«соғлиқни сақлаш вазирлиги» тегли мақолалар
Январь-февраль ойларида «Тез ёрдам»га 2 млндан зиёд чақириқ келиб тушди
2022 йилнинг илк икки ойида мамлакат бўйича тез тиббий ёрдам хизматига жами 2 млн 42 мингдан ортиқ мурожаат келиб тушди. Энг кўп мурожаатлар Фарғона, Андижон ва Тошкент шаҳрида, энг кам чақириқлар эса Жиззах, Сирдарё ва Навоий вилоятларида кузатилган. Ушбу хизматдаги реанимобил машиналар сони 442 тага етгани айтилди.
UNICEF Ўзбекистонга вакциналарни сақлаш учун $500 мингдан ортиқ қийматдаги ускуналарни тақдим этди
UNICEF Ўзбекистон ҳукуматига вакциналарни сақлаш омборлари учун 500 минг доллардан кўпроқ қийматдаги 118 музлатгич, 7 минг дона термосумка ва тиббиёт ходимлари учун шахсий ҳимоя воситаларини топширди (фото).
Соғлиқни сақлаш вазирлиги марказий аппарат ходимларининг 40 фоизини ишдан бўшатди
ССВ тиббиёт соҳасидаги муаммолар ташаббускор, янгича фикрлайдиган, профессионал ва ижодкор кадрларнинг етишмаслиги билан боғлиқ, деб ҳисоблайди. Шуни ҳисобга олиб, вазирлик марказий аппарати ходимларининг 40 фоизи ишдан бўшатилди. Уларга қуйи босқичдаги тиббиёт муассасаларида ишлаш таклиф қилинди. Кадрлар ислоҳоти вазирликнинг бошқа бўғинларига ҳам таъсир қилади.
Ўзбекистонга 1 млн доза ўзбек-хитой вакцинаси олиб келинди
Ўзбекистонга Хитойдан 1 млн доза ZF-UZ-VAC2001 вакцинаси келтирилди. ССВ маълумотларига кўра, Ўзбекистонда фойдаланилаётган вакциналар сони 49 млн дозадан ошди.
ССВ шифохоналардаги тозалик ҳолатини алоҳида назоратга олди
ССВ ишчи гуруҳи тиббиёт муассасаларининг ишида камчиликларни аниқлади: узун навбатлар, ортиқча қоғозбозликлар ва санитария-гигиена меъёрларига амал қилмаслик. Вазир Беҳзод Мусаев барча муассасаларнинг санитария-гигиеник ҳолатини зудлик билан яхшилаш бўйича топшириқ берди.
Беҳзод Мусаев тунда Тошкент шифохоналаридаги вазиятни ўрганди
Соғлиқни сақлаш вазирлиги раҳбари Беҳзод Мусаев тунда пойтахт шифохоналарида бўлиб, болалар ўртасида ўткир респиратор инфекциялар билан касалланиш ҳолатини ўрганди. Кейин у эрталаб соат 4:30 да йиғилиш ўтказди, шундан сўнг 600 дан зиёд қўшимча ўрин-жойлар ташкил этилди.
Соғлиқни сақлаш вазири Абдухаким Хаджибаев лавозимидан озод этилди
Беҳзод Мусаев соғлиқни сақлаш вазири лавозимига тайинланди. Ушбу лавомизда ишлаб келган Абдухаким Хаджибаев Ўзбекистон касаба уюшмалари федерациясига ўтиши кутилмоқда.
ССВ нафас қисиши билан боғлиқ шикоятлар сони ортганини маълум қилди
Соғлиқни сақлаш вазирлиги «Тез ёрдам» хизматига бўлган жами чақириқлар сони 3 ноябрдаги 3433 тадан 4 ноябрда 4082 тага етгани, 678 киши нафас қисишидан шикоят қилганини билдирди. Вазирлик аҳолига чангли ҳавода ниқоб тақиш, аллергик ва астма касаллиги бор беморларга ташқарига чиқмасликни тавсия қилди.
Эльмира Баситханова аёлнинг туғруқдан кейинги ўлимини яширишга уринганини рад этди
Ижтимоий тармоқларда соғлиқни сақлаш вазири ўринбосари Эльмира Баситханова ССВ раҳбаридан туғруқдан кейин вафот этган аёлнинг ўлимини яширишга уринаётгани ҳақида хабарлар тарқалди. У мазкур хабарни рад этиб, бу «вазиятни нотўғри талқин қилиш» деб ҳисоблашини таъкидлади.
Ўзбекистонга коронавирус таҳлили учун кўчма лаборатория олиб келинди
Германия Ўзбекистонга коронавирусга ПЦР текширувини ўтказиш учун мобил лаборатория етказиб берди. Лаборатория қуввати бир кунда 1500 та таҳлил ўтказишга мўлжалланган. Ушбу лабораторияда коронавирусга бепул тест топшириш мумкин.
Соғлиқни сақлаш вазирлиги ҳузурида онкологик касалликларга чалинганларга ёрдам бериш фонди ташкил қилинади
Соғлиқни сақлаш вазирлиги ҳузурида онкогемотологик ва даволаш мураккаб бўлган касалликларга чалинган беморларни даволашга кўмаклашиш учун жамғарма ташкил этилмоқда. Фонд тиббий ускуна ва дори-дармонларни, реактивларни сотиб олади ва операция учун хориждан мутахассисларни таклиф қилади.
Ўзбекистонда универсал прогрессив патронаж модели жорий этилмоқда
ЮНИСЕФ ССВга патронажнинг универсал-прогрессив модели бўйича 50 минг нусхада қўлланма ва китобчаларни топширди. Нашрлар бирламчи тиббий-санитария ёрдами даражасида ҳомиладор аёллар, яқинда фарзанд кўрган аёллар ва 5 ёшгача бўлган болаларга хизматларни яхшилашга қаратилган.
ССВ вазири нима учун ўлим статистикаси эълон қилинмаётганлигига изоҳ берди
Ўзбекистон бўйича ўлим статистикаси нима учун эълон қилинмаётганлиги ҳақида ССВ вазири изоҳ берди. Унга кўра, статистика фақат расмий сўров бўлгандагина тақдим этилади.
Болалар вақтида эмланганини мониторинг қилиш учун 16 та автомобиль ажратилди
Санитария-эпидемиологик осойишталик ва жамоат саломатлиги хизматига 16 та замонавий автомобиль топширилди. Улардан бутун мамлакат бўйлаб болаларнинг вақтида эмлангани мониторингини юритиш сифатини янада яхшилаш учун фойдаланилади.
Яна учта шифохона одатий иш фаолиятига қайтди
Коронавирусга чалиниш ҳолатлари камайгани сабабли COVID-19 беморларини даволашга ихтисослашган яна 3 та шифохона — Тошкент шаҳар тез тиббий ёрдам клиник шифохонаси, Тошкент шаҳар перинатал маркази ва Тошкент шаҳар 3-сон юқумли касалликлар шифохоналари ўз йўналиши бўйича одатий иш фаолиятига қайтди.
Ўзбекистонда 43,5 мингдан ортиқ киши ОИВ инфекцияси билан яшайди
1 ноябрь ҳолатига кўра Ўзбекистонда ОИВ билан касалланган 43 581 киши рўйхатга олинган. Йил давомида бу кўрсаткич 1483 га ошди, бу ўтган йилга нисбатан сезиларли даражада кам.
Умумий амалиёт шифокори оилавий шифокорга айлантирилади
Умумий амалиёт шифокори ҳақиқий оилавий шифокорга айлантирилади, — дея қайд этди президент. Уларга ёрдам бериш учун тиббиёт бригадалари ташкил этилади ва ўзларига бириктирилган оилалар кесимида манзилли иш олиб боради.
«Бундан буён соғлиқни сақлаш вазирлиги фаолиятига ҳеч ким аралашмайди» — президент
«Бундан буён соғлиқни сақлаш вазирлиги фаолиятига, унинг кадрлар масаласига ҳеч ким аралашмайди», — деди Шавкат Мирзиёев. Президент ва бош вазирдан бошқа бирорта раҳбар вазир ва унинг ўринбосарларини йиғилишларга чақиришии тақиқлаб қўйилди.
Президент Соғлиқни сақлаш вазирлиги тизимини «тўлиқ қайта ишга тушириш» бўйича йиғилиш ўтказади
Шавкат Мирзиёев соғлиқни сақлаш масаласи бўйича видеоселектор йиғилишини ўтказади. Асосий эътибор коронавирусга қарши курашишга эмас, балки соғлиқни сақлаш тизимини тўлиқ қайта ишга туширишга қаратилади.
Коронавирус беморларига пульсоксиметр ва кислород концентраторлари бепул берилади
Коронавирусга чалинган ва уй шароитидаги реабилитацияга муҳтож беморларга вақтинча фойдаланиш учун пульсоксиметр ва кислород концентраторлари бепул тарқатилади. Дорихоналарда тайёрланадиган дори воситаларининг улгуржи сотуви, препаратларнинг импорти ва ишлаб чиқарилиши муддатининг узайтирилишига рухсат берилди.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
- «45 дақиқалик дарс ўқувчини ўзгартириши керак». Тошкентда таълим тизимидаги муаммолар муҳокама қилинди
Қўшимча имкониятларга эга булиш учун сайтда рўйхатдан ўтинг