«хтв» тегли мақолалар
Мактаб ўқувчилари 4 ноябрдан таътилга чиқади
Республика мактабларида 4 ноябрдан 10 ноябргача кузги таътил эълон қилинди.
2800 дан ортиқ ўқувчи сабабсиз дарс қолдиргани аниқланди — ХТВ
Ўзбекистоннинг 10 минга яқин мактабларида ўтказилган икки кунлик рейдларда 2832 нафар ўқувчи дарсларни сабабсиз қолдиргани маълум бўлди. ХТВ хабарига кўра, уларнинг 507 нафари интернет клубларда вақт ўтказаётгани, 338 нафари эса бозорда савдо-сотиқ, аравакашлик билан шуғулланаётгани аниқланган.
ХМК мактаблар қуриш учун инвестиция жалб қилишга ёрдам беради
Халқаро молия корпорацияси Ўзбекистон ҳукуматига мамлакат вилоятларида замонавий ва энергия жиҳатидан тежамкор 15 тагача мактабларни молиялаштириш, лойиҳалаштириш, қуриш ва хизмат кўрсатиш учун хусусий операторни танлашда тендер ўтказишга ёрдам беради.
Халқаро фан олимпиадалари ғолибларига 122,5 млн сўмдан пул мукофоти топширилди
Халқаро нуфузли фан олимпиадаларида ғолибликни қўлга киритган ўқувчиларга олтин медаль учун 122,5 млн сўм, кумуш учун 73,5 млн сўм ва бронза учун 49 млн сўмдан пул мукофотлари топширилди. Шуниндек уларнинг ўқитувчиларига ҳам пул мукофотлари тақдим этилди.
ОТБ Ўзбекистонда STEM таълимни ривожлантиришга 100 млн доллар ажратади
ОТБ Ўзбекистон мактабларида STEM таълимни ривожлантиришга 100 млн доллар ажратади. Лойиҳа бўйича дарсликларнинг стандартларини яхшилаш, ўқитувчиларни тайёрлаш, мактаблар учун зарур жиҳозларни сотиб олиш кўзда тутилган.
«ЛГБТ мавзуси дарс пайтида кўтарилмаган» — ХТВ ўқувчининг пайпоғи текширилиши бўйича муносабат билдирди
Халқ таълими вазирлиги 110 мактабдаги калта пайпок билан боғлиқ ҳолатни ўрганганида, ЛГБТ мавзуси дарс пайтида кўтарилмаганини таъкидлади. Вазирлик тақдим этган видеолавҳага кўра, ўқитувчи боланинг калта пайпоқда эканлигини кўриб, «Бизда нима, ЛГБТми? Олий Мажлис мактабларимизда пайпоқсиз юришни тақиқлаган», — деб айтган. Директор ўринбосари эса ўғил болаларга калта пайпоқ кийиб юрмасликни уқтирган.
АҚШдан Ўзбекистонга 27 нафар инглиз тили мутахассиси ташриф буюрди
Ўзбекистондаги таълим муассасаларида инглиз тилини ўқитиш учун АҚШдан 27 нафар ўқитувчи ва олимлар ташриф буюрди. Улар маҳаллий ўқитувчилар даврасига қўшилиб, синфхоналардаги дарсларда бевосита иштирок этади.
Ойлигидан олиб қолинаётган ўқитувчилар шикоят қилиши учун ишонч рақамлари маълум қилинди
Халқ таълими тизимидаги турли ноҳақликлар, юзага келган муаммоли вазиятларда мурожаат қилиш мумкин бўлган ишонч рақамлари эълон қилинди. Бундан ташқари, ўқитувчиларнинг ёзма равишда шикоятларини йўллаш имконияти мавжуд бўлган web-платформа йўлга қўйилди.
Мактаб таълимини такомиллаштириш бўйича ғоялар портали очилди
ХТВ мактаб таълимини ривожлантириш бўйича ғоялар ва таклифлар порталини ишга туширди. Порталда таълим сифатини ошириш, инклюзия, инновация, мактаб инфратузилмаси ва бошқаларга оид ғояларини тақдим этиш мумкин.
Битирувчиси ОТМга кирмаган мактаб директорини ишдан олиш фойда берди — Шерзод Шерматов
Битирувчисининг биронтаси ҳам ОТМга кирмаган мактабларда узоқ вақт ишлаган раҳбарларни лавозимдан олиш бўйича чоралар туфайли, бир йил ичида бундай мактаблар сони 3 баробарга камайган. 2020 йилда Қашқадарё вилоятида 16,4% мактабнинг бирорта битирувчиси ОТМга кирмаган. Бу бўйича энг яхши натижа Тошкент шаҳрида (0,3% мактабда) кузатилган.
16 нафар америкалик ўқитувчи ва профессорлар Ўзбекистонга келади
Яқин ойларда АҚШдан 16 нафар инглиз тили ўқитувчилари ҳамда етакчи университетларининг профессорлари Ўзбекистонга келиши кутилмоқда. Улар халқ таълими ходимларини қайта тайёрлаш ва уларнинг малакасини оширишда ёрдамлашади. Бундан ташқари, Қарши шаҳрида «Amerika ойнаси» («American window») кутубхонасининг очилиши устида иш олиб борилмоқда.
ОТМга киришда мактаб битирувчиларнинг 6 йиллик баҳолари инобатга олинади
Мактаб битирувчиларнинг 6 йиллик баҳоларининг ўртача кўрсаткичи ОТМга кириш имтиҳонларида инобатга олинади. Халқ таълими вазири Шерзод Шерматовнинг таъкидлашича, бу — Президент топшириғи ва фармон лойиҳасида ўз аксини топади.
Мактаб ўқувчилари билимини баҳолаш бўйича PISA тадқиқотларида иштирок этиш Ўзбекистонга нима беради
2022 йилда Ўзбекистондаги таълим сифати халқаро PISA дастури доирасида баҳоланади. Россиялик мутахассис Галина Ковалева Ўзбекистон таълим сифатини баҳолашга тайёргарлик кўришда қандай ёрдам кўрсатилаётгани, постсовет таълим тизимлари томонидан олинган «ўртача кўрсаткичдан паст» натижалар ва қандай баҳолаш натижаларини кутиш мумкинлиги ҳақида ўз фикрлари билан бўлишди.
«Мактаблар очилиши бўйича қарорни фақатгина маҳаллий кенгаш депутатлари қабул қилади» — Шерзод Шерматов
«Мактаблар очилиши бўйича қарорни фақатгина Маҳаллий Кенгаш депутатлари мактабларнинг ҳақиқий тайёрлиги, ҳудуддаги санитария-эпидемиологик ҳолат ва соғлиқни сақлаш тизими имкониятидан келиб чиқиб қабул қилади», — таъкидлади Шерзод Шерматов. Унинг хабар беришича, мактаб очилишидан аввал уни хавфсиз ва зарур воситалар билан таъминланганлигига ишонч ҳосил қилингач, Кенгаш ушбу мактаб фаолиятини бошлаши тўғрисида қарор қабул қилади.
ХТВ ота-оналарга тавсиялар билан мурожаат қилди
Халқ таълими вазирлиги биринчи ўқиш ҳафтасини ташкил этишда ота-оналардан ўз фарзандларини ўқиш ва дам олиш вақтини тақсимлашга ёрдам беришга, эрта ётишларини назорат қилишга ва телевизор олдида ва компьютерда ўтказадиган вақтини чеклашга тавсия берди.
Ўқув йили бошида айрим фанлар вақтинчалик ўтилмаслиги мумкин
Халқ таълими вазирлиги ўқув йили бошида жисмоний тарбия, чақириққа қадар бошланғич ҳарбий тайёргарлик, мусиқа маданияти, тасвирий санъат ва чизмачилик каби фанларнинг вақтинчалик ўтилишини тавсия этмаслигини маълум қилди. Ушбу фанлар масофавий таълим шаклидаги телевизион дарслар орқали ўзлаштириб борилади.
«Мактабларда қатъий форма талаб қилинмайди» — Шерзод Шерматов
Халқ таълими вазири Шерзод Шерматов мактабларда қатъий форма талаб қилинмаслигини, лекин маълум тартибларга риоя қилиниши кераклигини таъкидлади.
Мактабларда ўқиш 14 сентябрдан бошланиши таклиф этилди
«Ҳар бир ота-она фарзандини мактабга юбориши ёки уйда онлайн шаклда ўқитиши юзасидан мустақил қарор қабул қилиши керак» — халқ таълими вазири Шерзод Шерматов. Бу учун ота-оналардан сўровнома тўлдирилиши сўралди. Вазир мактабларда янги ўқув йилини 14 сентябрдан бошлаш таклифи киритилганлигини ҳам маълум қилди. Синов тариқасида вирус тарқалмаган, ҳавфсиз ҳудудлардаги баъзи кичик мактабларни 7 сентябрдан очиш режалаштирилган.
Ўзбекистонлик ўқувчи илк бор Халқаро биология олимпиадаси олтин медалини қўлга киритди
Коронавирус пандемияси сабабли масофавий тарзда ўтказилган IBO2020 Challenge — Халқаро биология олимпиадасида бир нафар ўзбекистонлик ўқувчи мамлакат тарихида илк бор олтин медални қўлга киритди. Шунингдек, икки нафар ўзбекистонлик ўқувчи кумуш медаллар соҳибига айланди.
Шерзод Шерматов коронавирусга чалинганини маълум қилди
Халқ таълими вазири Шерзод Шерматов коронавирус инфекциясига чалинганини маълум қилди. Вазир ҳозирда уйда реабилитация даврини ўтаётганини ва яқин орада ишга қайтишини билдирди. Шунингдек, вазир касалликни қандай бошидан кечираётганини ва даволанишга доир ўзини маслаҳатлари билан бўлишди.
Энг кўп ўқилган хабарлар | Сўнгги янгиликлар
- «Финал учун режамиз бор». Тимур Кападзе — Осиё кубоги финалида Японияга қарши ўйин ҳақида
- Тошкентда устига дарахт қулаган 1 ёшли қиз ҳалок бўлди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
- Тошкентда кўчадаги қизга безорилик қилиб, юзига урган шахс 2,5 йилга қамалди
- Дам олиш кунлари Тошкентда қаерларга бориш мумкин? (4−5 май)
Қўшимча имкониятларга эга булиш учун сайтда рўйхатдан ўтинг