Toshkentdan qatnaydigan shaharlararo avtobuslar qatnovi 19 noyabrga bekor qilindi
Noqulay ob-havo sharoiti sababli Toshkentdan qatnaydigan barcha shaharlararo avtobus qatnovlari 19-noyabr sanasi uchun bekor qilindi.
AQSHda 2019−2020 yillar mobaynida 546 o‘zbekistonlik talabalar tahsil olgan
2019−2020 o‘quv yilida AQSHdagi o‘zbekistonlik talabalar soni 546 nafarni tashkil etdi, bu o‘tgan yilga nisbatan 4,4 foizga kamroq.
Ilon Mask milliarderlar reytingida Sukerbergni ortda qoldirdi
Ilon Mask Forbes va Bloomberg milliarderlar reytingida Mark Sukerbergni ortda qoldirdi. Tesla bosh direktorining boyligi yil oxiriga qadar kompaniyaning aksiyalari S&P 500 indeksiga kirishi haqidagi yangilik ostida o‘sib bormoqda.
Jahon yangiliklari dayjesti
Berlindagi karantinga qarshi namoyishlar, Eronning yadroviy kelishuvga qaramasdan uranni yangi uskunalarda boyitishi, BMT bosh kotibining rivojlangan davlatlardan mablag‘ so‘ragani va boshqa yangiliklar — «Gazeta.uz»ning jahon yangiliklari dayjestida.
Uzauto Motors keyingi yil ham 3 foizlik yig‘imni to‘lamaslik imtiyozini saqlab qolishi mumkin — deputat
Uzauto Motors kompaniyasi 9 oy mobaynida davlat byudjetiga 582,6 mlrd so‘m yig‘imni to‘lamagan. Mazkur holat bo‘yicha deputat Rasul Kushnerbayev munosabat bildirib, kamiga keyingi yil ham shunday 3 foizlik yig‘imni to‘lamaslik imtiyozini saqlab qolishi mumkinligini ma’lum qildi. «Biz bunday imtiyoz berilishiga qarshimiz», — dedi u.
O‘zbekiston fuqarosi Qozog‘istonda qullikda bo‘lganligini rad etdi
Qozog‘iston Ichki ishlar vazirligining ma’lumotlariga ko‘ra bir yil davomida mehnat qulligida bo‘lgan O‘zbekiston fuqarosi ish beruvchiga nisbatan hech qanday da’vosi yo‘qligini, ish sharoitlari va ish haqidan qoniqqanini aytdi. U O‘zbekistonga qaytish niyatida emas. Qo‘zg‘atilgan jinoyat ishi yopilgan.
«O‘rganish emas, rahmat deyish kerak» — Komil Allamjonov volontyorlar haqida
«Pandemiya davrida yotgan ayrim qariyalarga oyog‘ini tog‘oraga suv solib, sovun bilan yuvish emas, balki sumkada tashilgan yeguliklar kerak edi», — deya Komil Allamjonov Toshkent hokimining volontyorlik haqidagi so‘zlariga fikr bildirdi. Toshkent shahar hokimligi Jahongir Ortiqxo‘jayevning javobi aks etgan to‘liq videoni taqdim etib, hokim «yolg‘iz qolgan, kambag‘allarga yordam berishga bo‘lgan samimiylik va firibgarliklar o‘rtasidagi nozik chiziqni» ko‘rsatishga urinayotganini ta’kidladi.
Mansabdor shaxslar qanday avtomobil sotib olishi aniq belgilab beriladi
Ijtimoiy tarmoqlarda vazirlik va hokimiyatlar tomonidan qimmatbaho avtomobillarni xarid qilishi ko‘plab muhokamalarga sabab bo‘ldi. Mazkur masala yuzasidan quyi palata deputatlari moliya vaziriga savol bilan murojaat qilishdi. «Davlat idoralari rahbar, xodimlari nima avtomobil olishini aniq ko‘rsatib qo‘yish bo‘yicha hukumatdan topshiriq oldik», — dedi Timur Ishmetov.
Toshkent dunyodagi eng arzon shaharlar beshligiga kirdi
The Economist nashriga ko‘ra, Toshkent dunyodagi eng arzon shaharlar beshligiga kirdi. Toshkentdan ham arzonroq deb bittagina Damashq shahri topildi. Eng qimmat shahar esa Syurix shahri bo‘ldi.
«Moskva premerasi» xalqaro kinofestivalida o‘zbek filmi gran-pri g‘olibi bo‘ldi
Rejissyor Yolqin To‘ychiyev suratga olgan «Faridaning ikki ming qo‘shig‘i» filmi «Moskva premerasi» xalqaro kinofestivalida gran-pri sovrinini qo‘lga kiritdi.
Xasan Kabirdjanov Majburiy ijro byurosi direktori etib tayinlandi
Shu kunga qadar direktor v.b. bo‘lib kelayotgan Xasan Kabirdjanov Bosh prokuratura huzuridagi Majburiy ijro byurosi direktori lavozimiga tayinlandi.
BMTda Gigiyena va sanitariya jamg‘armasi tashkil etildi
BMT tizimida Gigiyena va sanitariya jamg‘armasi tashkil etildi. So‘nggi besh yil ichida odamlarni suv, hojatxonalar va gigiyena vositalarini ta’minlash uchun jamg‘armaga 2 mlrd dollar miqdorida mablag‘ ajratilishi kutilmoqda.
«Obqochishga majburmiz endi, nima qilamiz» — maktabgacha ta’lim vaziri o‘rinbosari
Oliy Majlis Qonunchilik palatasining navbatdagi majlisida deputatlar savoliga javob berib bo‘lgach, mikrofonini o‘chirishni esdan chiqargan maktabgacha ta’lim vaziri o‘rinbosari Maqsud Yuldashev: «Obqochishga majburmiz endi, nima qilamiz», — dedi. Vazirlik rasmiy munosabat bildirdi.
Bir oyda 10 trln so‘m soliq tushadi, ortiqcha to‘langan 126 mlrd so‘m, bu — normal raqam — DSQ raisi
Qonunchilik palatasi deputatlari 9 oyda ortiqcha to‘langan 126 mlrd so‘m soliqni qaytarish masalasi bilan qiziqishdi. «Bir oyda 10 trln soliq tushumlari tushadi, ortiqcha to‘langan 126 mlrd so‘m bu normal raqam», — dedi DSQ raisi Sherzod Qudbiyev. U, shuningdek, ortiqcha to‘langan soliq tadbirkorlik sub’ekti murojaati yoki sudni qarori bilan qaytarilishini ma’lum qildi.
«Volontyorlar faoliyatini bir ko‘rib chiqishimiz kerak» — Jahongir Ortiqxo‘jayev
Toshkent hokimi Jahongir Ortiqxo‘jayev volontyorlar tomonidan tovar va pul olish, kimgadir nimalardir olib borish holatlari ko‘payib borayotganidan shubhaga tushayotganini ta’kidladi. «Hammasi sumka-sumka narsa olib borib tashash bilan ovora. Buni bir ko‘rib chiqishimiz kerak», — dedi u.
Qashqadaryoda bitiruvchilari OTMga kirmagan maktab direktorlari bo‘shatildi
Xalq ta’limi vaziri Sherzod Shermatov Qashqadaryo viloyatida birorta ham bitiruvchisi OTMga kira olmagan 20 ta maktab direktorini o‘z lavozimidan chetlatdi. Yuqori natijalarga erishgan maktab direktorlari esa rag‘batlantirildi.
9 oyda tabiiy gazni qazib olish 19,6 foizga, gaz kandensati esa 34,7 foizga kamaygan
Oliy Majlis Qonunchilik palatasining navbatdagi majlisida 9 oyda tabiiy gazni qazib olish 19,6 foizga, gaz kandensati esa 34,7 foizga tushgani, bu dunyo bozoridagi talab kamayishi tufayli kuzatilgani aytildi. Deputat Maqsuda Vorisova, — «Ichki bozorda talab kundan-kunga oshib borayapti, tadbirkorlarni ham qish oldidan gaz tarmog‘idan uzishga majbur bo‘layapmiz, bunga qanday izoh berasizlar», — deya savol berdi. Energetika vaziri o‘rinbosari qo‘shma korxonalar eksportni to‘xtatgani va ishlab chiqarish shuning hisobiga qisqarganini ma’lum qildi.
Oltin-valyuta zaxiralari kamayishda davom etmoqda
O‘zbekistonning rasmiy zaxira aktivlari ketma-ket uchinchi oy kamayishda davom etmoqda va umumiy 33,3 mlrd dollarni tashkil etmoqda.
Elektron kundalik uchun pullik obuna 30 noyabrdan boshlanadi
30 noyabrdan elektron kundalik uchun to‘lovni amalga oshirish mumkin. Obuna narxi qog‘oz kundalikning o‘rtacha narxi kabi — 9 200 so‘m etib belgilandi. U orqali ota-onalar bir yil davomida bolaning maktab hayotini kuzatish imkoniga ega bo‘ladi. O‘qituvchilar elektron jurnaldan bepul foydalana oladi.
Turkiyada karantin choralari kuchaytirilmoqda
Turkiyada karantin choralari kuchaytirilmoqda. Savdo markazlari, bozorlar va sartaroshxonalar ish vaqtiga cheklovlar qo‘yildi. Bar va restoranlar faqat olib ketish xizmati orqali ishlaydi. Kinoteatrlar yil oxirigacha yopiladi, maktab o‘quvchilari masofaviy ta’limga o‘tadi. Dam olish kunlari ko‘chaga soat 20:00 dan 10:00 gacha chiqish taqiqlanadi.
Qo‘shimcha imkoniyatlarga ega bulish uchun saytda ro‘yxatdan o‘ting