«банк» тегли мақолалар
Мижознинг розилигисиз кредит ва бошқа қарзларни тўлаш учун картадаги пулни ечиб олиш тақиқланди
Марказий банк тижорат банкларидан «мижознинг розилигисиз ва огоҳлантирмаган ҳолда» кредит ҳамда бошқа қарзларни тўлаш учун унинг картасидан пул ечиб олиш амалиётига чек қўйишни талаб қилди. Регулятор бошқарув раиси ўринбосари томонидан банклар ва тўлов тизимларига талаблар акс этган хат юборилди.
Кредитлар ҳақидаги маълумотларни ошкор қилмаган 16 та банк жаримага тортилди
Ўзбекистон Марказий банки 16 та банкни мижозларга кредит ва омонатлар ҳақидаги маълумотларни тўлиқ ошкор этмагани учун жаримага тортди.
Ravnaq-bank ўз номини Octobank деб ўзгартирмоқда
Ravnaq-bank хусусий банки мулкдори ўзгаргач, ўз номини Octobank деб ўзгартиришга қарор қилди.
«Қишлоқ қурилиш банк» Бизнесни ривожлантириш банкига айлантирилади — президент
Президент Шавкат Мирзиёев тадбиркорлар билан учрашувда «Қишлоқ қурилиш банк» Бизнесни ривожлантириш банкига айлантирилишини маълум қилди. Янги банк тадбиркорларга 1 октябрдан бошлаб 5−7 йил муддатга имтиёзли кредитлар ажратади.
Хоразмда банкка тўппонча билан киришга уринган шахс ушланди
Урганч шаҳрида банкка пневматик тўппонча билан кирмоқчи бўлган фуқаро қўлга олинди. Ҳолат юзасидан вилоят «Қўриқлаш» бошқармаси томонидан текширув ишлари бошланди.
Ўзбекистонда банклардаги омонатларни ҳимоялашга оид янги қонун ишлаб чиқилади
Ўзбекистонда «Банклардаги омонатларни ҳимоялаш кафолатлари тўғрисида»ги янги қонун лойиҳаси тайёрланиши кутилмоқда. Унга кўра, банклар омонатларни кафолатлаш фондига аъзо бўлиши талаб этилади, омонатчиларнинг банкдан устувор равишда талаб қилиш ҳуқуқи фондга ўтказилади.
Бухорода тадбиркор гаровдаги бинони қайта қимматга гаровга қўйиб, 1,3 млрд сўм кредитни ўзлаштирди
Бухоро шаҳрида оилавий корхона раҳбари банкнинг собиқ масъуллари билан келишиб, кредит таъминоти учун гаровга қўйилган меҳмонхона биносини қайта қимматроққа гаровга қўйган. Қўшимча бино қуриш учун яна кредит олиб, жами 1,3 млрд сўм пулни талон-торож қилди. Унга нисбатан жиноят иши очилди.
«Туркистон» ва Hi-tech bank`нинг лицензияси бекор қилинди
Марказий банкнинг 7 октябрдаги тегишли қарорлари билан «Туркистон» ва Hi-tech bank`дан банк фаолиятини амалга ошириш ҳуқуқини берувчи лицензиялар чақириб олинди. Шунингдек, банкларни тугатиш комиссияси таркиби тайинланди. Омонатчиларининг барча маблағлари 2 ойдан сўнг тўлиқ қайтарилади.
Президент Венгрия ишбилармонларини Ўзбекистон инвестиция учун энг яхши жой эканига ишонч ҳосил қилишга чақирди
Шавкат Мирзиёев венгриялик ишбилармонларни бугун инвестициялар учун энг яхши жой Ўзбекистон эканига шахсан ишонч ҳосил қилишга таклиф этди. У Ўзбекистон вазирлик ва ташкилотларига венгриялик ҳамкорларга Ўзбекистонда муваффақиятли бизнес юритишда ҳар томонлама кўмаклашиш топширди.
Айрим банклар халқаро пластик карталардан нақд валюта ечиб олишга комиссия ўрната бошлади
Халқаро пластик карталардан нақд пул ечиб олиш учун «Капиталбанк» 0,7 фоиз, «Ипак Йўли» банки эса 1 фоиз миқдорда комиссия ўрнатди. Банклар буни нақд хорижий валюта муомаласини тартибга солиш билан изоҳлади. Иқтисодчи Отабек Бакиров қолган банклар ҳам комиссия ўрната бошлаши мумкинлигини таъкидлади.
«Банк тизимидаги коррупция халқ ишончига путур етказмоқда» — Акмал Бурхонов
Банк тизими таълим соҳасидан кейин энг коррупциялашган тармоқ ҳисобланади, деди Антикоррупция агентлиги раҳбари. Икки йилда 676 нафар банк ходими 354,2 млрд сўмни талон-торож қилган. «Бу рақамлар ислоҳотларга соя солмоқда ва халқ ишончига путур етишига сабаб бўлмоқда», — деди Акмал Бурхонов.
Қашқадарёда сайёр касса ходимлари 100,5 млн сўмлик пенсия ва нафақани ўзлаштирди
Шаҳрисабз туманида сайёр кассанинг бухгалтер-назоратчиси ва кассири 150 нафар фуқаронинг март, апрель ва май ойлари учун пенсия ва нафақа пулларини ўзлаштиргани аниқланди. Улар текширув вақтида 100,5 млн сўмлик зарарни тўлиқ қоплаган. Гумондорларга нисбатан жиноят иши қўзғатилди.
«Банклар энг катта порахўрлик билан шуғулланяпти» — президент
Тадбиркорликни қўллаб-қувватлаш жамғармасига тадбиркорлик субъектларининг имтиёзли кредитларини қоплаш учун бюджетдан қўшимча маблағлар ажратилади. Ҳудудлардаги кичик ва ўрта бизнесни молиялаштириш учун банкларга 300 млн доллар ажратилади. Шавкат Мирзиёев: «Ажратиладиган ҳар бир доллар, ҳар бир сўм — бюджетданми, банкданми — бу ҳаммаси халқнинг пули», — дея таъкидлади. Шу билан бирга, у банклар энг катта порахўрлик билан шуғулланаётганини қайд этди.
Коррупциявий жиноятларнинг учдан бирини соғлиқни сақлаш, таълим ва банк тизими ходимлари содир этган — Сенат раиси
Сенат раиси Танзила Нарбаева коррупциявий жиноятларнинг ҳар учтадан биттаси соғлиқни сақлаш, таълим ва банк тизими ходимлари томонидан содир этилганини маълум қилди. Шунингдек, тўғридан-тўғри порахўрлик эмас, балки фирибгарлик йўли билан ўзгалар мулкини ўзлаштириш ёки растрата йўли билан талон-торож қилиш ҳолатлари кўпайгани айтилди.
Ўзбекистон банклари қачон хусусийлаштирилади ва IPO ўтказади?
Президент қарори билан Ўзбекистон банкларини хусусийлаштириш ва акцияларини оммавий жойлаштириш бўйича муддатлар белгиланди. Қарорда «Қишлоқ қурилиш банк», «Ўзсаноатқурилишбанк», «Асакабанк», «Халқ банки», «Микрокредитбанк» ва бошқа банклар келтирилган.
Тошкентда қарийб 5 минг евролик сохта тангалар муомалага киритилгани аниқланди
Пойтахтнинг Миробод туманида 4940 евро миқдоридаги 2470 дона 2 евролик танга банк орқали алмаштирилгани, банк ходимлари эса уларни текширмасдан қабул қилиб олгани аниқланди. Қашқадарёда эса 2 бош қўй эвазига берилган пулларнинг 20 донаси сохта 100 минглик купюра эканлиги маълум бўлди.
Ўзбекистонда капитализациясига кўра энг қиммат банклар маълум қилинди
Капитализациясига кўра Ўзбекистоннинг энг қиммат банклари маълум қилинди. Trastbank энг қиммат банк дея топилди. Ундан кейинги ўринларда Ўзсаноатқурилишбанк ва Ipoteka-bank қайд этилган.
Fitch: Ўзбекистон банклари активларининг сифат кўрсаткичлари пасаймоқда ва келгусида янада ёмонлашиши кутилмоқда
Ўзбекистон банк секторида активлар сифатининг ёмонлашиши хавфи ортиб бормоқда, дея қайд этди Fitch. Агентлик маълумотларига кўра, 2020 йилда активларнинг сифат кўрсаткичлари пасайган ва бундан кейин ҳам ёмонлашиши кутилмоқда. Бунга сабаб — кредит таътиллари муддати ниҳоясига етганлиги ва кўп сонли кредитлар учун имтиёзли даврлар якунланганлиги.
«Давлат банкларини сақлаб туриш ҳукуматга қимматга тушмоқда» — Тимур Ишметов
Молия вазири Тимур Ишметов тараққиётнинг маълум босқичларида давлат банкларининг бўлиши мантиқлироқ экани, бироқ у ҳар доим хусусий банк сектори тарафдорилигини маълум қилди. Ҳукумат давлат банклари ёрдамида таянч банк хизматларидан тенг фойдаланишни таъминлаш, ёшлар ва аёллар тадбиркорлигини қўллаб-қуватлаш имконига эга бўлади. Бироқ бу фискал хатарларни келтириб чиқариши мумкин ва давлатга қимматга тушади.
Ўзбекистондаги энг фаол банклар аниқланди
Иқтисодий тадқиқотлар ва ислоҳотлар маркази (ИТИМ) томонидан тайёрланган Ўзбекистондаги йирик банкларнинг фаоллик индексида «Капиталбанк», Hamkorbank ва «Алоқабанк» энг юқори ўринларни эгаллади.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
Қўшимча имкониятларга эга булиш учун сайтда рўйхатдан ўтинг