Хитой ҳукумати «вояга етмаганлар учун хавфсиз ва соғлом интернет муҳитини яратиш» мақсадида 18 ёшгача бўлган болаларнинг мобил қурилмаларда интернетдан фойдаланиш вақтини чеклашни режалаштирмоқда.
Хитой сентябрдан ҳарбий мақсадларда қайта жиҳозланиши мумкинлигидан хавотирланиб, фуқаролик дронлари экспортига чекловлар киритмоқда. Дронларнинг айрим бутловчи қисмларини рухсатсиз экспорт қилиш ҳам тақиқланади.
Ўзбекистон Хитойнинг Yutong Bus Co., Ltd компанияси билан ҳайдовчисиз транспорт воситалари бўйича, Magnetic North компанияси билан ақлли транспорт тизимини йўлга қўйиш ва Hikvision компанияси билан эса инновацион видеокузатув тизимлари ҳамда сунъий интеллект технологияси соҳасида ҳамкорлик қилади.
Хитой ташқи ишлар вазири Цинь Ган бир ой давомида омма олдида кўриниш бермагани ортидан лавозимидан четлатилди. Ван И ХХР Ташқи ишлар вазирлигининг янги раҳбари бўлди.
Ўзбекистон июнь ойида Хитойга табиий газ экспортини оширди. Қиймат жиҳатидан етказиб бериш 85,3 миллион долларга ошган, бу май ойига нисбатан 9,1 фоизга кўп. Аввалроқ мамлакатда газ қазиб олиш 2,51 миллиард куб метрга камайганини ёзгандик.
Юй Цзюнь Хитойнинг Ўзбекистондаги фавқулодда ва мухтор элчиси этиб тайинланди. 51 ёшли дипломат шу йил бошида 5 йиллик миссиясини якунлаган Цзян Яннинг ўрнини эгаллади.
Ўзбекистонга Хитойнинг Сиямен портидан Эроннинг Бандар-Аббос порти орқали товарлар етказиб бериш бошланди. Биринчи контейнер поездида мамлакатга маиший техника олиб келинди. Контейнерлар Эрон портида темирйўл платформаларига ортилиб, Туркманистон орқали Ўзбекистонга кириб келди.
Ўзбекистон май ойида Хитойга табиий газ экспортини оширди. Қиймат жиҳатидан етказиб бериш 78,16 млн долларгача ошган, бу апрель ойига нисбатан қарийб 2 баробар кўпдир. Мамлакатда газ қазиб олиш ҳажми эса, аввал хабар қилганимиздек, пасайишда давом этмоқда.
АҚШ давлат котиби Энтони Блинкен Пекинда Хитой раиси Си Цзиньпин билан учрашди. Музокараларда Хитой томони Россияга ҳалокатли қуроллар етказиб бермасликка ваъда беришини, Тайван масаласида эса ён бермаслигини маълум қилди. АҚШ томони эса Шинжон ва Гонконгдаги инсон ҳуқуқлари масаласини кўтарди.
Хитой логистика компаниялари Ўзбекистонда нафақат товарларни айирбошлаб, транспорт хизматлари кўрсатади, балки чегараолди ҳудудларида логистика марказларини ҳам ташкил қилади, деди транспорт вазири Илҳом Маҳкамов. Шунингдек, «Ўзтемирйўлконтейнер» компанияси билан қўшма корхона ҳам очилади.
Ўзбекистон яна Хитойга газ экспорт қилишини бошлади. Апрель ойида газ экспорти ҳажми 40,5 млн долларгача етганди.
Хитой томони Хитой фуқаролари учун Ўзбекистонга 10 кун муддатга визасиз кириш сиёсатини юқори баҳолаб, ўзбекистонликларнинг ХХРга киришини ҳам соддалаштириш чораларини кўришга тайёр эканини билдирди.
Ўзбекистон президенти «Марказий Осиё-Хитой» саммитидаги нутқида 6 давлатнинг миллий ривожланиш стратегиясини боғлаш, «янги иқтисодий мулоқот»ни шакллантириш, ўзаро боғлиқликни кучайтириш ва минтақа давлатларининг 2030 йилга бориб Хитой билан товар айирбошлаш ҳажмини 2 баравар оширишни таклиф қилди.
Ўзбекистон президенти Шавкат Мирзиёев ва ХХР раиси Си Цзиньпин Хитойнинг камбағалликка қарши кураш тажрибасини мамлакатда татбиқ этиш, қайта тикланадиган энергия манбалари, хусусан, қуёш панеллар ишлаб чиқариш, электромобиль заводларини ишга туширишдаги ҳамкорлик каби масалаларни муҳокама қилди.
Хитойнинг Франциядаги элчисининг Собиқ Иттифоқ давлатлари суверенитетига шубҳа билан қараган баёноти дипломатик можарога сабаб бўлди. Қатор Европа давлатлари бунга муносабат билдирди, Хитой эса СССР таркибидан чиққан барча давлатлар мустақиллигини ҳурмат қилишига ишонтиришга тўғри келди.
Инвестициялар, саноат ва савдо вазири Лазиз Қудратов «Марказий Осиё — Хитой» ташқи иқтисодий ва ташқи савдо фаолиятига масъул вазирларнинг биринчи йиғилишида 2023 йилнинг иккинчи ярмида Ўзбекистонда Марказий Осиё ва Хитой ҳудудлари раҳбарлари форумини ўтказишни таклиф қилди.
Қозоғистон ва Хитой ҳукуматлари ўз фуқаролари учун ҳар икки йўналишда ҳам визасиз режим жорий этишни режалаштирмоқда. Визасиз қолиш муддати чегарани кесиб ўтган пайтдан бошлаб 30 кунни ташкил қилади.
Хитойга ташриф буюрган Франция президенти Эммануэль Макрон мамлакат етакчиси Си Цзиньпинни Россиянинг Украинага қарши урушини тўхтатишга ёрдам беришга чақирди. ХХР раҳбари тинчлик музокаралари эрта бошланишига умид билдириб, томонларни вазминликни сақлаш, тинч аҳолига ҳужумлардан қочишга чақирди.
Сирдарёни саноат, тадбиркорлик, қишлоқ хўжалиги, таълим ва тиббиёт соҳаларида «илғор инновациялар ҳудуди»га айлантириш режалаштирилган, деди вилоятга ташриф буюрган Ўзбекистон президенти Шавкат Мирзиёев.
Бразилия ва Хитой юанда савдо қилиш бўйича келишувга эришди ва қўшма ҳисоб-китоб палатаси ташкил этилганини эълон қилди. Бу икки давлат ўртасида ўз валюталарини АҚШ долларига алмаштирмасдан тўғридан-тўғри савдо қилиш имконини беради.
Қўшимча имкониятларга эга булиш учун сайтда рўйхатдан ўтинг