Хитой ҳукумати 30 июнь куни Гонконгда миллий хавфсизликни таъминлаш тўғрисидаги қонунни қабул қилгач, 14 июль куни АҚШ президенти Дональд Трамп ушбу қонунни ишлаб чиқиш ва қабул қилишда қатнашган компаниялар ва шахсларга нисбатан чекловлар жорий этиш тўғрисидаги қонунни имзолади. Хитой бунга жавобан, Хитой АҚШга қарши жавоб санкцияларини қўллаши мумкинлиги билан огоҳлантирди. Бу ҳақда Хитой Ташқи ишлар вазирлигининг расмий вакили Хуа Чуньин маълум қилди, дея хабар берди Reuters.
«Биз АҚШ ҳукуматини зудлик билан ушбу қарорни бекор қилишга ва Хитой манфаатларига зарар етказадиган баёнотлар ва хатти-ҳаракатлар қилмасликка чақирамиз. Хитой ҳукумати бундан кейин вазиятдан келиб чиқиб бунга муносабат билдиради», — деди Хуа Чуньин.
Бундан ташқари, у Вашингтоннинг ҳаракатларини Гонконг ва Хитойнинг ички ишларига қўпол аралашув деб атади.
30 июнь куни Гонконгда Хитой ҳукумати томонидан қабул қилинган миллий хавфсизлик тўғрисидаги қонун кучга кирди. Ушбу қонун сепаратизм, терроризмнинг олдини олишга, давлат ҳокимиятига путур етказиш ва хорижий кучлар билан тил бириктиришга қарши чоралар кўришга қаратилган. Қонунни бузганлик учун энг оғир жазо сифатида умрбод қамоқ жазоси белгиланган.
14 июль куни АҚШ президенти Дональд Трамп имзолаган қарорда, шунингдек Гонконгни махсус маъмурий ҳудуд мақомидан маҳрум этилиши назарда тутилган. «Гонконгга энди Хитойга қандай мусобатда бўлган бўлсак, худди шундай муносабатда қилинади», — дея таъкидлади Дональд Трамп. У бу қарорга кўра Гонгконгга нисбатан олдин мавжуд бўлган имтиёзларни, алоҳида муҳим иқтисодий ва технология экспорти бўйича муносабатларнинг бекор қилинишини таъкиди.
Трампнинг сўзларига кўра, бу ўзгаришлардан сўнг Гонконг энди очиқ бозорда рақобат қила олмайди. «Биз келажакда етарли даражада катта бизнес ҳажмини тиклаймиз, чунки биз ҳозиргина битта рақобатчимиздан ҳалос бўлдик», — деди АҚШ президенти.
