Ravnaq-bank хусусий банки ўз номини Octobank деб ўзгартирди. Бундай қарор акциядорлар томонидан 30 август куни бўлиб ўтган йиғилишда қабул қилинди.
2021 йилдан буён банк акцияларининг 52,1 фоизига эгалик қилган тадбиркор Сарвар Файзиев уларни август ойи бошида бошқарув раиси Искандар Турсуновга сотди, натижада унинг улуши 19,9 фоиздан 72,05 фоизга ошди. Битим 52,2 млрд сўмга баҳоланди. Қолган акциялар Fortis Reserve System, Sharq Guzar Servis ва бошқаларга тегишли.
Бундан ташқари, акциядорлар Улуғбек Муслимов, Тахмина Зокирова, Нажмиддинхўжа Шарипов, Шуҳрат Пўлатов ва Азиз Аҳраровни ўз ичига олган банк кузатув кенгаши таркибини янгилаш учун овоз беришди, шунингдек, 300 млрд сўмлик қўшимча акцияларни жойлаштириш ҳуқуқини белгилашди.
2022 йил якуни бўйича банк 8,54 млрд сўм, 2023 йилнинг биринчи ярмида эса 3,46 млрд сўм зарар кўрган.
Бундан ташқари, 1 август ҳолатига кўра, кредитларнинг 80,5 фоизи (263 млрд сўмдан 212 млрд сўм) муаммоли деб ҳисобланади. Бу банклар орасида «Ўзагроэкспортбанк»дан (яқинда Олимжон Шодиев компанияси томонидан сотиб олиниб, номини «AVO Bank этиб ўзгартирилган) кейинги иккинчи энг ёмон кўрсаткич бўлиб, кредит ҳажми атиги 0,4 млрд сўмни ташкил этади.
Ravnaq-bank 2001 йил июнь ойида ташкил этилган. Банк бизнес-режасида бизнеснинг учта стратегик йўналиши белгиланган: корпоратив, тижорат ва чакана. Асосий эътибор зарур мижозлар базасини яратиш ва барқарор даромад манбаларини таъминлаш учун тезкор ва арзон йўналишлар учун асос сифатида корпоратив ва тижорат бизнесини ривожлантиришга қаратилмоқда, деб ёзмоқда Spot.
Эслатиб ўтамиз, банкнинг янги номи Octo тўлов хизмати номига мос келади, Ravnaq-bank аввалроқ Octo Shop булутли платформасини ишга туширган эди.
