«президент қарори» тегли мақолалар
Самарқанд вилоятининг туризм салоҳияти оширилади
Самарқанд аэропортида 2023 йил 1 февралгача туристик ахборот маркази ташкил этилади. 2026 йил 1 январга қадар тадбиркорлар 4 ва ундан юқори юлдузли меҳмонхоналар фаолияти учун товарларни олиб киришда божхона тўловларидан озод қилинади.
Ногиронлиги бўлган шахсларни касб-ҳунарга ўргатувчи «Имкониятлар маркази» ташкил этилади
2022 йил давомида тажриба тариқасида Нукус ва Тошкент шаҳарларида ҳамда 2023 йилдан бошлаб қолган ҳудудларда «Имкониятлар маркази» фаолияти ташкил этилади. Улар ногиронлиги бўлган шахсларнинг ҳуқуқлари ва қонуний манфаатларини ҳимоя қилади ва касб-ҳунарга ўқитишга кўмаклашади.
Учта вилоятда кимё технопарклари ташкил этилади
Президент қарори билан маҳаллий минерал хомашёларни чуқур қайта ишлаш орқали янги турдаги кимё ва газ-кимё маҳсулотларини ишлаб чиқариш учун Навоий, Фарғона ва Қорақалпоғистонда кимё технопарклари ташкил этилади. Соҳага маҳаллий ва хорижий тўғридан-тўғри инвестицияларни жалб этиш мақсад қилинган.
Ҳокимликлар ҳузурида Тадбиркорлар кенгаши ташкил этилади
Жамоатчилик муҳокамаси учун эълон қилинган президент қарори лойиҳасига кўра, Қорақалпоғистон Вазирлар Кенгаши ва ҳокимиятлар ҳузурида Тадбиркорлар кенгаши ташкил этилади. Унга Қорақалпоғистон Вазирлар Кенгаши раиси ва ҳокимлар раҳбарлик қилади.
7 та вазирликнинг капитал қурилиш билан шуғулланадиган буюртмачи хизматлари тугатилади
Президент қарори билан 7 та вазирликнинг буюртмачи хизматлари тугатилиб, уларнинг амалдаги буюртмалари маҳаллий ҳокимликларнинг инжиниринг компанияларига ўтказилади. Бундан ташқари, Қурилишда техник меъёрлаш ва стандартлаштириш илмий-тадқиқот институти ташкил этилади.
Маҳаллаларда ижтимоий-иқтисодий муаммоларини ҳал этиш жамғармалари ташкил қилинади
Ҳар бир маҳаллада ижтимоий-иқтисодий муаммоларини ҳал этиш жамғармаси ташкил қилинади. Президент бу ҳақдаги қарорни имзолади.
1 январдан қон донорлари учун бир қатор имтиёзлар берилади
2023 йилдан «Ўзбекистон Республикаси фахрий донори» кўкрак нишони билан тақдирланган шахсларга 4,5 млн сўм тўланади. Улар жамоат транспортидан бепул фойдаланади, санаторийларга навбатсиз йўлланма олади. Йилига 3 марта қон топширганлар ва уларнинг қариндошларига зарур бўлганда, қон бепул берилади.
Навоийда Халқаро шахмат мактаби очилади
Президент қарорига кўра, Навоийдаги «Тўдакўл» дам олиш базасида Халқаро шахмат мактаби ташкил этилади. Қолаверса, 2023 йилдан бошлаб ҳар йили мукофоти 50 минг долларлик «Women's Chess Championship» халқаро турнири ҳамда «Uzbekistan Chess Open» халқаро турнири ўтказилади.
Шахмат бўйича халқаро турнир совриндорлари ва уларнинг тренерларига пул мукофоти берилади
Президент қарори билан халқаро нуфузли мусобақаларда совриндор бўлган спортчиларга пул мукофотлари берилади. Жумладан, Бутунжаҳон шахмат олимпиадаси ғолиби — 600 млн сўм билан мукофотланади. Қолаверса, совриндорларнинг тренерлари ҳам шогирди мукофотининг ярмига тенг миқдорда пул олади.
Кўп квартирали уйлар аҳолиси ўз хонадони остидаги ва унга туташ ердан фойдаланиш ҳуқуқини қўлга киритади
Ҳокимиятларга 2024 йил 1 январга қадар кўп квартирали турар-жой бинолари ва унга туташ ер участкаларини доимий фойдаланиш ҳуқуқи асосида уй эгаларига нотижорат мақсадларда фойдаланишга топшириш вазифаси юклатилди.
Қишлоқ хўжалиги техникаларини сотиб олиш учун $100 млнлик имтиёзли кредитлар ажратилади
Молия вазирлиги қишлоқ хўжалиги техникалари хариди учун 100 млн доллар миқдорда имтиёзли кредитлар ажратади. Банклар қарзларни миллий валютада 10 йил муддатга имтиёзли давр билан 10 фоиз ставкада тақдим этади. Аввалроқ МБ ҳукуматдан имтиёзли ва директив кредитлар ҳажмини қисқартиришни сўраганди.
Ногиронлиги бўлган хотин-қизларни ишга олганларга субсидия берилади
Президент қарори билан меҳнатга лаёқатли, ногиронлиги бўлган хотин-қизларни иш билан таъминлаган иш берувчилар учун 6 ой давомида ҳар ойда БҲМнинг 2 баравари (600 минг сўм)дан кам бўлмаган миқдорда субсидия ажратилади.
1 сентябрдан автомобилни бошқариш учун ишончнома онлайн расмийлаштирилади
1 сентябрдан бошлаб автотранспортни бошқариш ҳуқуқини берувчи ишончномалар my.gov.uz орқали онлайн расмийлаштирилади ва уни нотариусдан тасдиқлаш талаб этилмайди. Бир ойлик ишончнома учун тўлов 90 минг сўм, уч йиллик учун эса 900 минг сўмни ташкил қилади.
Такси ҳайдовчилари ўзини ўзи банд қилган шахслар рўйхатига киритилади
1 сентябрдан 2025 йилга қадар такси ҳайдовчилари ўзини ўзи банд қилган шахслар сифатида қаралади ва уларнинг фаолияти лицензия асосида амалга оширилади. Автомобилнинг эксплуатация даврига қўйилган талаб эса бекор қилинади.
Президент ҳузурида Пахтачилик кенгаши ташкил этилди
Ўзбекистон президенти ҳузурида Пахтачилик кенгаши ташкил этилди. Кенгаш ҳудудлар тупроқ-иқлим шароитларига мос ғўза навларини экиш ва уруғларини кўпайтириш, ўғитлаш, суғориш, сув тежамкор технологиялардан фойдаланиш бўйича кўрсатмалар беради. Шунингдек, хусусий уруғчилик кластерлари ташкил этилади.
Ўзбекистонда педагогика йўналишида 10 та ОТМ ташкил этилади
Президент қарори билан Ўзбекистоннинг 10 та ҳудудида педагогика йўналиши бўйича 8 та институт ва 2 та университет ташкил этилади. Бундан ташқари, педагогик кадрлар тайёрловчи ОТМларнинг 2−4-босқич талабалари учун «4+2» шаклидаги таълим жараёни йўлга қўйилади.
Тез тиббий ёрдам тизими қайта ташкил этилади
Ўзбекистонда тез тиббий ёрдамнинг ягона вертикал бошқарув тизими жорий қилинади. Тиббий бригада беморнинг аҳволи ва касаллик турига қараб, туман ва ҳудудидан қатъи назар унга яқин масофадан юборилади. Марказий шифохоналарда эса тун-у кун ишлайдиган шошилинч қабул бўлимлари ташкил этилади.
Паралимпиячиларнинг матонат мактаби ташкил этилди
Президент қарори билан Паралимпиячиларнинг матонат мактаби ташкил этилди. Қолаверса, Абдулла Қодирий кўчасида Паралимпиячилар боғи бунёд этилади. Метронинг янги бекатларидан бирига «Паралимпия ҳаракати» номи берилади, 2023 йилдан Тошкентда «Паралимпиячилар матонати» халқаро форуми ўтказилади.
Андижон давлат чет тиллари институти ташкил этилади
Андижонда Андижон давлат чет тиллар институти ташкил этилмоқда. ОТМ биринчи талабаларни жорий йилда қабул қилади. Талабалар иккита чет тили бўйича малакага эга бўлишади.
Давлат музейларига тунги вақтларда хизмат кўрсатишга рухсат берилди
Президент қарори билан 1 июлдан бошлаб давлат музейларига ҳар куни соат 22:00 га қадар ҳамда тунги вақтларда хизмат кўрсатишга рухсат берилди. Пулли хизматлар кўрсатишда иштирок этган музей ходимларига қўшимча тўловлар тўланади ва улар моддий рағбатлантирилади. Қолаверса, туркиялик мутахассислар иштирокида учта музей реконструкция қилинади.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- Хорижий автомашиналарни вақтинча олиб кириш учун йиғим ҳисоблаш тартиби ўзгарди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Қўшимча имкониятларга эга булиш учун сайтда рўйхатдан ўтинг