«газ» тегли мақолалар
«Бу нотўғри маълумот». «Ўзбекнефтгаз» раҳбари — газ қазиб олишнинг пасайиши ҳақида
«Ўзбекнефтгаз» раҳбари Баҳодиржон Сидиқов, мамлакат расмий статистикасида акс эттирилганига қарамай, газ қазиб олиш камаймаяпти, деб ҳисоблайди. Ишлаб чиқаришнинг пасайиши ҳақида энергетика вазири гапирган, «Ўзбекнефтгаз» эса ишлаб чиқариш прогнозини пасайтирганди.
Туркманистон Ўзбекистонга 2 млрд куб метргача газ етказиб беради
Ўзбекистон Туркманистон билан йилига 2 млрд куб метргача туркман газини етказиб бериш бўйича шартнома имзолади. Томонлар, шунингдек, узоқ муддатли шартномалар устида ишламоқда, — деди Ўзбекистон Энергетика вазирлиги раҳбари Жўрабек Мирзамаҳмудов.
Ўзбекистон Хитойга газ етказиб бериш ҳажмини оширди
Ўзбекистон июль ойида Хитойга табиий газ экспортини оширди. Қиймат бўйича етказиб бериш ҳажми 91,4 млн долларга ўсди, бу июнь ойига нисбатан 7,2 фоизга кўп.
«Ўзбекнефтгаз» 2023 йилда 32,3 млрд куб метр газ қазиб олишни режалаштирмоқда.
Ўзбекистондаги энг йирик газ ишлаб чиқарувчи «Ўзбекнефтгаз» 2023 йил учун газ қазиб олиш прогнозини пасайтириш бўйича ўз прогнозларини қайта кўриб чиқди. Захираларнинг қисқариши ҳисобига ишлаб чиқариў ҳажми 32,3 млрд куб метрга етиши кутилмоқда.
Қозоғистон Ўзбекистонга 10 млрд куб метргача Россия газини етказиб беришни муҳокама қилмоқда
Қозоғистон ҳукумати Ўзбекистонга 1,5 млрд дан 10 млрд куб метргача Россия газини етказиб бериш масаласини муҳокама қилмоқда. «Ўзбекистон энергетика тизимининг ва Россиянинг тайёрлигига қараб таъминот ҳажмини янада ошириш мумкин», — деди Қозоғистон энергетика вазири.
На Россия, на Ўзбекистондан расмий таклифлар келиб тушгани йўқ — Қозоғистон уч томонлама газ иттифоқи ҳақида
Қозоғистон Энергетика вазирлиги уч томонлама газ иттифоқи тузилаётгани ҳақидаги хабарлар юзасидан берган изоҳида на Россия, на Ўзбекистон томонидан расмий таклифлар бўлмаганини маълум қилди. Аввалроқ Туркманистон бу борадаги хавотирларини билдирган эди.
Тошкентнинг айрим ҳудудларида газ ва иссиқ сув вақтинча ўчирилади
14 август куни соат 20:00 гача Тошкентнинг Шайхонтоҳур ва Учтепа туманларининг айрим жойларида газ, Шайхонтоҳур, Олмазор ва Чилонзор туманларининг баъзи ҳудудларида эса иссиқ сув ўчирилади.
Электр энергияси ва газ нархи ошиши 2023 йил учун инфляция прогнозида акс эттирилган — Марказий банк раиси ўринбосари
Ўзбекистонда электр энергияси, газ ва сув нархларининг либераллаштирилиши ва унинг нархлар ўсишига таъсири 2023 йил учун инфляция прогнозида назарда тутилган, деди Марказий банк раиси ўринбосари Беҳзод Ҳамроев.
Июлда 40 млрд сўмлик газ ва электрдан ноқонуний фойдаланилгани аниқланди
Ўзбекистонда июль ойида 28,2 млрд сўмлик табиий газ ва 11,8 млрд сўмлик электр энергиясидан ноқонуний фойдаланилгани маълум бўлди. Бундай ҳолатларнинг энг кўпи Андижон, Самарқанд, Навоий ва Тошкент вилоятларига тўғри келди.
Ўзбекистон газ қазиб олиш ҳажми камайганига қарамай, Хитойга газ экспортини оширмоқда
Ўзбекистон июнь ойида Хитойга табиий газ экспортини оширди. Қиймат жиҳатидан етказиб бериш 85,3 миллион долларга ошган, бу май ойига нисбатан 9,1 фоизга кўп. Аввалроқ мамлакатда газ қазиб олиш 2,51 миллиард куб метрга камайганини ёзгандик.
Газ қазиб олиш ўтган йилги кўрсаткичдан пастлигича қолмоқда, ой давомида электр ишлаб чиқариш камайган
Йилнинг биринчи ярмида Ўзбекистонда газ қазиб олиш ўтган йилнинг шу даврига нисбатан 9,6 фоизга ёки 2,51 млрд куб метрга қисқарди. Электр энергияси ишлаб чиқариш эса ўсди, лекин июнь ойида пасайиш қайд этилди. Нефть ишлаб чиқариш пасайишда давом этмоқда, бензин ишлаб чиқариш кескин ошган.
QazaqGaz октябрдан Ўзбекистонга Россия газини етказиб беришни бошламоқчи
Қозоғистоннинг QazaqGaz компанияси октябрь ойидан Ўзбекистонга Россия гази транзитини бошлашни режалаштирмоқда. Компания барча техник тадбирлар тасдиқланган жадвалга мувофиқ тўлиқ ҳажмда амалга оширилаётганини маълум қилди.
Энергетика вазири Ўзбекистон Россия гази учун қанча тўлашини очиқлай олмаслигини билдирди
Энергетика вазири Жўрабек Мирзамаҳмудов Ўзбекистон Россияга газ учун қанча тўлашини очиқлай олмаслиги, лекин миллий манфаатлар, бозор конъюнктурасидан келиб чиқиб, рақобатбардош нархлар белгиланганини таъкидлади.
Ўзбекистонда газ қазиб олиш пасайишда давом этмоқда, электр ишлаб чиқариш эса рекорд даражада ўсди
Ўзбекистонда 5 ой давомида газ қазиб олиш ўтган йилнинг шу даврига нисбатан 9,8 фоизга камайди. Кўрсаткич кетма-кет иккинчи ой пасаймоқда — май ойида у 11,2 фоизга камайганди. Май ойидаги электр энергияси ишлаб чиқариш рекорд даражадаги ўсишни қайд этди.
Россия Ўзбекистонга йилига 2,8 миллиард куб метр газ етказиб беради
Ўзбекистон Энергетика вазирлиги «Газпром» билан газ келишуви тафсилотларини эълон қилди. Ҳужжат икки йилга тузилган, етказиб бериш ҳажми кунига 9 миллион куб метрни, йиллик ҳажм деярли 2,8 миллиард куб метрни ташкил этади. Аввалроқ «Коммерсант» ҳажм бундан икки баравар кўпроқ бўлиши ҳақида ёзганди.
Россия газини Ўзбекистонга етказиб бериш 2023 йилнинг IV чорагидан бошланади
Ўзбекистон ҳукумати ва «Газпром» ўртасида Россия газини мамлакатга етказиб бериш бўйича шартнома, шунингдек, республика газ узатиш тизимини газни қабул қилишга тайёрлаш бўйича «йўл харитаси» имзоланди.
Қозоғистон 2024 йилда Россиядан Ўзбекистонга газ етказиб беришга тайёр бўлади
Қозоғистон энергетика вазири Алмасадам Саткалиевнинг айтишича, 2024 йилги куз-қиш мавсумида мамлакат инфратузилмаси Россия газини Ўзбекистонга транзит қилиш учун тайёр бўлади. Унинг сўзларига кўра, Ўзбекистон ва «Газпром» ўртасида газ ҳажми ҳамда нархи бўйича музокаралар ҳамон давом этмоқда.
«Техник масалалар бўйича ишлаяпмиз». Энергетика вазири — Россиядан Ўзбекистонга газ етказиб бериш ҳақида
Ўзбекистон ва Россия рус газини етказиб беришнинг тижорий шартларини фақат техник масалалар ҳал этилгандан кейингина муҳокама қила бошлайди, деди энергетика вазири Жўрабек Мирзамаҳмудов. Шунингдек, у ўзбек газини Хитойга етказиб бериш ишлари имзоланган шартномаларга кўра олиб борилаётганини айтди.
Ўзбекистонда газ, электр ва кўмир қазиб олиш 2022 йилги кўрсаткичлардан пастлигича қолмоқда
Январь-апрель ойларида Ўзбекистонда газ қазиб олиш ўтган йилнинг шу даврига нисбатан 9,5 фоизга, апрелда эса 8,1 фоизга камайди. 4 ой давомида электр энергияси ишлаб чиқариш ҳажми 4 фоизга, кўмир 7,4 фоизга тушди. Йил бошидан бери нефть қазиб олиш 4,3 фоизга ўсди, бироқ апрелда пасайиш кузатилди.
Россиядан Ўзбекистонга газ етказиб бериш учун «Ўрта Осиё-Марказ» газ қувури кўриб чиқилмоқда
Россиядан Ўзбекистонга газни «Ўрта Осиё-Марказ» (CAC) газ қувури орқали етказиб бериш режалаштирилмоқда, деди энергетика вазири Жўрабек Мирзамаҳмудов. Унинг сўзларига кўра, аввалроқ етказиб бериш учун кўриб чиқилган бошқа — «Бухоро-Урал» газ қувури эскиргани сабабли мос келмайди.
ЭНГ КЎП ЎҚИЛГАН ХАБАРЛАР
- «Антиструмин» иши бўйича уч шифокор аёл қамоққа олинди. Врачлар ассоциацияси президентга мурожаат йўллади
- Тошкентда «юқори мартабали номаълум шахслар» ташрифи ортидан Карим Бенземанинг қўриқчилари кўпайтирилди
- Миллий гвардия Тошкентда Jah Khalib концертига киришда юз берган тиқилинч ва тартибсизликларга изоҳ берди
- Қашқадарёда 14 ёшли қизни жинсий қулликда сақлашда айбланаётган аёл қамоққа олинди
- Тошкент ҳайвонот боғига жирафа ва зебралар олиб келинди (видео)
Қўшимча имкониятларга эга булиш учун сайтда рўйхатдан ўтинг