«дарахт кесилиши» тегли мақолалар
Сурхондарёнинг иккита туманида ноқонуний дарахт кесганлар аниқланди
Термиз туманида Ободонлаштириш бошқармаси истироҳат боғидаги 1 туп дарахтни кесгани учун бошқарма бош муҳандиси 3 млн сўм жаримага тортилди. Бунинг ортидан ўсимлик дунёсига қарийб 5 млн сўм зарар етди. Яна бир фуқаро саксовул кесиб, ўсимлик дунёсига 3,1 млн сўм зарар етказди.
Депутат маҳалла раиси дарахт кесиш бўйича аризани муҳрламагани учун сўкингани айтилмоқда
Учтепа тумани депутати уй қурилишига халақит берган 2 дарахтни кесишга рухсат олиш учун ариза ёзиб, МФЙ раисидан уни муҳрлаб беришни сўраган. У буни инкор қилгани учун депутат хонадан ҳақорат айтиб чиқиб кетган. Раис унинг устидан арз қилди. Депутат эса уни сўкмагани, ўзига-ўзи нолиганини айтмоқда.
«Дўстлик» боғи яқинида қурилиш компанияси яна 6 туп дарахтни нобуд қилди
Тошкентдаги «Дўстлик» боғи яқинида Vinera Tower компанияси қурилиш учун ҳудуддаги 6 туп дарахтни рухсатномасиз бошқа жойга кўчириб, уларни нобуд қилгани маълум бўлди. Бунда табиатга 218,3 млн сўм зарар етказилгани аниқланди. Компания олдин ҳам дарахт кесгани учун 430,5 млн сўм жарима тўлаган.
Яшнободда дарахтларни ноқонуний кесганлардан 3,5 млрд сўм ундирилди
Тошкентнинг Яшнобод туманида қимматбаҳо дарахтларнинг ноқонуний кесиб ташланиши оқибатида ўсимлик дунёсига зарар етказилганди. Депутат Расул Кушербаевнинг маълум қилишича, қурувчи ташкилотдан 3,5 млрд сўм маблағ ундирилди, 200 туп дарахт ҳам эктирилмоқда.
Чилонзорда аҳоли дарахтзор ўрнида қурилиш қилмоқчи бўлган тадбиркор устидан ғалаба қозонди
Тадбиркор бузилган мулки ўрнига компенсация сифатида Чилонзордаги кўп қаватли уйлар орасидан ер олган. У бу ерда кўп қаватли турар жой қурмоқчи эди, бироқ аҳоли бунга қарши чиқди. Пойтахт ҳокими тадбиркорга унинг бир фуқаро норози бўлса ҳам, бу жойни ташлаб чиқиб кетиш ҳақидаги ваъдасини эслатди.
Кесиб ташланмаган, соғломлаштирилган — Экоқўмита Пискентда кесилган дарахтлар ҳақида
Тошкент вилоятининг Пискент туманида дарахтлар кесиб ташлангани ҳақида хабар берилди. Экоқўмитанинг маълум қилишича, 93 туп тол қайта тиклаш ва соғломлаштириш учун кесилган. Ушбу амалиёт натижасида тол дарахтларининг ўсувчанлиги янада ошишини маълум қилинган.
Тошкент шаҳар Экология бошқармаси бошлиғи ҳибсга олинди
Тошкент шаҳар Экология бошқармаси бошлиғи Фарҳод Деҳқонов ҳибсга олинди. Эҳтиёт чораси пойтахтда дарахтларни ноқонуний кесиш ишлари билан боғлиқ эмас. У мансаб ваколатини суиистеъмол қилганлиқда гумонланмоқда.
Гулистонда ҳам 16 туп дарахт ноқонуний кесилгани аниқланди
Гулистондаги истироҳат боғида 16 туп тол ва терак дарахтлари кесилиб, 5 туп дарахтга жиддий зарар етказилгани аниқланди. Ҳолат юзасидан шаҳар прокуратураси томонидан жиноят иши қўзғатилди.
Тошкентда яна бир қурувчи ташкилот 42 туп дарахтни кесиб ташлагани аниқланди
Тошкент шаҳрининг Учтепа туманида қурувчи ташкилот томонидан 42 туп дарахт ноқонуний равишда кесиб юборилгани аниқланди. Бунинг оқибатида табиатга 425 млн сўмдан ортиқ зарар етказилган. Бош прокуратура ташкилот мансабдорларига нисбатан жиноят иши қўзғатди.
Тошкентда 58 туп дарахтни кесиб ташлаган Dream House Stroy мансабдорларига нисбатан жиноят иши қўзғатилди
Чилонзор туманида 58 туп дарахтни кесиб ташлаб, табиатга қарийб 800 млн сўмлик зарар етказгани учун Dream House Stroy компанияси мансабдорларига нисбатан жиноят иши очилди. Аввалроқ, мазкур ҳодиса Чилонзор прокуратураси рўпарасида, тунги вақтда содир этилгани ҳақида ёзгандик.
Чилонзор прокуратураси рўпарасида 60 га яқин дарахт кесиб ташланди
Яқинда 100 дан ортиқ дарахт шикастланган Чилонзор кўчасида бир кечанинг ўзидаёқ 58 туп дарахт кесиб ташланди. Ҳар икки воқеа туман прокуратураси яқинида содир этилди. Биринчи ҳолатдан сўнг туман ҳокими ва прокурор ишдан олинди. Туман ҳокимлиги эрталаб кесилган дарахтлар ўрнига 69 туп кўчат экди.
Дарахт воқеасидан сўнг Чилонзор ҳокими ишдан бўшатилди, пойтахт ҳокими эса ҳайфсан олди
Тошкентда 101 туп дарахтга шикаст етказилгани учун президент топшириғига асосан Чилонзор тумани ҳокими Шавкат Мавлонов ва прокурори Иззат Бозоров ишдан бўшатилди. Қолаверса, пойтахт ҳокими Жаҳонгир Ортиқхўжаев ва прокурори Улуғбек Қосимовга қаттиқ ҳайфсан берилди.
Мораторий даврида Фарғонада 87 тупдан ортиқ дарахт кесиб ташланди
Фарғона вилояти Ўзбекистон туманида Электр тармоқлари корхонаси ходимлари 48 туп арча, 9 туп шумтол ва 30 тупдан ортиқ мевали дарахт ноқонуний кесиб ташлагани аниқланди. Экоқўмита бу орқали ўсимлик дунёсига 856,5 млн сўм зарар етказилганини маълум қилди. Ҳужжатлар тўпланиб, прокуратурага юборилди.
Чилонзорда кўчани кенгайтириш баҳонасида 100 га яқин дарахтга шикаст етказилди
Тошкентда кўчани кенгайтириш ва «ободонлаштириш» бўйича қабул қилинган навбатдаги қарор натижасида 100 га яқин кўп йиллик дарахтга зарар етказилди. Жамоатчилик норозилигидан сўнг лойиҳа қайта кўриб чиқилди, аммо баъзи дарахтлар қуриб қолиши мумкин.
Сурхондарёда 43 туп дарахт ноқонуний кесиб ташланди
Ангор туманидаги 6-сонли болалар боғчаси ҳудудида 43 туп жумладан, можжевельник ва туя дарахтлари таг қисмидан ноқонуний тарзда кесиб ташланганлиги аниқланди. Давлат экологик назорат инспекторлари ҳолатни ўрганмоқда.
10 март куни Ўзбекистонда содир бўлган энг муҳим хабарлар дайжести
Ўзбек пахтасига бойкотни бекор қилган Cotton Campaign, Украина ва Афғонистонга ёрдам бергани учун Ўзбекистонга миннатдорчилик билдирган АҚШ, 1 майдан йўлга қўйиладиган «Автомобиль тарихи» хизмати, алиментдан қарзи борларга автомобиль ҳайдаш ва уйланиш тақиқланиши мумкинлиги, Молдовадаги ўзбекистонликлар Бухарест орқали эвакуация қилиниши ва бошқалар — «Газета.uz» нинг 10 мартдаги энг муҳим хабарлари дайжестида.
Мораторийга қарамасдан Фарғонада 3 туп чинор кесиб кетилди
Мораторий эълон қилинганига қарамай Қўқон шаҳрида фуқаро рухсатсиз 3 туп чинор дарахтини кесиб ташлагани аниқланди. Давлат экология қўмитаси бунинг оқибатида табиатга 103 млн сўмдан кўпроқ зарар етказилганини маълум қилди.
«Шўртангазкимё» насос станцияси ходими 10 туп қайрағочни кесгани аниқланди
Қашқадарёда «Шўртангазкимё» МЧЖнинг Ташқи сув таъминоти насос станцияси ходими 6 туп соғлом, 4 туп санитар ҳолатини йўқотган қайрағоч дарахтини таг қисмидан кесиб ташлагани аниқланди. Бунинг оқибатида у табиатга 32,4 млн зарар етказгани айтилмоқда. Унга нисбатан маъмурий иш қўзғатилиб, ҳужжатлар судга юборилди.
Энг кўп ўқилган хабарлар | Сўнгги янгиликлар
- Самарқандда 15 ёшли қиз она бўлгани юзасидан жиноят иши қўзғатилди
- Ўзбекистон вилоятларида кучли ёмғир ёғиб, тошқинлар юз берди — видео
- Ўзбекча YouTube — 2024 йил апрелида: «Активист» тугади, «Субъектив» кетди, «Лолазор» қайтди ва кимдир «Соққа» қилишни бошлади
- 3 йилдан бери ошмаганди — Мактабгача таълим агентлиги боғча тўлови ошгани ҳақида
- Россия Харьков вилоятига янги ҳужум бошлади. Нималар маълум?
Қўшимча имкониятларга эга булиш учун сайтда рўйхатдан ўтинг