Президент Тошкент ҳокими ва соғлиқни сақлаш вазирига ҳайфсан эълон қилди
Тошкент шаҳар ҳокими Жаҳонгир Ортиқхўжаевга ва соғлиқни сақлаш вазири Алишер Шодмоновга коронавирус тарқалишининг олдини олиш ва даволаш бўйича Тошкент шаҳридаги ишларни талаб даражасида ташкил этмагани учун ҳайфсан эълон қилинди. Соғлиқни сақлаш вазирлигига сўнгги ойда коронавирусни даволаш стратегияси ва тактикасини кескин бузганлиги таъкидланди.
ИИВ: Сирдарёдаги судья тез ёрдам машинасига йўл бермаган
Ички ишлар вазирлиги Сирдарё вилоятидаги ички ишлар органлари ходимлари ва судья билан боғлиқ вазиятда судьянинг тез ёрдам машинасига йўл бермаганлигини маълум қилиб, воқеа тасвирланган видеотасвирни эълон қилди.
Ўзбекистон Арманистон ва Озарбайжонни сабрли бўлиш ва музокараларга чақирди
Ташқи ишлар вазирлиги Арманистан ва Озарбайжон чегарасидаги тўқнашувлар бўйича баёнот билан чиқди. Ҳолатнинг кескинлашиши тинч аҳоли орасидаги қурбонлар бўлишига олиб келиши, иқтисодий алоқаларни бузиши ва минтақавий хавфсизликка зарар етказиши мумкинлиги сабабли Ўзбекистон томонларни ўта сабр-тоқатли бўлишга ва сиёсий-дипломатик музокаларга чақирди.
Коронавирус ҳолатлари 173 тага ошди (жами — 14466)
Ўзбекистонда яна 173 кишининг коронавирусга чалингани тасдиқланиб, жами ҳолатлар 14466 тага етди. Янги ҳолатлар карантин марказлари, Тошкент шаҳри, Наманган, Андижон, Қашқадарё ва Навоий вилоятларида қайд этилди.
37 ёшли пскентлик коронавирус бемори вафот этди
Коронавирус инфекциясига чалинган 37 ёшли пскентлик бемор (эркак киши) ўпка артерияси тромбоэмболияси, ўткир нафас ва ўпка-юрак етишмовчилигидан вафот этди. COVID-19 асоратларидан вафот этганлар сони 69 нафарга етди.
Фарғонада Nexia юк машинаси остида қолиб кетди, бир киши вафот этди
Фарғона вилоятининг Ўзбекистон туманида Nexia қаршидан келаётган SHACMAN юк машинасига урилди. Енгил автомобиль ҳайдовчиси воқеа жойида ҳалок бўлди.
Мансабдор шахслар давлатга 172,2 млрд сўм зарар етказгани аниқланди
2020 йили Бош прокуратура томонидан қўзғатилган жами 327 та жиноят иши бўйича 459 нафар мансабдор шахс жавобгарликка тортилди. Улар мамлакатга 172,2 млрд сўм миқдорида моддий зарар етказган. Энг кўп жиноятлар туман (шаҳар) даражасидаги ходимлар томонидан содир этилган.
Хитой АҚШнинг Гонконг тўғрисидаги қонунга қарши санкцияларига жавоб қайтаради
Дональд Трамп Гонконгда миллий хавфсизликни таъминлаш тўғрисидаги қонунни ишлаб чиқиш ва қабул қилишда қатнашган компаниялар ва шахсларга нисбатан чекловлар жорий этиш тўғрисидаги қонунни имзолади. Шундан сўнг Хитой АҚШга қарши жавоб санкцияларини қўллаши мумкинлиги билан огоҳлантирди.
Чирчиқда шифокорларнинг ёппасига иш ташлагани ҳақидаги хабарлар инкор этилди
Ижтимоий тармоқларда тарқалган Чирчиқдаги Тошкент вилояти юқумли касалликлар шифохонаси тиббий ходимларининг ёппасига иш ташлагани ва муассасанинг ёпилгани ҳақидаги хабарлар инкор этилди.
Жарқўрғонда суд ходимлари билан боғлиқ ҳолат юзасидан жиноят иши қўзғатилди
Жарқўрғонда судьяларнинг обрўсизлантирилиши ва суд ходимларининг калтакланиши юзасидан жиноят иши қўзғатилиб, тергов ҳаракатлари олиб борилмоқда.
Гулистон шаҳрига кириш блок-постида судьяга нисбатан куч ишлатилган
Гулистон шаҳрига киришдаги блок-постлардан бирида ИИБ ва Миллий гвардия ходимлари судьяга нисбатан куч ишлатиб, тан жароҳати етказишган. ИИБ ходимларининг хатти-ҳаракатлари юзасидан хизмат текшируви тайинланган.
Вафот этган икки нафар ИИВ ходимининг коронавирус билан касаллангани тасдиқланди
Вафот этган икки нафар ИИВ ходимларида коронавирус инфекцияси аниқланганини вазирлик матбуот котиби Шоҳруҳ Ғиёсов «Газета.uz» га тасдиқлади.
АҚШда онлайн таълим олаётган чет эллик талабалар депорт қилинмайдиган бўлди
АҚШ ҳукумати пандемия сабабли онлайн таълимга ўтган чет эллик талабалар учун визаларни бекор қилиш режаларидан воз кечди. Олдинроқ, Гарвард университети ва Массачусетс технология институти, шунингдек 17 штат ва Колумбия округи расмийлари Трамп маъмуриятининг ушбу қарори бўйича судга мурожаат қилишган эди.
Жисмоний шахслар томонидан хорижий валюта сотиб олиш 3 баробарга ошди
2020 йили биринчи ярмида жисмоний шахслар 2,2 млрд АҚШ долларига тенг чет эл валютасини сотган. Бу кўрсаткич ўтган йилга нисбатан 57 фоизга ошган. Шу билан бирга, жисмоний шахслар 2019 йилнинг мос даврига нисбатан 3 баробар кўпроқ чет эл валютасини сотиб олишган (2019 йили — $557 млн, 2020 йили — $1,7 млрд).
Шавкат Мирзиёев 1 млн долларлик венчур фонди ташкил этилишини эълон қилди
Президент Тадбиркорликни қўллаб-қувватлаш давлат фонди қошида венчур фонд ташкил этиш тўғрисида кўрсатма берди. Дастлаб унинг ҳажми 1 млн долларни ташкил этади. Ҳар бир вилоятдаги энг яхши стартап лойиҳаларига 50 млндан 200 млн сўмгача миқдорда грантлар ажратилади.
Акмал Бурҳонов Коррупцияга қарши курашиш агентлиги директори этиб тайинланди
«Юксалиш» умуммиллий ҳаракати раиси ва Қонунчилик палатаси депутати Акмал Бурҳонов янги ташкил этилган Коррупцияга қарши курашиш агентлиги директори этиб тайинланди. «Газета.uz» нинг ҳукуматдаги манбаси хабар беришича, у «Юксалиш» умуммиллий ҳаракати раиси лавозимини тарк этади.
Туризмни ривожлантириш қўмитасининг собиқ раҳбари вафот этди
Туризмни ривожлантириш давлат қўмитасининг биринчи раиси ва президент маслаҳатчисининг биринчи ўринбосари лавозимида хизмат қилган Анвар Шарапов вафот этди.
6G технологияси 2028 йилда пайдо бўлиши мумкин — Samsung
Samsung компанияси 6G алоқа технологияси 2028 йилда пайдо бўлиши ва 2030 йилга келиб оммалашишини тахмин қилмоқда. Янги алоқа технологиясининг максимал тезлиги — 1 000 Гигабит/с гача чиқиши мумкин.
Яна бир нафар коронавирус бемори вафот этди
Коронавирус инфекциясига чалинган 66 ёшли тошкентлик бемор (эркак киши) ўткир нафас, сурункали буйрак ҳамда ўпка-юрак етишмовчилигидан вафот этди. COVID-19 асоратларидан вафот этганлар сони 68 нафарга етди.
Коронавирус ҳолатлари 14,3 мингга яқинлашди
Коронавирус беморлари сони 208 нафарга ортиб, жами 14293 кишини ташкил этмоқда. Янги ҳолатлар Карантин марказида (75), Тошкент шаҳрида (71) ва Андижон вилоятида (62) қайд этилди.
Қўшимча имкониятларга эга булиш учун сайтда рўйхатдан ўтинг