«talon-torojliklar» tegli maqolalar
Termizning sobiq hokimi va yana 17 kishiga oid jinoyat ishi sudda ko‘rilmoqda
35,6 mlrd so‘m mablag‘ni o‘zlashtirishda gumonlangan Termizning sobiq hokimi Isroil Xudoyberdiyev hamda uning ikki o‘rinbosariga oid jinoyat ishi sudda ko‘rib chiqilmoqda. Ishga jami 18 kishi ayblanuvchi, 200 kishi jabrlanuvchi va guvoh sifatida jalb qilingan. Ish hajmi kattaligi sababli sud yana 4 oy davom etadi.
Narpaylik fermerning 1,7 mlrd so‘mlik tabiiy gazdan noqonuniy foydalangani aniqlandi
Narpay tumanida yashovchi fuqaro va fermerning yashirin ohak sexi tashkil etib, 1,7 mlrd so‘mlik tabiiy gazdan noqonuniy foydalangani aniqlandi. Samarqand, Yuqorichirchiq, Qibray, TOshkent va Yangiariq tumanlarida ham gaz va elektr tarmoqlariga noqonuniy ulanish holatlari fosh qilindi.
Mirzacho‘l XTB mansabdor shaxslariga nisbatan jinoyat ishi qo‘zg‘atildi — DXX
Mirzacho‘l tuman XTB mansabdor shaxslari ortiqcha sinflar shakllantirish, ta’til, ish haqi va ustama pullarni ortiqcha to‘lash, qo‘shib yozish, kamomad kabi jinoyatlarni sodir etganlikda gumonlanmoqda. Ular davlatga qariyb 1,6 mlrd so‘m zarar yetkazgan. DXX ularga nisbatan jinoyat ishi qo‘zg‘atilganini ma’lum qildi.
Toshkent madaniyat bosh boshqarmasining sobiq rahbarlari talon-torojliklarda gumonlanmoqda
Sobiq Toshkent madaniyat bosh boshqarmasi rahbarlari o‘tgan yili 20 mlrd so‘mlik festivallarni tendersiz o‘tkazish bo‘yicha shartnomalar imzolagan. Bundan tashqari, festivallar davomida 8 mlrd so‘mlik budjet mablag‘lari talon-toroj qilingan, deya xabar qildi Bosh prokuratura xabarida.
Jizzaxda tibbiy markaz mansabdorlari yangi uskunalar puliga yaroqsiz jihoz xarid qilgani aniqlandi
Jizzax viloyati Ko‘p tarmoqli tibbiyot markazida 245,2 mln so‘mga jarrohlik uskunalarini xarid qilish belgilangan. Ammo mansabdorlar bu pullarni talon-toroj qilib, boshqa yaroqsiz uskunalar olgan. Hozirda holat yuzasidan jinoyat ishi qo‘zg‘atildi.
«Imtiyozli kreditlarni yo‘q qilish kerak». Jamshid Qo‘chqorov kreditlar talon-torojiga barham berish haqida
Bosh vazir o‘rinbosari Jamshid Qo‘chqorov kreditlar talon-toroj qilinishiga barham berish uchun imtiyozli kreditlarni yo‘q qilish va banklarni xususiylashtirish zarurligini ta’kidladi. Uning so‘zlariga ko‘ra, shundagina kredit ajratish tizimi tartibga tushadi, xususiy bank egalari esa vaziyatni o‘z nazoratiga oladi.
Bosh prokuratura tarkibida Yer resurslari talon-toroj qilinishining oldini olish boshqarmasi tashkil etildi
Prezident qarori bilan Bosh prokuratura tarkibida Yer resurslari talon-toroj qilinishining oldini olish boshqarmasi, IIV Tezkor-qidiruv departamentida esa Yer resurslari talon-toroj qilinishiga qarshi kurashish bo‘limi tashkil etildi. Yer ajratish to‘g‘risidagi barcha qarorlar xatlovdan o‘tkaziladi.
«Maroqand neft bazasi»da neft mahsulotlari o‘g‘rilanib, noqonuniy sotib yuborilgan
«Maroqand neft bazasi»da neft mahsulotlarining o‘g‘rilanib, noqonuniy sotib yuborilgani aniqlandi, deya xabar qildi «O‘zbeknaftgaz». Jumladan, neft bazasida 23,3 mlrd so‘mlik 3219 tonna avtobenzin birja savdolari orqali sotib olinmasdan, iste’molchilarga jo‘natib yuborilgan. Bundan tashqari, ayrim xodimlar yoqilg‘i sig‘imlarining kalibrovka jadvallarini o‘zgartirilib, zaxiralarni yashirgan, haydovchilar esa mexaniklar bilan kelishib, benzinni hisobdan chiqarishgan. 11 xodim ishdan bo‘shatildi, jinoiy ish qo‘zg‘atildi.
«O‘zbekiston temir yo‘llari» 899 mln so‘mlik qurilish materiallari talon-toroj qilinganini rad etdi
«O‘zbekiston temir yo‘llari» yer usti metrosi qurilishida byudjet mablag‘lari talon-toroj qilingani haqidagi xabarlarni rad etdi. Kompaniyaning aniqlik kiritishicha, noma’lum shaxslar 899 mln so‘mlik kabel mahsulotlarini o‘g‘rilagan. Avvalroq transport prokurori Ma’rufjon Xodjayev transport prokurori Ma’rufjon Xo‘jayev xuddi shuncha miqdordagi talon-torojliklar haqida ma’lum qilgan edi.
Jizzax va Andijon neft bazalari rahbarlari ishdan olindi
Andijon neft bazasida 33 mln so‘mlik kamomad va 24,3 mlrd so‘mlik debitorlik qarzlar aniqlandi. Bundan tashqari, xodimlarga ortiqcha oylik va mukofot pullari berilgani ma’lum bo‘ldi. 10 nafar mansabdor ishdan olindi.
Pullar xalqqa borishi kerak, amaldorlarning cho‘ntagiga emas — Tanzila Norboyeva
«Byudjet puli, bu — xalqning puli. Bu xalqqa borishi kerak, qandaydir amaldorlarning cho‘ntagiga borishiga mutlaqo yo‘l qo‘ymaslik kerak. Agar shunday bo‘layotgan bo‘lsa, ularga ayovsiz qonuniy chora ko‘rishni ta’minlashimiz kerak», — dedi Senat raisi Tanzila Norboyeva
Nazorat-tekshiruvchi organlar vazirlarga bo‘ysunmasligi kerak — bosh prokuror
Bosh prokuror Nig‘matulla Yo‘ldoshev vazirlik va idoralar bo‘ysinuvidagi tekshiruvchi organlarning mustaqilligini shubha ostiga oldi. Uning so‘zlariga ko‘ra, Energetika vazirligi qoshidagi inspeksiya ikki yil ichida o‘z tashabbusi bilan biror marta ham tekshiruv o‘tkazmagan, bir so‘mlik ham zararni aniqlamagan. Vaholanki huquqni muhofaza qilish idoralari ikki yil davomida 300 mlrd so‘mlik zararlarni aniqlagan.
Transport prokuraturasi: 2020 yilda yo‘l qurilishida 11,5 mlrd so‘m talon-toroj qilindi
2020 yilda yo‘l va ko‘prik qurilish sohasida byudjetdan ajratilgan pullarni o‘zlashtirish holati bo‘yicha 40ga yaqin jinoyat ishi ochilgani va ularda 11,5 mlrd so‘mlik davlat mulki talon-toroj qilingani fosh etildi. Shuningdek, yo‘l qurilishlari haligacha SSSR standartlari asosida olib borilayotgani ma’lum qilindi.
«Mehr-shafqat va Salomatlik» jamg‘armasi mansabdorlari 2,8 mlrd so‘mlik mablag‘larni talon-toroj qildi
O‘zbekiston «Mehr-shafqat va Salomatlik» jamoat jamg‘armasi direktori va boshqalar tomonidan 2,8 mlrd so‘mlik mablag‘lar talon-toroj qilingani aniqlandi.
Maktabgacha ta’lim tizimida 48,3 mlrd so‘mlik moliyaviy xato va kamchiliklarga yo‘l qo‘yilgan — Hisob palatasi
Hisob palatasi 2,5 yil davomida maktabgacha ta’lim tizimida 48,3 mlrd so‘mlik moliyaviy xato va kamchiliklarga yo‘l qo‘yilganini aniqladi. Ularning 7,2 mlrd so‘m quyi bo‘g‘inlarda mansabdorlar tomonidan talon-toroj qilingan. Bolalar uchun 2,2 mlrd so‘mga yaroqsiz «saryog‘», 10,1 mlrd so‘mga shubhali go‘sht sotib olingan.
Andijon va Surxondaryoda 600 mln so‘m byudjet mablag‘larining talon-toroj qilinganligi aniqlandi
Bosh prokuratura ikki viloyatda byudjet mablag‘larining talon-toroj qilinganlik holatlari aniqlanganini e’lon qildi. Andijon viloyati uy-joy kommunal xizmat ko‘rsatish boshqarmasida ishlamayotgan ishchilarga ish haqi va nafaqalar to‘langan — 240 mln so‘mga yaqin mablag‘lar talon-toroj qilingan. Sariosiyo tumani Xalq ta’limi bo‘limi hisobchisi bir necha yil davomida 355,3 mln so‘mni talon-toroj qilganlikda ayblanmoqda.
Eng ko‘p o‘qilgan xabarlar | So‘nggi yangiliklar
- Elektr va gaz narxi qanchaga oshadi? Yangi tariflar bo‘yicha hisoblash qanday bo‘ladi? Tushuntiramiz
- Toshkentda niqobli shaxslar tunda ekskavator yordamida daraxtni qo‘porib oldi
- Kuchli yomg‘ir tufayli Dubayni suv bosdi, ularni bulut ekish ishlari qo‘zg‘atgan bo‘lishi mumkin — Bloomberg
- Qashqadaryoda zilzila sodir bo‘ldi
- O‘zbekiston va Qirg‘iziston chegarasida yana bir yerosti tunneli aniqlandi
Qo‘shimcha imkoniyatlarga ega bulish uchun saytda ro‘yxatdan o‘ting