagi ijtimoiy reklama joylashtirildi
Toshkent metropolitenida ayollarning zo‘ravonlikka qarshi yordam so‘rab qilgan murojaatlarini radioto‘lqinlar shaklida aks ettirgan banner va posterlar joylashtirildi. Ularning har birida QR-kod mavjud bo‘lib, u orqali yordam haqida batafsil ma’lumot olish mumkin.
Transport vazirligi Gruziya, Ozarbayjon va Turkiyaga avtotransportda yuk tashuvchilarga murojaat qildi
O‘zbekiston Transport vazirligi Rossiya-Gruziya chegarasidagi «Yuqori Lars» nazorat-o‘tkazish punktida aksariyat yo‘laklar yopilgani sababli milliy tashuvchilarga ushbu holatni inobatga olishlarini so‘radi. Hozirda Rossiya va Ozarbayjon o‘rtasida 3 ta nazorat-o‘tkazish punktlari faoliyat ko‘rsatmoqda.
Transport vazirligi Yevropaga avtotransportda yuk tashuvchilarga murojaat qildi
O‘zbekiston Transport vazirligi Polsha Belarus bilan chegaradagi nazorat punktini vaqtincha yopgani uchun milliy tashuvchilardan Yevropaga yuk tashuvlari jarayonida ushbu holatni inobatga olishlarini so‘radi. Hozirda Litva orqali to‘siqlarsiz harakatlanishni ta’minlash yuzasidan muzokaralar olib borilmoqda.
O‘zbekiston transport vazirligi huzuridagi tashkilotlarga rahbarlar tayinlandi
Prezident farmoni bilan Abduraxman Abduvaliyev transport vazirligi huzuridagi Avtomobil yo‘llari qo‘mitasi raisi, Taxir Nazarov Fuqaro aviatsiyasi agentligi direktori, Faxriddin Salixov Yo‘l-qurilish ishlari sifatini nazorat qilish inspeksiyasi boshlig‘i etib tayinlandi.
Qozog‘istonda evakuatsiya qilingan 69 nafar O‘zbekiston fuqarosi bo‘yicha ma’lumot berildi
Aktobe viloyatida noqulay ob-havo sharoiti tufayli yo‘lda qolib ketgan avtobuslardan 69 nafar o‘zbekistonlik evakuatsiya qilingandi. Transport vazirligi hozirda barcha yo‘lovchilar sog‘-salomat holda yo‘nalishda o‘z safarini davom ettirayotganini ma’lum qildi.
Toshkentda avtobuslarning harakatlanish oraliq vaqti qisqargani aytilmoqda
16−17 dekabr kunlari Toshkentga 204 ta yangi avtobus olib kelinib, yo‘nalishga chiqarildi. Natijada avtobuslarning harakatlanish oraliq vaqti 25−30 daqiqadan 10−12 daqiqaga qisqargani aytilmoqda. Biroq aholi ehtiyojlarini to‘liq qondirish uchun yana 21 ta yangi avtobus yo‘nalishi shakllantirilishi zarur.
Uzbekistan Airways kompaniya rahbari bilan shartnomani 3 yilga uzaytirdi
Bir paytning o‘zida transport vaziri va Uzbekistan Airways rahbari bo‘lgan Ilhom Mahkamov bilan kompaniya o‘rtasida tuzilgan mehnat shartnomasi yana uch yilga uzaytirildi.
«Transport vaziri uyg‘onadigan vaqt keldi». Prezident — transport sohasidagi ishlar sustligi haqida
Shavkat Mirziyoyev transport vazirligiga Samarqand aeroportida aviareyslar va yo‘nalishlarga bo‘lgan barcha cheklovlar olib tashlanganini barcha davlatlarning aviatsiyaga mas’ul idoralariga yetkazishni buyurdi. Shuningdek, vodiy, Nukus, Urganch va Termizdan kuniga kamida 1 ta aviaqatnovni yo‘lga qo‘yishni topshirdi.
Hududlar uchun Damas o‘rniga 5000 ta avtobus va mikroavtobus sotib olish rejalashtirilmoqda — loyiha
Hududlarda jamoat transporti tizimini rivojlantirish uchun Transport vazirligi tomonidan 5000 ta avtobus va mikroavtobus sotib olish, 81 ta avtovokzal qurish va rekonstruksiya qilish hamda Damas mikrovenlaridan foydalanishdan voz kechish taklif etilmoqda.
«Avtoturargohlarni kamaytirib, jamoat transportidan foydalanish jozibadorligini oshiramiz» — Transport vazirligi
Poytaxtda avtoturargohlar sonini qisqartirish va jamoat transporti rivojlanishi uchun ko‘proq sharoit yaratish rejalashtirilayapti, deb ma’lum qildi Transport vazirligi vakili Murod Obidov. Uning so‘zlariga ko‘ra, Toshkentda avtoturargohlarni kengaytirish uchun yer yo‘q, ularda avtomobillarni ertalabdan kechgacha saqlab turish esa yer resurslaridan foydalanishning eng samarasiz usuli hisoblanadi.
Katovitse shahridan evakuatsiya parvozlari bepul — Transport vazirligi
Transport vazirligi ijtimoiy tarmoqlarda Ukrainadan evakuatsiya qilinayotgan O‘zbekiston fuqarolarini mamlakatga olib kelish uchun tashkil etilayotgan maxsus aviareyslar uchun chiptalar sotilayotganligi haqidagi ma’lumotni rad etdi. Polshaning Katovitse shahridan maxsus reyslar O‘zbekiston hukumati tomonidan bepul tashkil etilayotgani aytildi.
Prezident Toshkent jamoat transportidan foydalanish darajasini ikki barobarga oshirish bo‘yicha ko‘rsatma berdi
Toshkent jamoat transportidan foydalanish darajasi bor-yo‘g‘i — 21 foizni tashkil qiladi, tizimda qariyb 400 ta avtobus yetishmaydi. Yo‘llar piyoda va velosipedda yurish uchun qulay emas, buning oqibatida YTHlar ko‘p sodir bo‘lmoqda, deya ta’kidlandi prezident ishtirokidagi taqdimotda. Shavkat Mirziyoyev yangi avtobus hamda elektrobuslar xarid qilish va umuman, jamoat transportidan foydalanish darajasini hozirgidan 2 barobar oshirish bo‘yicha ko‘rsatma berdi.
O‘zbekiston va Tojikiston o‘rtasida avtobus qatnovlari tiklanishi mumkin
O‘zbekiston va Tojikiston transport vazirliklari pandemiya tufayli to‘xtab qolgan avtobus qatnovini qayta tiklash masalasini muhokama qildi. Qolaversa, «O‘zbekiston — Tojikiston — Xitoy» transport koridorini rivojlantirish yuzasidan ham fikr almashildi.
Samarqand va Qashqadaryo viloyatlarini bog‘lovchi dovonda avtomobillar harakati vaqtincha to‘xtatildi
26 dekabr kuni soat 11:00 dan Qashqadaryo viloyatining Kitob tumanidan o‘tgan M-39 avtomobil yo‘lining «Taxtaqoracha» dovoni avtomobillar harakati uchun vaqtincha yopildi. Bunga dovonda tinimsiz qor yog‘ishi sabab bo‘lgan.
Yangi yil bayrami kunlari o‘zbekistonliklar 18 ta davlatga uchishi mumkin
Transport vazirligi hozirda 18 ta xorijiy mamlakatlar bilan muntazam aviaqatnovlar tiklangani, haftasiga 28 ta yo‘nalish bo‘yicha 144 ta parvoz amalga oshirilayotgganini ma’lum qildi.
Turkmaniston bilan chegaradagi ikkita nazorat punktlari faoliyati tiklanmoqda
O‘zbekiston va Turkmaniston 26 noyabrdan boshlab kontaktsiz yuk tashish yo‘lga qo‘yilishi kerak bo‘lgan «Xo‘jayli» va «Shovot» chegara o‘tkazish punktlari faoliyatini tiklash ustida ishlamoqda.
Avtomobil tashuvlaridagi ma’muriy bayonnomalar planshetlar orqali rasmiylashtiriladi
Transport vazirligi inspektorlari endilikda avtomobil tashuvlari sohasida huquqbuzarlik sodir etgan shaxslarni aniqlash, ma’muriy huquqbuzarliklar to‘g‘risidagi ishlarni rasmiylashtirish uchun planshetlardan foydalanadi. Dastlabki bosqichda Toshkent shahar va Toshkent viloyatida yo‘lga qo‘yilishi ko‘zda tutilgan.
ENG KO‘P O‘QILGAN XABARLAR
- UzAuto Motors aprelda minglab Cobalt, Lacetti, Damas ishlab chiqargan. Biroq bu avtomobillar sotuvda yo‘q
- O‘zbekistonga benzin qayerdan keladi? Uning hajmi va narxi haqida
- XDP O‘zbekiston prezidentligiga nomzod va uning dasturini tasdiqladi
- 1-iyundan nimalar o‘zgaradi?
- Juma tabrigi va diniy masalalarni tarqatishga hech qanday ta’qib yo‘q — Musulmonlar idorasi
Qo‘shimcha imkoniyatlarga ega bulish uchun saytda ro‘yxatdan o‘ting