Siyosat
Shavkat Mirziyoyev yoshlar masalalari bo‘yicha yig‘ilish o‘tkazadi
Prezident Shavkat Mirziyoyev chorshanba kuni yoshlar masalalari bo‘yicha yig‘ilish o‘tkazadi. Yig‘ilishda ilk bor rasmiy statistikada hisobga olinmagan yoshlar orasidagi ishsizlik ko‘rsatkichlari e’lon qilinishi kutilmoqda.
2020-yilgi Davlat dasturining 78 ta bandi ijrosi to‘liq ta’minlanmagan
Hukumatning Qonunchilik palatasiga taqdim etgan hisobotiga ko‘ra, 2020-yilgi Davlat dasturining 284 ta bandidan 206 tasi to‘liq bajarilgan. 20 tasining muddati uzaytirilgan va 58 ta bandning ijrosi hanuz davom etmoqda.
Barcha darajadagi rahbarlar o‘z sohasi bo‘yicha mahallalardagi holatni o‘rganadi
Prezident barcha darajadagi rahbarlarga o‘z sohasi bo‘yicha mahallalardagi holatni o‘rganishga oid topshiriq berdi. Yig‘ilishda vertikal tizim yo‘lga qo‘yilishi, unga 20 mingdan ortiq xodim jalb etilishi va masalani joyida hal etish bo‘yicha ularga barcha vakolatlar berilishi aytildi.
Markaziy bank boshqaruvi raisiga yangi o‘rinbosar tayinlandi
Markaziy bankning Kredit tashkilotlari prudensial nazorati departamenti direktori lavozimida ishlab kelgan Abrorxo‘ja Turdaliyev Markaziy bank boshqaruvi raisi o‘rinbosari etib tayinlandi.
TDYUning yosh kafedra mudiri yuristlar uchun yagona imtihon o‘tkazishni taklif qildi. Prezident 90 foizi o‘tolmasligini aytdi
Toshkent davlat yuridik universitetining 31 yoshli kafedra mudiri Huseyn Rajabov prezident bilan uchrashuvda yuristlar uchun yagona malakalovchi imtihon tizimini joriy etishni taklif qildi. Shavkat Mirziyoyev bu imtihondan 90 foiz yuristlar o‘ta olmasligini ma’lum qildi, biroq ushbu g‘oyani o‘rganib chiqishini aytdi. Prezident yosh mutaxassisga Oliy sudda ishlashni taklif qildi, biroq u kafedra mudiri sifatida qolishni so‘radi.
Qonunchilik palatasi saylov kunini ko‘chirishga nima sabab bo‘layotganini ma’lum qildi
Prezident saylovlari oktyabr oyiga ko‘chirilishi mumkin. Bunda 2021 yilgi saylovlar tahminan 24 oktyabrga to‘g‘ri keladi. Qonunchilik palatasi saylov kuni o‘zgarishitirilishiga sabab bo‘lgan omillarni ma’lum qildi. Ta’kidlanishicha, hujjat loyihasi bir guruh deputatlar tomonidan ishlab chiqilgan.
Shavkat Mirziyoyev buxorolik mehnat faxriysi xonadonida mehmon bo‘ldi
Prezident buxorolik mehnat faxriysi Ne’mat ota Xotamov xonadonida mehmon bo‘ldi. O‘tgan yili bu yerda 7 qavatli zamonaviy uylar, savdo va xizmat ko‘rsatish shoxobchalari barpo etilgandi. Shu bilan davlat rahbarining safariga yakuniga yetib, Toshkentga qaytib keldi.
Prezident: Shuhrat G‘aniyev va Jamshid Xo‘jayev tizimni to‘g‘ri yo‘lga qo‘ymasa, ishdan ketadi
Prezident Buxoroda Xalq deputatlari viloyat kengashining yig‘ilishida qishloq xo‘jaligi juda orqada qolayotganini ta’kidladi. Tizimni to‘g‘ri yo‘lga qo‘ymasa bosh vazir o‘rinbosari Shuhrat G‘aniyev hamda qishloq xo‘jaligi vaziri Jamshid Xo‘jayevni ishdan bo‘shatishini aytdi.
Jizzax viloyati hokimining sobiq o‘rinbosari va boshqalarga nisbatan jinoyat ishi qo‘zg‘atildi
Jizzax viloyati hokimining sobiq o‘rinbosari Akram Rahmonqulov, tender komissiyasi mansabdorlari va qurilish kompaniyalari rahbarlariga nisbatan jinoyat ishi qo‘zg‘atildi. Ular o‘zlashtirish, mansab vakolatini suiiste’mol qilish va mansab soxtakorligida ayblanmoqda.
Botir Zaripov Buxoro viloyati hokimi etib tasdiqlandi
Buxoro viloyati xalq deputatlari Kengashining yig‘ilishida Botir Zaripov viloyat hokimi lavozimiga tasdiqlandi. «Buxoroning suvini ichib, changini yutib ulg‘aygan yigit viloyat sharoitini yaxshi biladi. Eng muhimi, buxoroliklarni yaxshi ko‘radi», — dedi Shavkat Mirziyoyev viloyat Xalq deputatlari kengashida.
«Tannarxni yana pasaytirsa bo‘ladi» — prezident to‘qimachilik korxonasida bo‘ldi
Prezident Buxorodagi 65 mlnlik to‘qimachilik korxonasi faoliyati bilan tanishdi. Korxonaning Buxoro, Toshkent, Samarqand va Namangan shaharlarida savdo dokonlari bor, mamlakatda yana 50 tasini ochish ko‘zlangan. Xorijdagi O‘zbekiston elchixonalari yordamida chet elda ham savdo nuqtalarini ochish reja qilingan.
Yoshlar va oilaviy tadbirkorlik uchun Olot tumaniga 21 mlrd so‘m ajratiladi — prezident
Prezident Buxoro viloyatiga safari chog‘ida Olot tumaniga tashrif buyurib, yoshlar va oilaviy tadbirkorlik uchun 21 mlrd so‘m ajratilishini ma’lum qildi. Bundan tashqari, Olot-Toshkent temir yo‘l qatnovi qayta tiklanishi ta’kidlandi.
Prezident madaniy faoliyatga oid qonunni imzoladi
Davlat rahbari madaniy faoliyat va madaniyat tashkilotlariga oid qonunga imzo chekdi. Ushbu hujjat 29 yil deganda birinchi marotaba qabul qilinmoqda. Qonun bilan madaniyat muassasa va tashkilotlariga “Milliy” yoki “Akademik” maqomi Hukumat taqdimnomasiga binoan prezident tomonidan berilishi belgilanmoqda.
Shavkat Mirziyoyev AQSH prezidenti Jo Baydenni tabrikladi
Prezident Shavkat Mirziyoyev AQSHning yangi prezidenti Jo Baydenni davlat rahbari lavozimiga kirishgani bilan tabrikladi.
Abdulaziz Kamilov Iordaniya elchisini qabul qildi
Iordaniya Hoshimiylar Podshohligining Favqulodda va Muxtor Elchisi etib tayinlangan Demiya Zuxeyr Haddod O‘zbekistonda o‘z ishini boshladi.
Prezident mamlakat mafkurasining asosiy g‘oyasi nimalardan iboratligini ma’lum qildi
Shavkat Mirziyoyev mamlakat mafkurasining asosiy g‘oyasini nimalar tashkil etishini sanab o‘tdi. «Biz yaratayotgan yangi O‘zbekistonning mafkurasi ezgulik, odamiylik, gumanizm g‘oyasi bo‘ladi», — dedi prezident.
Ma’naviyat va ijodni qo‘llab-quvvatlash fondi tashkil etiladi — Shavkat Mirziyoyev
«Ijod» jamoat fondi negizida Ma’naviyat va ijodni qo‘llab-quvvatlash fondini tashkil etiladi. 120 mlrd so‘m ajratilishi ta’kidlandi. Yig‘ilishda ma’naviyat va ma’rifat sohasi ixtisosliklarini fanlar klassifikatoriga kiritish, bu yo‘nalish bo‘yicha yetuk kadrlar tayyorlash bo‘yicha topshiriqlar ham berildi.
Eng katta xavf loqaydlik va beparvolik kuchayib borayotganida — prezident
Shavkat Mirziyoyev «eng katta xavf — bu aksariyat odamlarimizda loqaydlik va beparvolik kuchayib borayotganida», deya ta’kidladi. Hozirgi zamonda ma’naviy nuqtai nazardan «uxlab yotish»ga, loqayd bo‘lishga hech kimning haqqi yo‘qligi aytildi.
Tashqi siyosat konsepsiyasiga o‘zgartirish kiritilishi mumkin
2021 yilgi Davlat dasturi loyihasiga ko‘ra, Tashqi siyosiy faoliyat konsepsiyasi takomillashtirilishi ko‘zda tutilgan. Hujjat 2012 yil sentyabr oyida qabul qilingan, lekin hozir Milliy qonunchilik bazasida mavjud emas.
Prezident hujjatlari ijrosining 4 bosqichli tizimi joriy etiladi
Loyihadan tortib nazoratgacha — prezident hujjatlari ijrosining yangi to‘rt bosqichli tizimi joriy etiladi. «Ijro tizimidagi eng katta muammo — dunyoqarash o‘zgarmayotgani, bilimsizlik va mas’uliyatsizlik», — deya ta’kidladi davlat rahbari.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting