«президент қарори» тегли мақолалар
Эндокрин касалликлар мавжуд оилаларга патронаж ҳамшираси бириктирилади
Президент қарорига асосан эндокрин касалликлар мавжуд оилаларга махсус тайёргарликдан ўтган патронаж ҳамшираси бириктирилади. Ҳар йили камида бир марта 40 ёшдан ошган аҳоли қандли диабет учун мақсадли скринингдан ўтказилади. Қолаверса, 25 ёшдан ошган беморларга инсулин, метформин ва бошқа дори воситалари бепул берилади.
2022 йилда Экологик кодекс ишлаб чиқилади
Президент қарори билан Давлат экология қўмитаси 1 декабргача жамоатчилик, илмий-тадқиқот институтлари ва ОАВ вакилларини жалб этган ҳолда Экологик кодекс лойиҳасини ишлаб чиқади. Бундан ташқари, барча ҳокимларнинг қурилиш масалалари бўйича ўринбосаларига экология ва кўкаламзорлаштириш вазифалари ҳам юклатилади.
Хусусий секторга валюта айирбошлаш хизматларини кўрсатишга рухсат берилиши мумкин
Монополияга қарши курашиш қўмитаси норасмий валюта операцияларининг олдини олиш учун хусусий валюта шохобчаларининг ишлашига рухсат бериш таклифини илгари сурди.
Коррупцияга қарши курашиш агентлигининг ваколатлари кенгаяди
Коррупцияга қарши курашиш агентлигига янги ваколатлар берилди. Эндиликда агентлик ҳуқуқни муҳофаза қилувчи органларнинг электрон маълумотлар базаларидан коррупцияга оид ҳуқуқбузарликлар тўғрисидаги маълумотларни олиши ва жиноят ишини қўзғатиш ёки бошқа чораларни кўриш учун коррупция фактлари тўғрисидаги хабарларни юбориш ва натижалари бўйича қабул қилинган қарор тўғрисида маълумотни талаб қилиши мумкин.
Ногиронлик белгилари аниқ кўриниб турганларнинг ногиронлиги муддатсиз даврга белгиланади
Президент қарорига кўра, 18 ёшгача бўлган болаларга ногиронликни белгилаш педиатрия тиббий-ижтимоий эксперт комиссиялари томонидан амалга оширилади. 2022 йил 1 августдан бошлаб Тошкент шаҳрида, 2023 йил 1 январдан республиканинг барча ҳудудларида ногиронлиги бўлганларни ҳисобга олиш ва кўрикдан ўтказишнинг янги электрон ахборот тизими жорий этилади. Ногиронлик белгилари аниқ кўриниб турган, анатомик нуқсонлари бўлган шахслар ногиронлиги муддатсиз даврга белгиланади.
Деҳқончилик учун 1 гектаргача ер ва имтиёзли кредит ажратилади
Президент қарори асосида пахта ва ғалладан қисқартирилган 200 минг гектар ер деҳқончилик учун ажратилади. Бунда электрон танлов орқали 1 гектаргача бўлган ер майдонлари ижарага берилади. Қолаверса, фермер ва деҳқонлар 100 млн сўмгача имтиёзли кредит ҳам олиши мумкин.
Yoshlar, Navo ва Kinoteatr каналларига рекламадан даромад олишга рухсат берилди
Yoshlar, Navo ва Kinoteatr телеканаллари ихтисослаштирилган реклама хусусиятига эга бўлган канал сифатида фаолият кўрсатишига рухсат берилди.
Тошкент вилояти телерадиоканали ташкил этилади
Президент миллий телерадиокомпания тизимида Тошкент вилояти телерадиоканали — Nurafshon TV`ни ташкил этиш тўғрисидаги қарорга имзо чекди. Телеканалнинг асосий вазифалари ислоҳотлар ҳамда яратилган имкониятлар ҳақида аҳолини мунтазам хабардор қилиб бориш, ҳудуднинг тарихи, маданияти, санъатини кенг тарғиб қилиш этиб белгиланди.
Ҳокимларнинг ғалла етиштирувчилар фаолиятига ҳар қандай аралашуви тақиқланди
Президент ҳокимларнинг ғалла етиштирувчилар фаолиятига ҳар қандай аралашувини тақиқлашни назарда тутувчи қарорни имзолади. Эндиликда, ҳокимликлар ва ҳуқуқни муҳофаза қилувчи органлар агротехник тадбирлар ўтказиш, кредитлардан фойдаланиш, буғдойни сотиш жараёнларига аралаша олмайди.
Ҳудудлардаги тиббиёт муассасаларини жиҳозлаш ва кадрлар малакасини оширишга $100 млн ажратилади
Президент қарори билан туман ва вилоят тиббиёт муассасалари учун замонавий тиббий ускуналар харид қилиш ва кадрларнинг хорижда малакасини оширишга Тикланиш ва тараққиёт жамғармаси ҳисобидан 100 млн доллар ажратилади. Маблағлар ҳокимликларга қайтариш шарти билан миллий валютада 3 йил муддатга ссуда сифатида тақдим этилади.
Ўзбекистон ҳудудларидаги маҳаллаларда 1164 та спорт майдончаси қурилади
2021−2025 йиллар давомида бутун мамлакатда бадминтон, стритбол ва «Workоut» спорт турлари бўйича 1164 та спорт майдончаси қурилади. Ҳар йили ушбу спорт турлари ҳамда юриш, югуриш ва мини-футбол бўйича 18 та мусобақа ўтказиш режалаштирилмоқда. Қарордаги дастур ва параметрлар тўлиқ бажарилгунга қадар бюджетдан ҳар йили 104 млрд сўмдан ажратилади.
Олимпия ва паралимпия захиралари коллежлари ташкил этилади
Президент қарори билан Олимпия захиралари коллежлари негизида Олимпия ва паралимпия захиралари коллежлари ташкил этилади. Ундаги контингент фақат олимпия ва паралимпия спорт турлари бўйича шакллантирилади. Қолаверса, 3 йиллик «специалитет» дастурни амалга оширадиган Олий спорт маҳорати институти ҳам очилади.
Айрим инвесторларга мол-мулк ва ер солиқларини 6 ойгача кечиктириб тўлашга рухсат берилди
Президент қарори билан 1000 квадрат метрдан ортиқ бўлган ер участкалари, бино ва иншоотларга нисбатан мулк ҳуқуқини қўлга киритган маҳаллий ва хорижий инвесторларга мол-мулк ва ер солиқларини тўлашни 6 ойга кечиктириш ҳуқуқи берилиши мумкин. Давлат улуши 50 фоиздан юқори бўлган корхоналар ва солиқ қонунчилигини бузиш хавфи юқори бўлган тадбиркорлар бундан мустасно.
Хорижий валютада олинган кредитлар миллий валютага ўтказилса компенсация берилади
Президент тадбиркорлик субъектларининг валюта хатарларини камайтиришга оид қарорни қабул қилди. Давлат жамғармаси хорижий валютада олинган кредитлар миллий валютага ўтказилганида компенсация тўлаб беради.
2022 йил 1 июлдан суғуртанинг барча турлари электрон шаклда амалга оширилади
2022 йилдан 1 июлдан суғуртанинг барча турлари электрон шаклда амалга оширилса, 2023 йилдан мажбурий суғуртанинг барча турларини қоғоз бланкаларда расмийлаштириш амалиёти бекор қилинади. 2022 йил 1 июлдан эса инфляцияга боғланган давлат қимматли қоғозлари чиқарилади.
82 турдаги хом ашё ва ярим тайёр маҳсулотлар импорт божидан озод қилинди
Президент қарори билан 82 турдаги хом ашё ва ярим тайёр маҳсулотлар импорт божхона божидан озод қилинди. Мазкур ҳужжат давлат раҳбарининг тадбиркорлар билан учрашувида билдирилган таклифлардан келиб чиқиб қабул қилинди.
Болаларда юрак нуқсонларини даволаш учун 2021 йилда 500 та окклюдер харид қилинади
Президент қарорига мувофиқ, болаларда юрак нуқсонларини даволаш учун 2021 йилда 10 млрд сўмга 500 та окклюдер харид қилинади, келгуси йилдан уларнинг сони 5 мартагача оширилади. Қолаверса, туман ва шаҳар даражасида кам инвазив ва юқори технологик жарроҳлик амалиётлари кенг жорий этилади.
Болаларни қўллаб-қувватлаш жамоат фонди ташкил этилади
Парламент ва Вазирлар Маҳкамасининг муассислигида Болаларни қўллаб-қувватлаш жамоат фонди ташкил этилмоқда. Унинг асосий мақсадларига эҳтиёжманд оилаларнинг фарзандларини, чин етимларни, оғир касалликка чалинган ва ногиронлиги бўлган болаларни даволаш, уларнинг таълим олишини, уй-жой билан таъминланишини ҳамда касб эгаллашларини қўллаб-қувватлаш киради.
Харид чекини рўйхатдан ўтказганларга харид суммасининг 1 фоизи қайтарилади
2022 йил 1 январдан бошлаб чакана савдо, умумий овқатланиш ва хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида рўйхатдан ўтказганларга ўша харид суммасининг 1 фоизи бюджетдан қайтарилади. Кешбэк ҳар ой якунида жисмоний шахсларнинг банк карталарига ўтказилади. Чек бермаганлик ҳолати ҳақида хабар берганларга ундирилган жариманинг 20 фоизи мукофот тариқасида тўланади.
Ўзбекистонда хорижий давлатлар ҳарбий кадрлари тайёрланади
Президент қарори билан Ўзбекистон Мудофаа вазирлигининг олий ҳарбий таълим муассасаларида хорижий давлатлар ҳарбий кадрлари ўқитилади. Улар кириш имтиҳонларисиз ўқишга қабул қилинади.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- Хорижий автомашиналарни вақтинча олиб кириш учун йиғим ҳисоблаш тартиби ўзгарди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Қўшимча имкониятларга эга булиш учун сайтда рўйхатдан ўтинг