Халқ таълими вазирлиги мактаб таълимини ривожлантириш бўйича ғоялар ва таклифлар порталини (idea.uzedu.uz) ишга туширди, деб хабар берди ХТВ матбуот хизмати.
Сайт турли тоифадаги ғояларни тақдим этишни таклиф қилади:
- таълим сифатини, ўқитувчиларнинг мақоми ва малакасини ошириш;
- давлат-хусусий шериклиги, мактабдан ташқари таълимни ривожлантириш;
- инновациялар ва технологияларни жорий этиш;
- ўзбек тилини ўқитишни такомиллаштириш;
- мактаб инфратузилмаси, инклюзив таълим ва бошқаларни яхшилашни кўзда тутган.
Таклиф юбориш учун веб-сайтдаги маълумотларни тўлдириш керак. Ариза вазирлик томонидан кўриб чиқилади ва мурожаат эгаси билан боғланилади. Агар ғоя истиқболли кўринса, мурожаат этувчи суҳбатга таклиф қилинади. Сайт статистикасига кўра, ҳозирга қадар 96 та ғоя тақдим этилган.
