Жамият
Мактабларда якуний имтиҳонлар бекор қилинди
Халқ таълими вазири Шерзод Шерматов жорий йилда мактабларда якуний имтиҳонлар ўтказилмаслигини маълум қилди. Мактабларга ўқув йили давомидаги ўзлаштиришга қараб якуний баҳоларни қўйиш тавсия этилди.
Ўзбекистон яна 12 минг фуқарони хориждан қайтаради
Президент Шавкат Мирзиёев ҳозирги кунга қадар 39 минг нафар фуқаро мамлакатга қайтарилганини маълум қилди. Яна 12 минг нафар фуқаро ҳориждан қайтарилиши режалаштирилмоқда.
KOICA сув тошқинидан жабрланганларга ёрдам жўнатди
KOICA Сирдарё вилоятида сув тошқинидан жабрланганларга инсонпарварлик ёрдами юборди. Юк таркибидан шахсий гигиена воситалари, бирламчи маҳсулотлар ва болалар озуқлари ўрин олган.
Captiva ҳайдовчиси велосипедчининг ўлимига сабаб бўлди
Данғара туманида тўсатдан чапга қайрилган Captiva велосипедчининг ўлимига сабаб бўлди.
34 кишига COVID-19 юқтирган шифокорга очилган жиноят иши бекор қилинди
Бош прокуратура Самарқанд вилоятида 34 кишига коронавирус юқишига сабаб бўлган шифокорга нисбатан очилган жиноят ишини бекор қилиб, барча ҳолатлар тўлиқ текширилмасдан, шошма-шошарлик билан барвақт жиноят иши қўзғатилганини тан олди.
Йўловчилар учун COVID-19 тестини топшириш талаби бекор қилинди
Республика махсус комиссияси йўловчилар учун коронавирус тести натижалари «салбий» экани ҳақидаги маълумотнома талабини бекор қилди. Бунда карантин шароитида аҳолининг иқтисодий ҳолати ҳисобга олинди. Қолаверса, фуқароларнинг ҳудудлараро ҳаракатланишида ноқулайлик туғдирмаслик мақсадида ушбу қарор қабул қилинди.
Эҳтиёжманд оилаларга ажратилган 153,2 млн сўмлик хайрия пуллари талон-тарож қилинди
Оққўрғон туманида «Маҳалла» хайрия жамоат фонди ва «Саховат ва кўмак» жамғармасининг 153,2 млн сўмлик хайрия маблағларини талон-торож қилган шахсларга жиноят иши қўзғатилди.
3 нафар ўсмирни босиб юборган аёл 4 йилга озодликдан маҳрум этилди
Ўтган йилнинг ёзида Тошкентнинг Юнусобод туманида машинасида 3 ўсмирни уриб юбориб, улардан бирининг ўлимига сабаб бўлган аёл устидан суд жараёни якунланди. Ҳайдовчи Лариса Толмачева айбдор деб топилиб, тўрт йилга қамалди.
Ҳафта ўртасидан қуёшли ҳаво кузатилади
Душанба ва сешанба кунлари момақалдироқли ёмғир ёғиб, шамол тезлиги сониясига 28 метргача кучайиши мумкин. Ҳафта ўртасидан эса қуёшли ҳаво кузатилади ва ҳарорат +32…+35 даражагача кўтарилади.
Россиядаги ўзбекистонликларга 1,2 млн рубль ёрдам пули тарқатилди
Россияда бўлиб турган биринчи 202 нафар ўзбекистонликка 1,2 млн рубллик ёрдам пули тарқатилди.
Кучли шамол Хоразмда томларни учириб юборди
Кучли шамол Хоразмда ташкилотлар ва уйларнинг томларини учириб юборди. Дарахтлар ва электр тармоқларига ҳам зарар етди.
Прокуратура: Сардоба сув омбори бўйича 4 та асосий тергов тахмини мавжуд
Прокуратура Сардоба сув омбори тўғонининг бузилиши юзасидан олиб борилаётган жиноий иш бўйича 4 та асосий тергов тахминини текширмоқда. Улар — лойиҳалашдаги хатоликлар, қурилиш меъёрларига риоя этмаслик, эксплуатация жараёнидаги хатоликлар ва табиий офат тахминлари. Жами 170 нафардан зиёд киши сўроқ қилинди.
Сирдарёдаги сув тошқинида ҳалок бўлганлар сони 6 нафарни ташкил этмоқда
Сардоба сув омбори тўғони ўпирилиши натижасида юзага келган сув тошқинидан энг камида 6 киши қурбон бўлган, бир киши бедарак йўқолган.
Тўғоннинг лойиҳавий конструкцияси тупроқ ва тошли бўлгани маълум қилинди
Сардоба сув омбори тўғони лойиҳавий конструкциясидан келиб чиққан ҳолда тупроқ ва тошли бўлган. Бетон ва арматура эса фақатгина сув чиқиш жойида қўлланилган — сув хўжалиги вазири ўринбосари.
Россия ТИВ расмий вакилининг Ўзбекистонда давлат тили ҳақидаги фикрларига муносабат билдирилди
«Ўзбекистон расмий давлат тилига эга суверен мамлакат. Қолганлар ҳам шу суверенликни ҳурмат қилиши шарт», — Расул Кушербаев. Депутатлар Расул Кушербаев, Акмал Бурхонов ва бошқалар давлат тилида иш юритиш тўғрисидаги қонун лойиҳаси юзасидан Россия ТИВ расмий вакилининг фикрларига муносабат билдиришди.
Адвокат ёрдамидан воз кечиш жараёни видеоёзув орқали қайд этилиши шарт бўлди
Эндиликда гумон қилинувчи, айбланувчи ёки судланувчининг адвокат ёрдамидан воз кечиш, шунингдек, шахсни ушлаш ва тинтув қилиш жараёнлари видеоёзув орқали қайд этилиши шарт. Президент бу ҳақдаги қонунни имзолади.
Дам олиш кунлари ёмғир ёғиши мумкин
Дам олиш кунлари ёмғир ёғиб, момақалдироқ бўлиши ва шамол тезлиги сониясига 20 метргача кучайиши кутилмоқда. Ҳаво ҳарорати ўртача кўрсаткичлардан 3−6 даража паст бўлади.
«Ўзбекинвест» Сирдарё вилоятида жабр кўрган оилаларга хайрия ёрдамини йўллади ҳамда суғурта қопламаларини тўлашни бошлади
«Ўзбекинвест» миллий суғурта компанияси Сирдарё вилоятининг Сардоба, Мирзаобод, Оқ олтин туманларида сув тошқинидан жабр кўрган оилаларга 150 млн сўмлик хайрия ёрдамини юборди. Компания суғурта қопламаларини тўлаб беришни ҳам бошлади. Бунинг учун 5 млрд сўм миқдорида заҳира шакллантирилган.
ССВ 34 кишига COVID-19 юқтирган шифокорга жиноий иш қўзғатилганига норозилик билдирди
Соғлиқни сақлаш вазирлиги Самарқандда тиббиёт ходимининг 34 кишига коронавирус юқтиргани учун жиноий жавобгарликка тортилгани юзасидан норозилик билдирди. Вазирлик инфекция юқтирилган юзлаб ҳолатлардан фақатгина тиббиёт ходимига жиноят иши қўзғатилиши асоссиз эканини таъкидлади.
Шахсий автомобиллардан фойдаланиш учун енгилликлар киритилди
18 майдан бошлаб «сариқ» тоифадаги ҳудудларда соат 06:00 дан 22:00 га қадар шахсий автотранспортларда махсус рухсатномасиз ҳаракатланиш мумкин бўлади. «Қизил» тоифадаги ҳудудларда фақат белгиланган вақтда шахсий автомобилларда ҳаракатланиш мумкин. Бундан ташқари, шаҳарлар орасида баъзи авиақатновлар ва темир йўл қатновлари тикланишига рухсат берилди.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Фарғонада қўрқитиб қўйиш учун ёш болани машина юкхонасига қамаб қўйган шахсга жиноят иши қўзғатилди
- Табиий чанг — Тошкент ҳавоси ифлосланишининг асосий сабаби — Экология вазирлиги
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг