ФҲДЁ органларида блокчейн тизими қўлланилади
Давлат хизматлари агентлиги 2020 йилнинг якунига қадар «Фуқаролик ҳолати далолатномаларини ёзиш (ФҲДЁ) ягона электрон архиви» ахборот тизимини блокчейн технологиясига ўтказади. Бу тизим ахборот хавфсизлиги ва шаффофлигини таъминлаши ҳамда фирибгарликлар олдини олишга ёрдам бериши айтилмоқда.
Президент 258 кишини пандемияга қарши курашдаги ҳиссаси учун мукофотлади
Шавкат Мирзиёев 258 кишини коронавирус инфекцияси тарқалишини олдини олишга қўшган ҳиссаси учун мукофотлади. Мукофотланганлар орасида 6 нафар вафот этган тиббиёт ва бошқа соҳалар вакиллари ҳам бор.
Коронавирус ҳолатлари 19 мингга яқинлашди
Коронавирус беморлари сони 118 нафарга ортиб, жами 18986 кишини ташкил этмоқда. Янги ҳолатлар Тошкент шаҳрида, Қорақалпоғистонда, Самарқанд ва Тошкент вилоятларида қайд этилди. Шу билан бирга, яна бир коронавирус бемори вафот этди.
Кун давомида 489 та коронавирус ҳолати аниқланди
Ўзбекистонда 23 июль куни 489 та коронавирус ҳолати аниқланиб умумий кўрсаткич 18868 тага етди. Коронавирусдан вафот этганлар сони, ССВ статистикасига кўра, 102 (+4) нафарни ташкил этмоқда.
Бухоро вилоятида 50 та кислород концентратлари сотиб олинди. Уларнинг нархлари қанча?
Бухоро вилояти ҳокимлиги соғлиқни сақлаш бошқармаси учун 12 миллион сўмга 50 та кислород концентраторлари сотиб олинганлигини эълон қилди. Ижтимоий тармоқларда Alibaba сайтида қурилмаларни уч баравар арзонроқ сотиб олиш мумкинлигини пайқашди.
Тошкент вилоятида COVID-19 беморлари билан мулоқотда бўлганлар учун қўшимча жойлар тайёрланмоқда
Тошкент вилоятида коронавирусга чалинганлар билан мулоқотда бўлганлар учун сиҳатгоҳ, дам олиш масканлари, соғломлаштириш лагерлари, коллежлар ва лицейлар ётоқхоналарида қўшимча 12 мингдан зиёд захира ўрни тайёрланмоқда.
Ўзбекистон ўз мудофаа-саноат қувватларида Т-64 танкларини модернизация қилмоқда
Ўзбекистон Мудофаа вазирлиги қўшинлари ихтиёридаги Т-64 танклари мамлакат мудофаа-саноат мажмуаси корхоналарида Т-64MV даражасида модернизация қилинмоқда.
Цемент импорти тартиби соддалаштирилади
Ўзбекистонга цемент импорт қилиш ва уни эркин муомалага чиқариш тартиблари соддалаширилади. Шунингдек, 2020−2021 йилларда цемент ишлаб чиқариш бўйича 1,2 млрд долларлик 18 та лойиҳа ишга туширилади.
Пандемияни жиловлашда қатнашганлар фахрий унвон, орден ва медаллар билан мукофотланади
Президент Шавкат Мирзиёев пандемияни жиловлашда фидойилик кўрсатган бир гуруҳ шифокорлар, ИИВ, ФВВ, Мудофаа вазирлиги, Миллий гвардия ходимлари ва бошқаларни фахрий унвон, орден ва медаллар билан мукофотлаш тўғрисидаги фармонни имзолаганини маълум қилди.
Президент амалдаги карантин чекловларини узайтиришга розилик билдирди
Президент коронавирус юқтирилишининг олдини олиш, ўлим ҳолатларини кескин камайтириш мақсадида амалдаги карантин чекловларини узайтиришга розилик билдирди.
Аҳоли бандлиги жадал суръатларда олдинги даражаларга қайтмоқда
«Ўзбекистон фуқароларини тинглаш» лойиҳаси доирасида COVID-19 нинг ижтимоий-иқтисодий оқибатларини ўрганишга қаратилган тадқиқотга кўра, аҳоли бандлиги жадал суръатларда олдинги даражаларга қайтмоқда. Шунингдек, июнь ойида маҳаллий маҳсулотлар танқислиги камайди.
2020 йил бошидан буён маъмурий судлар қарийб 150 минг ишни кўриб чиқди
2020 йилнинг биринчи ярмида маъмурий судлар томонидан 150 мингга яқин иш кўриб чиқилди. Шулардан 120,5 минг нафар шахсга нисбатан жарима, махсус ҳуқуқдан маҳрум этиш, маъмурий қамоққа олиш ва Ўзбекистон ҳудудидан чиқариб юбориш каби маъмурий жазолар қўлланилган.
Яна 172 нафар кишида коронавурус аниқланди (жами — 18703)
Коронавирус беморлари сони 172 нафарга ортиб, жами 18703 кишини ташкил этмоқда. Янги ҳолатларнинг 84 нафари Сурхондарё вилоятида, 65 нафари Тошкент шаҳрида, 16 нафари Наманган вилоятида ҳамда 7 нафари Тошкент вилоятида аниқланди. Шу билан бирга, яна бир коронавирус бемори вафот этди.
Пандемия сабабли камбағаллар сони кўпайиб, бойлар сони камайди
Ўзбекистонда коронавирус пандемияси даврида камбағал уй хўжаликлари сони 8 фоиздан 21 фоизга кўпайган, ўртача ва юқори даромадли ўй хўжаликлари сони эса 13 фоизга камайган.
Андижонда Nexia-3 ва иккита Spark тўқнашуви натижасида 2 киши ҳалок бўлди
Андижонда Nexia-3 ва иккита Spark тўқнашуви натижасида биринчи Spark ҳайдовчиси ва унинг онаси воқеа жойида вафот этди.
Зангиота юқумли касалликлар шифохонасига ходимлар ишга қабул қилинади
Зангиота туманидаги юқумли касалликлар шифохонасига анестезиолог-реаниматолог, инфекционист, эпидемиолог ва бошқа мутахассислар ишга олинади. Икки ҳафталик иш фаолияти учун 10−25 млн сўмгача маош тўланади.
Ярим йилда Ўзбекистонга 1,2 млн чет эллик келди
Ярим йил давомида Ўзбекистонга 1,2 млн чет эл фуқароси ташриф буюрди. Улар сони 2019 йилнинг мос даврига нисбатан 60 фоизга камайган. Келганларнинг аксарияти МДҲ давлатлари фуқаролари бўлиб, улар карантин чекловлари ўрнатишидан олдин мамлакатга ташриф буюрган.
Асосий ставка йиллик 15 фоиз даражасида ўзгаришсиз қолдирилди
Марказий банк базавий ставкани йилига 15 фоиз даражасида ўзгаришсиз қолдирди. Йил охирида инфляция прогнози 11−12,5% даражасида сақлаб қолинди.
Туркманистон ЖСТ кузатувчисига айланди
Жаҳон савдо ташкилоти аъзолари Туркманистонга кузатувчи мақомини беришни қўллаб-қувватладилар. Туркманистон собиқ совет республикалари орасида ЖСТ билан расмий муносабатлар ўрнатган охирги мамлакатга айланди.
Хитой Марсга илк миссиясини бошлади
Хитой Марс сайёрасини ўрганиш учун Tianwen-1 зондини учирди. Сайёра юзасига чиқиш учун етти ой керак бўлади. Агар миссия режадагидек амалга оширилса, зонд 2021 йилда Ерга биринчи маълумотларни юборади.
Қўшимча имкониятларга эга булиш учун сайтда рўйхатдан ўтинг