«Тинчликни мустаҳкамлаш» деган соҳа бор, инглизчасига — peacebuilding. «Бу сўзни Америкада ҳам яхши тушунишмайди», дейди соҳа мутахассиси ҳисобланган Довуд Ҳунзикр. У «Газета.uz»га берган интервьюсида ўзбекчани ўрганиши, мусулмон бўлиши, Ўзбекистон, Афғонистон, Яқин Шарқдаги фаолияти ҳақида сўзлади.
2023−2026 йилларда Ўзбекистон таълим тизимини ислоҳ қилиш бўйича йўл харитаси ишлаб чиқилди. Халқаро ташкилотлар уч йиллик ислоҳотлар учун 580 млн доллардан кўпроқ ажратишни режалаштирган. «Газета.uz» Ўзбекистон расмийлари ва халқаро ташкилотлар вакилларидан бу қанчалик самара бериши ҳақида сўради.
Ўзбекистонга АҚШдан 131 тонна озиқ-овқат ёрдамининг йиллик партияси етказилди. Кундалик калория ва оқсил миқдорини оширишга мўлжалланган сабзавот ва дуккакли ўсимликлардан иборат озуқавий аралашма силга чалинган беморларни даволаш муассасалари ҳамда «Саховат» ва «Мурувват» уйларига тарқатилади.
АҚШ Халқаро тараққиёт агентлиги (USAID) Орол денгизи ҳудудида чўлланишнинг салбий оқибатлари билан курашиш мақсадида 1,6 млн доллар миқдорида маблағ ажратганини эълон қилди. Ташаббус денгизнинг қуриган тубида экотизимларни қайта тиклаш лойиҳасининг иккинчи босқичи доирасида амалга оширилмоқда.
АҚШ ўзининг Халқаро тараққиёт агентлиги орқали 226 нафар қишлоқ аёлига иссиқхона, сутни қайта ишлаш, паррандачилик, гиламдўзлик, тикувчилик, каштачилик, қандолатчилик каби йўналишларда тадбиркорлик фаолиятини йўлга қўйиш учун ускуналар тарқатишни бошлади.
USAID Ўзбекистонга иккита портатив рентген аппарати совға қилди. Улар силга қарши скрининг хизматлари билан Тошкент вилоятининг чекка ҳудудлари аҳолисини қамраб олиш имконини беради. Бундай қурилмаларни бошқа ҳудудларга ҳам етказиш режалаштирилган.
USAID томонидан қўшимча ажратилган $5,35 млн грант Халқ таълими вазирлиги билан инглиз ва ўзбек тиллари, математика ва IT фанларни ўқитишни такомиллаштириш, шунингдек, 8−11-синф ўқувчиларига тадбиркорлик кўникмаларини ўргатиш бўйича ҳамкорликдаги ишларни қўллаб-қувватлайди.
Силга қарши олтита дори АҚШ Халқаро тараққиёт агентлиги кўмагида Ўзбекистонда фойдаланиш учун ЖССТнинг тезлаштирилган рўйхатга олиш тартибидан ўтди. Мамлакат сил касаллигига чалиниш бўйича дунёда юқори ўринларда туради.
USAID Ўзбекистонда қишлоқ ҳудудларидаги аёллар учун тадбиркорлик ўқув дастурини бошлади. Ушбу ташаббус доирасида 600 нафар аёл тадбиркорликка ўқитилади.
АҚШ Ўзбекистондаги фермер ва ўғит ишлаб чиқарувчиларга ёрдам кўрсатиш учун USAID агентлиги орқали 2 млн доллар ажратади. Ёрдамнинг мақсади глобал озиқ-овқат инқирози шароитида мамлакатнинг озиқ-овқат хавфсизлигини таъминлаш бўйича саъй-ҳаракатларини қўллаб-қувватлашдан иборат.
USAID ташаббуси билан Тошкент ва Қашқадарё вилоятларидан 250 нафарга яқин хотин-қиз электрон тижорат, ижтимоий тармоқлар маркетинги ва реклама бўйича ўқитилади. Машғулотлар якунида улар онлайн дўконларини очиш, глобал ва маҳаллий платформалар орқали товарларни сотиш имкониятига эга бўлишади.
USAID Халқ таълими вазирлигига она тили ва ўқиш саводхонлиги ҳамда 1−4-синфлар бўйича математика ўқитувчилари учун 500 мингга яқин янги дарслик ва қўлланмалар тақдим этди. Улар Наманган ва Сирдарё вилоятларидаги 919 та мактабда синовдан ўтказилиб, сўнг барча мактабларда жорий этилади.
Марказий Осиёнинг бешта давлати омбудсманлари минтақада инсон ҳуқуқларини ҳимоя қилишга қаратилган иккита ҳужжатни имзолади.
USAID туберкулёзга қарши курашда ёрдам бериш учун Жиззах вилоятидаги тиббиёт муассасаларига қарийб $75 минглик асбоб-ускуналар топширди. Илгари бошқа вилоятларга ҳам худди шундай жиҳозлар берилганди.
АҚШ халқаро тараққиёт агентлиги Ўзбекистондаги, айниқса, Оролбўйи ҳудудидаги қишлоқ аёлларини қўллаб-қувватлаш учун 2,4 млн доллар ажратади. Маблағлар аёлларни тадбиркорлик кўникмалари ва касб-ҳунарга ўргатиш, уларнинг фаолиятини микромолиялаштириш, қолаверса, мураббийлик ва бандлик дастурларини амалга оширишга йўналтирилади.
АҚШ ўзининг Халқаро тараққиёт агентлиги (USAID) орқали Ўзбекистоннинг миллий иммунизация тизимини мустаҳкамлаш мақсадида Ўзбекистон ССВга совуқ занжирли ускуналар ва компьютерларни топширди. Ускуналар 671 та совутгич, 212 та музлатгич ва 150 та компьютердан иборат бўлиб, умумий қиймати 1,3 млн долларни ташкил этади.
АҚШ Халқаро тараққиёт агентлиги Ўзбекистоннинг барча ҳудудларида қишлоқ аёлларининг билим ва кўникмаларини ошириш, уларни ишга жойлаштириш ёки ўз бизнесини очишда қўллаб-қувватлаш дастурини ишга туширди. Дастур қарийб 1000 кишини қамраб олади.
2022−2023 ўқув йилида Наманган ва Сирдарё вилоятларидаги 918 та мактабда «Она тили ва ўқиш саводхонлиги» ҳамда «Математика» фанларидан бошланғич синфлар учун янги дарсликлар синовдан ўтказилади. Улар USAID ва Республика таълим маркази томонидан ишлаб чиқилган. Жорий ўқув йилида худди шу ҳудудларда инглиз тили (1−11-синфлар) ва информатика (5−11-синфлар) бўйича янги дарсликлар жорий этилганди.
24 март — Бутунжаҳон силга қарши кураш кунида USAID Соғлиқни сақлаш вазирлигига 16 та GeneXpert диагностика ускунасини совға қилди. Ушбу тизимлар бир кун ичида сил касаллигини диагностика қилиш имконини беради, бошқа муқобиллари эса натижаларни 80 кунда чиқариб беради.
АҚШ Халқаро тараққиёт агентлиги Ўзбекистонда ёшлар бандлиги ва тадбиркорлигини ривожлантириш бўйича беш йиллик дастурни ишга туширди. Бюджети 10 млн доллар бўлган дастур халқаро таълим бўйича Америка кенгашлари ҳамда Халқ таълим вазирлиги томонидан халқаро ва маҳаллий экспертларни жалб қилган ҳолда амалга оширилмоқда.
Қўшимча имкониятларга эга булиш учун сайтда рўйхатдан ўтинг