Tashkent city боғини хусусийлаштириш режалаштирилмоқда
Давактив Tashkent city боғини хусусийлаштиришни режалаштирмоқда. Боғни хусусийлаштириш ва фойдаланишга топшириш учун «мастер режа»ни ишлаб чиқиш билан шуғулланадиган компанияни танлаб олиш бўйича танлов эълон қилинди.
Ўзбекистонликларнинг табиий газ бўйича қарздорлиги 500 млрд сўмдан ошган
Ўзбекистон бўйлаб 1,2 миллиондан ортиқ истеъмолчининг табиий газдан фойдаланганлик учун 501,6 млрд сўм миқдоридаги дебиторлик қарздорлиги мавжудлиги маълум қилинди.
Термизда Афғонистон делегацияси билан музокаралар бошланди
Афғонистон муваққат ҳукумати раҳбари ўринбосари Абдул Салам Ҳанафий бошчилигидаги делегациянинг Термизга ташрифи кутилмоқда. Шанба куни у бош вазир ўринбосари Сардор Умурзоқов билан учрашади.
Ўзбекистон Афғонистондаги масжид портлатилишини қоралайди — ТИВ
15 октябрь куни Афғонистоннинг Қандаҳор вилоятидаги шиалар масжиди портлатилди. Натижада 60 дан ортиқ киши ҳалок бўлди, 68 киши жароҳатланди. Ўзбекистон ушбу террорчилик ҳаракатини кескин қоралади. «Бундай ғайриинсоний ҳужумлар вазиятнинг янада кескинлашувига олиб келади ва Афғонистонда узоқ муддатли тинчлик ўрнатилишига тўсқинлик қилади», — дейилади вазирлик баёнотида.
«Президент бўлсам, мигрантлар солиққа ҳеч қачон тортилмайди» — Шавкат Мирзиёев
ЎзЛиДеП номзоди ва амалдаги президент Шавкат Мирзиёев «Миллий тикланиш» партияси номзоди Алишер Қодировнинг мигрантларни солиққа тортиш ҳақидаги таклифини танқид қилиб, «бу солиққа тортиладиган даромад эмаслигини» айтди. «Ишонтириб айтмоқчиманки, агар мен шу юртда раҳбар бўлиб ишласам, улар ҳеч қачон солиққа тортилмайди… Ҳам ўзини, ҳам оиласини боқаётган юртдошларимизга, фақат раҳмат айтиш керак», — деди у.
Нима тайёрлаймиз: турк таомлари
Лахмажун, ясмиқли крем-шўрва, ревани ва симитлар, бурек ёки ёнғоқли пирог — Zira.uz турк ошхонасининг таомлари рецептлари рўйхатини тақдим этади.
Жаҳон янгиликлари дайжести
«Толибон»нинг Aфғонистонда ўрмонларни кесиш ва ёғоч контрабандасини тақиқлагани, Италияда ишчиларга мажбурий COVID-сертификатлари жорий этилгани, LinkedIn ижтимоий тармоғининг Хитойдаги фаолиятини тўхтатиши ва бошқа янгиликлар — «Газета.uz»нинг жаҳон янгиликлари дайжестида.
Ўзбекистонга коронавирус таҳлили учун кўчма лаборатория олиб келинди
Германия Ўзбекистонга коронавирусга ПЦР текширувини ўтказиш учун мобил лаборатория етказиб берди. Лаборатория қуввати бир кунда 1500 та таҳлил ўтказишга мўлжалланган. Ушбу лабораторияда коронавирусга бепул тест топшириш мумкин.
15 октябрь куни Ўзбекистонда содир бўлган энг муҳим хабарлар дайжести
Рустам Азимовнинг ОАВда чиқиш қилиши, Ўзбекистон Ҳуқуқ устуворлиги индексида 14 поғонага кўтарилиши, Safia асосчисининг президентга мурожаат қилиши — «Газета.uz»нинг 15 октябрдаги энг муҳим хабарлари дайжестида.
Давлат томонидан молиялаштириладиган стартаплар тасдиқланди
Инновацион ривожланиш вазирлиги ҳайъати қишлоқ хўжалиги, биология, тиббиёт, филология, IT ва бошқа соҳаларда 12 та стартап лойиҳасини маъқуллади. Улар орасида 1,2 млрд сўмлик Google ва «Яндекс» қидирув тизимлари учун ўзбек морфологияси дастурий анализаторини ишлаб чиқиш лойиҳаси ҳам бор.
ID-картага эга ҳайдовчилардан ҳайдовчилик гувоҳномасини кўрсатиш талаб этилмайди
Ҳукумат қарорига мувофиқ ҳайдовчининг ЙПХ инспекторига тақдим этилиши лозим бўлган ҳужжатлари ёнида бўлмаса улар махсус планшет қурилмаси ёрдамида идентификация ID-картаси орқали текширилади. Шунингдек, 2022 йил 1 февралгача суғурта шартномалари тўғрисидаги маълумотлар ягона ахборот тизимига тўлиқ киритилади.
Шавкат Мирзиёев МДҲ раҳбарлари кенгашининг юбилей мажлисида иштирок этди
Шавкат Мирзиёев МДҲ давлат раҳбарлари кенгашининг видеоанжуман шаклида ўтган юбилей мажлисида иштирок этди. Президент самарали минтақалараро ва трансқитъавий транспорт йўлаклари тизимини, шу жумладан юк ташиш тарифларини пасайтириш ва тартиботларини соддалаштириш орқали янада ривожлантириш заруриятига алоҳида эътибор қаратди. У афғон халқига инсонпарварлик ва иқтисодий ёрдамни давом эттириш мақсадга мувофиқ эканини ҳам таъкидлади.
Ўзбекистон Ҳуқуқ устуворлиги индексида 14 поғонага кўтарилди
World Justice Project ташкилоти 2021 йилги Ҳуқуқ устуворлиги индекси натижаларини эълон қилди. Тадқиқотлар COVID-19 пандемияси сабаб 74,2 фоиз мамлакатда ҳуқуқ устуворлиги кўрсаткичлари пасайганини кўрсатмоқда. Ўзбекистонга берилган баҳолар эса 4,1 фоизга ошди, натижада 139 та давлат орасида 85 ўринни эгаллади.
ACCA сертификатлари учун ўқиш ва имтиҳон харажатлари давлат томонидан қоплаб берилади
Молия вазирлиги ўқиш ва имтиҳон харажатлари қоплаб бериладиган бухгалтерия ҳисоби соҳасидаги халқаро ташкилотлар ва халқаро бухгалтер сертификатлари рўйхатини тасдиқлади. Улар орасига ACCA ва CIMA сертификатлари кирган. Шунингдек, кимнинг ўқиш ва имтиҳон харажати компенсация қилиниши маълум қилинди.
Долларнинг расмий курси кетма-кет уч кунлик ўсишдан сўнг пасайди
Долларнинг сўмга нисбатан расмий курси 5,63 сўмга пасайиб, 10 705 сўм этиб белгиланди. Шунингдек, евро курси ҳам пасайди, рубль курси эса кўтарилди.
2022 йилдан Болалар гематологияси, онкологияси ва клиник иммунологияси маркази мустақил фаолият юритади
2022 йилдан Болалар гематологияси, онкологияси ва клиник иммунологияси маркази Республика ихтисослаштирилган гематология илмий-амалий тиббиёт маркази таркибидан чиқарилади ва мустақил фаолият юритади. Беморларга Тошкентга темир йўл ва авиатранспорт келиш ҳаражатлари қоплаб берилади. Бунинг учун уларга имтиёзли йўлланма ёки ваучерлар берилади.
Термизга Афғонистон учун гуманитар юкнинг биринчи партияси етиб келди
Термиздаги логистика маркази Афғонистон учун мўлжалланган гуманитар ёрдамнинг биринчи партиясини қабул қилди. БМТ Қочқинлар масалалари бўйича бошқармаси томонидан юборилган юклар Мозори-Шарифга юк машиналарида етказилади. Биринчи юкнинг ҳажми 32 тоннани ташкил этган.
Ўзбекистонда Renault автомобиллари савдоси қачондан бошланиши маълум қилинди
Roodell компанияси Ўзбекистонда Renault автомобилларини ишлаб чиқариш ва сотишни ташкил этиш тафсилотларини маълум қилди. Биринчи автмобиль ноябрь ойидаёқ тайёр бўлади. Дастлаб сотувга иккита кроссовер, сўнгра йўлтанламас чиқарилади.
Рустам Азимов бош вазир ўринбосари лавозимидан кетганидан кейин биринчи марта ОАВда чиқиш қилди
Собиқ молия вазири, «Ўзбекинвест» компанияси раҳбари Рустам Азимов ЎзА учун мақоласида Ўзбекистонда сўнгги 5 йилда Шавкат Мирзиёев раҳбарлигида амалга оширилган ислоҳотлар ҳақида фикрлари билан бўлишди. Бу Азимовнинг 2017 йил июнда бош вазир ўринбосари лавозимидан кетганидан сўнг ОАВдаги биринчи чиқиши.
9 ой давомида боғчаларда 6,6 млрд сўм ноқонуний ўзлаштирилган
Январь-сентябрь ойларида Ўзбекистондаги боғчаларда 6,6 млрд сўмлик камомад ва ноқонуний ўзлаштириш ҳолатлари аниқланган. Шундан 2,4 млрд сўм маблағ ташкилотларда аслида ишламайдиган ходимлар номига ёзилган иш ҳақи бўлиб чиққан.
Қўшимча имкониятларга эга булиш учун сайтда рўйхатдан ўтинг