Халқаро электралоқа иттифоқи келгуси йилда 6G концепциясини аниқлаш ишларини бошлаши керак, дейилади Samsung ҳисоботда.
Жанубий Корея компаниясининг ҳисоб-китобларига кўра ҳар бир янги авлод технологиясининг принцип ва техник стандартларини ишлаб чиқишга кетадиган вақт қисқартирилади. 3G технологиясини ривожлантириш учун 15 йил вақт керак бўлган бўлса, 5G учун — 8 йил. Samsung таъкидлашича, 6G учун янада камроқ вақт сарфланади.
Samsung таъкидлашича, янги алоқа технологиясининг максимал тезлиги — 1 000 Гигабит/с гача чиқиши мумкин.
6G нинг асосий фойдаланувчилари ҳам одамлар, ҳам машиналар бўлади. Бу технология иммерсив тўлдирилган реаллик (XR), юқори сифатли мобил голограмма ва рақамли репликация каби хизматларни амалга оширишда ёрдам бериши ҳам кутилмоқда. 6G нинг архитектура талаблари мобил қурилмаларнинг чекланган ҳисоблаш имкониятлари муаммосини ҳал қилишда ёрдам беради. Шунингдек, технология ривожланишининг дастлабки босқичи сунъий интеллектни қўллаш ва янги тармоқ объектларининг интеграциясини ҳам ўз ичига олади.
«5G технологияси тижоратлашуви ҳали бошланғич босқичда, аммо 6G га ҳозирданоқ тайёргарлик кўриш мумкин, чунки одатда тадқиқот бошланишиндан кейинги авлод технологиясини тижоратлаштиришгача 10 йил атрофида вақт керак бўлади. Биз, алоқа технологияларининг бир неча авлодлари ва, шу жумладан, 5G билан ишлаш тажрибасига таянган ҳолда, 6G технологиясини тадқиқ қилиш ва унинг устида ишлашни бошлаганмиз. Келгусида саноат, илм-фан ва ҳукуматнинг турли манфаатдор томонлари билан ҳамкорликда 6G технологиясини стандартлаштиришга эътибор қаратамиз», — деди Сунгхьюн Чой, компания алоқалар маркази раҳбари.
