«дтм» тегли мақолалар
ОТМга кириш бўйича мандат эълон қилинди
22 август кечаси Ўзбекистонда ОТМга қабул учун якуний тест натижалари эълон қилинди. Абитуриентлар ўз натижаларини my.uzbmb.uz ва mandat.uzbmb.uz сайтлари, абитуриент ID рақамини юборган ҳолда @edtmmandatbot Telegram боти, рухсатнома QR-коди ҳамда тест натижалари қайдномаси орқали билишлари мумкин.
Адлия вазирлиги қоидаларни бузган абитуриентлар 5−7 йилгача тестдан четлатилиши бўйича таклифни рад этди
2022 йилда ДТМ томонидан қоидаларни бузган абитуриентлар 5−7 йилгача тестдан четлатилиши бўйича таклиф киритилганди. Адлия вазирлиги бу таклифни «инсон ҳуқуқларига тўғри келмагани» учун рад этган.
Псковдаги ўзбек талабалари «нотинч вазият» туфайли президентга мурожаат йўллашди
Россиянинг Псков давлат университетида ўқийдиган ўзбекистонлик талабалар «нотинч вазият» сабаб ўқишларини Ўзбекистондаги ОТМларга истисно тариқасида кўчиришни сўраб президент Шавкат Мирзиёевга видеомурожаат йўллашди. «Псков шаҳрига ҳам уруш ўз таъсирини ўтказмоқда», дея таъкидлаган улар.
Ўзбекистонда 190 мингдан ортиқ абитуриент талаба бўлди — ДТМ
Давлат тест маркази 2022−2023 ўқув йили учун 190 375 нафар абитуриент талабаликка тавсия этилганини маълум қилди. Хусусан, 39 962 нафари давлат гранти, 150 413 нафари эса тўлов-контракт асосида ўқишга кирди. ОТМга қабул қилинганларнинг 13 мингдан кўпроғи имтиёзга эга номзодлар ҳисобланади.
ДТМ: Апеллация аризаларини қабул қилиш бошланди
Давлат тест маркази ОТМларга кириш имтиҳонлари натижаларидан норози бўлган абитуриентлардан апеллация аризаларини қабул қилишни бошлади. Шикоятларни кўриб чиқиш эса 7 сентябрдан амалга оширилади.
Ўзбекистон ОТМларига кириш натижалари эълон қилинди
2022−2023 ўқув йили учун олий таълим муассасаларининг бакалавриат таълим йўналишларига кириш имтиҳонлари натижалари эълон қилинди. Буни 6 хил усулда билиб олиш мумкин.
Абитуриентлар тестда тўплаган бали билан профессионал таълим муассасаларига ўқишга топширишлари мумкин бўлади
ОТМларнинг бакалавриат таълим йўналишларига кириш тест синовларида иштирок этган абитуриентлар учун профессионал таълим муассасаларига кириш учун ҳам рўйхатдан ўтиш имконияти яратилди. Бунинг учун рўйхатдан ўтишда мазкур имкониятдан фойдаланишни танлашлари керак.
ДТМ 8 августдаги тест натижаларини эълон қилди
ОТМга кириш учун 8 август куни тест топширган абитуриентларнинг натижалари эълон қилинди. Улар тўплаган балларини тўрт хил усулда билиб олишлари мумкин. Бундан ташқари, ёмғир сабаб Намангандаги имтиҳонлар белгиланган вақтидан кечроқ бошланди.
ОТМга кириш тестларининг биринчи куниданоқ телефондан фойдаланган абитуриент аниқланди
Фарғона вилоятида ОТМга кириш имтиҳонларининг биринчи куниданоқ телефондан фойдалангани учун абитуриент тестдан четлатилди. Ижтимоий тармоқларда эса рақами кўринмаган тест топшириқлари китобининг расмлари тарқалди. ДТМ ҳолат назорат остида эканига ишонтирмоқда.
ОТМга кириш учун тест синовлари 8 августдан бошланади
ОТМларга кириш учун тест синовлари 8 августдан бошланади ҳамда стадион ва хиёбонларда ўтказилади. Имтиҳонлар икки сменада 20 августга қадар бўлиб ўтади. «Абитуриент рухсатномаси» эса 4 августдан берилади.
Абитуриентлар чет тилидан 56 та сохта сертификатни топширгани аниқланди
Давлат тест маркази ОТМларга кириш учун онлайн топширилган аризалар орасида чет тилидан 56 та сохта сертификат мавжудлигини аниқлади. Тегишли ҳужжатлар ҳуқуқни муҳофаза қилиш органларига юборилди. 28,1 мингта сертификат эса тасдиқланди, яна 955 таси талабга жавоб бермаслиги маълум бўлди.
ОТМларга кириш тест синовлари 8 августдан бошланиши режалаштирилмоқда
ДТМ абитуриентлар учун имтиҳонни 8 августдан бошлаш таклифи лойиҳаси тегишли ташкилотга киритилганини маълум қилди. Имтиҳонлар 10−13 кунгача давом этиши мумкин. Бу йил энг кўп абитуриент ЎзМУ, Наманган, Урганч давлат университетлари, Жиззах ва Тошкентдаги педагогика ўқув юртларида ўқиш ниятида.
2022 йилда 1,2 млндан ортиқ абитуриент ўқишга ҳужжат топширди
2022 йилда ОТМларга кириш учун жами 1 млн 214 минг 232 нафар абитуриент ҳужжат топширди. Уларнинг 67 фоизи аввалги йиллар битирувчилари ҳисобланади. Абитуриентларнинг ярмидан кўпи кундузги таълимни, 8,3 минг нафари эса масофавий таълимни танлаган.
Абитуриентларни рўйхатга олиш муддати 27 июлгача узайтирилди
Ҳукумат қарори билан давлат олий таълим муассасаларига абитуриентларни онлайн рўйхатдан ўтказиш муддати 27 июлгача, чет тилидан ижодий имтиҳон ўтказиладиган йўналишлар учун эса 17 июлгача узайтирилди.
ОТМга кириш имтиҳонлари очиқ ҳавода ўтказилади
Жорий йилда олий таълим муассасаларига ўқишга кириш учун тест синовлари очиқ ҳавода ўтказилади, деб хабар берди Давлат тест маркази.
Жорий йилда ОТМга кириш имтиҳонлари ёпиқ биноларда ўтказилиши мумкин
Жорий йилда ОТМга кириш учун тест синовлари тўлиқ ёпиқ биноларда ўтказилиши режалаштирилмоқда, деб маълум қилди ДТМ бошқарма бошлиғи Жавлон Нурматов. Унинг сўзларига кўра, бу давлат комиссиясининг ёки махсус комиссиянинг таклиф ва чекловларига боғлиқ.
ОТМларда чет тилидан ўтказиладиган ижодий имтиҳон формати ва тест намуналари эълон қилинди
Жорий йилдан бошлаб 6 та ОТМга кириш учун чет тилидан ижодий имтиҳон бўлиб ўтади. Унда абитуриентларнинг хориж тили фанидан тинглаб тушуниш, ўқиш, ёзиш ва гапириш компетенциялари баҳоланади. ДТМ 2 соат 45 дақиқа вақт ажратиладиган мазкур имтиҳоннинг формати ва қоидаларини эълон қилди.
Тест синови топшириладиган фанлар мажмуаси тасдиқланди
2022−2023 ўқув йили учун республика ОТМ бакалавриат таълим йўналишларига мос тест синови топшириладиган фанлар мажмуаси, тест топшириқлари сони ҳамда баҳолаш мезонлари эълон қилинди. Абитуриентларга 5 та фан бўйича жами 90 та тест топшириғи берилади.
Қоидаларни бузган абитуриентлар 5−7 йилгача тестдан четлатилиши мумкин — ДТМ раҳбари
ДТМ раҳбари Мажит Каримов жорий йилги тест синовларини ўтказишдаги муҳим ўзгаришларни санаб ўтди. Жумладан, унинг сўзларига кўра, бу йил 2 млн нафарга яқин талабгор тест синовидан ўтказилиши прогноз қилинмоқда. Айни пайтда учта вилоятда тест синовларини йил давомида ўтказишга мўлжалланган бинолар қурилмоқда. Шунингдек, у қоидаларни бузган абитуриентлар 5−7 йилгача тестдан четлатилиши мумкинлигини маълум қилди.
Мактабларда она тили дарсликлари турли грамматик қоидалардан имкон қадар тозаланади — Республика таълим маркази
Мактабларда она тили дарсликлари турли грамматик қоидалардан имкон қадар тозаланади, деб хабар берди Республика таълим маркази. Қолаверса, бундан кейин «ўтимли ва ўтимсиз феъллар», «воситали-воситасиз тўлдирувчилар», «феъл кесим ва от кесим», «сифатловчи-сифатланмиш» ва шу каби мавзулар она тили дарсликларидан чиқариб ташланади. Шунга мувофиқ, келгусида ДТМ тестларининг баҳолаш мезонлари ҳам ўзгаради.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
Қўшимча имкониятларга эга булиш учун сайтда рўйхатдан ўтинг