«„Толибон“ раҳбарияти ҳам темир йўл лойиҳаси амалга ошишига астойдил розилигини билдиряпти» — президент
Шавкат Мирзиёев Ўзбекистон Афғонистон ҳукумати билан «Термиз — Мозори Шариф — Кобул — Пешовар» темир йўли қурилиши бўйича музокараларни давом эттираётганини маълум қилди. Унинг сўзларига кўра, «„Толибон“ раҳбарияти ҳам бу лойиҳа амалга ошишига астойдил розилигини билдиряпти». «Лекин улар бир муаммога дуч келишяпти — аксарият давлатлар уларни тан олмай туриб, бундай катта ишларни амалга ошира олмайди, ҳеч ким молиялаштирмайди», — дея қўшимча қилади президент
Ўзбекистонда коронавирусга қарши 5,2 млн киши тўлиқ эмланди
11 октябрда Ўзбекистон ҳудудлари бўйлаб 287 минг 400 доза COVID-19га қарши вакцина қўлланилди. Айни кунгача мамлакатда жами 22 млн 721 минг 129 доза вакцинадан фойдаланилди. Тўлиқ эмланган фуқаролар 5 млн 226 минг 139 нафарни ёки Ўзбекистон аҳолисининг 14,88 фоизини ташкил қилмоқда.
Товар ва хизматлар ҳақидаги маълумотларни давлат тилида кўрсатиш шарт этиб белгиланмоқда
Қонунчилик палатасининг навбатдаги мажлисида депутатлар товар ва хизматлар ҳақидаги маълумотларни давлат тилида тақдим этиш шартлиги акс этган қонун лойиҳасини маъқуллашди. Ҳужжат Сенатга юборилди.
Onix савдолари 2022 йил якунидан бошланади
UzAuto Motors Onix автомобилини сериялари ишлаб чиқариш синов тугагач бошланишини, сотувлар эса 2022 йилнинг охири — 2023 йил бошидан амалга оширилишини маълум қилди.
ЖССТ «чўзилган коронавирус» касаллигига таъриф берди
ЖССТ постковид синдромига расмий клиник таъриф берилганини маълум қилди. Коронавирус билан касалланганларнинг тахминан 10−20 фоизи ушбу синдромга чалинган.
Ҳудудларда 310 та янги автобус йўналишлари ташкил этилади
Ҳукумат 2022 йил охиригача Ўзбекистон ҳудудларида 310 та янги автобус автобус йўналишларини ташкил этишнинг мақсадли параметрларини тасдиқлади. Ташувчиларнинг зарар миқдори 30% гача бўлса субсидия ажратиш йўли билан қоплаб берилиши мумкин.
Ўзбекистон аҳолисининг меҳнатга лаёқатли қатлами 20 млндан ошди
Давлат статистика қўмитасининг маълумотларига кўра, Ўзбекистон аҳолисининг меҳнатга лаёқатли қатлами аҳоли умумий сонининг 57,8 фоизини, яъни 20 млн кишидан кўпроқни ташкил этмоқда. Меҳнатга ёшигача бўлганлар 31,1 фоиз, меҳнат ёшидан катталар эса 11,1 фоизга етган.
Тошкентда автомашинадан танасини чиқариб, операторлик қилган шахслар жазоланди
Тошкентда ҳаракатдаги автомобиль эшигига осилиб ва автомашина салонидан чиқиб операторлик қилган фуқароларга нисбатан маъмурий баённома расмийлаштирилди.
Мисдан олинадиган даромадларни кўпайтириш бўйича таклифлар илгари сурилди
Ўзбекистон мис маҳсулотларини сотишдан 2,5 миллиард доллар даромад олади, бу металнинг қарийб 60 фоизи хомашё сифатида экспорт қилинади. Электр транспорт воситалари ва электротехника ишлаб чиқаришни кўпайтириш ҳисобига 2030 йилга бориб глобал талабнинг 40 фоизга ўсиши кутилмоқда. Иқтисодий тараққиёт вазирлиги ОКМК мис кластери базасида электромобилларни қувватлаш шохобчалари ҳамда электромобиллар ва электр автобуслар ишлаб чиқаришни ўзлаштиришни тавсия қилди.
11 октябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг қашқадарёлик сайловчилар билан учрашуви, байрам кунлари якшанбага тўғри келса, душанбани ҳам дам олиш куни деб эълон қилиш таклиф этилиши, аҳолидан ортиқча ҳужжат талаб қилган 9 та вазирлик ва идора раҳбар ходимлари жавобгарликка тортилиши — «Газета.uz»нинг 11 октябрдаги энг муҳим хабарлари дайжестида.
Жаҳон янгиликлари дайжести
Австрияда янги канцлер тайинлангани, Россия ва Боливиядаги авиаҳалокатлар, Ливаннинг деярли 24 соатга электр таъминотидан узилгани ва бошқа янгиликлар — «Газета.uz»нинг жаҳон янгиликлари дайжестида.
Бокс. Шаҳрам Ғиёсов ва Ҳасанбой Дўсматов терма жамоага қайтишди
Сербияда бўлиб ўтадиган бокс бўйича жаҳон чемпионатида қатнашадиган Ўзбекистон терма жамоаси таркиби эълон қилинди. Якуний рўйхатда профессионал боксчилар Шаҳрам Ғиёсов ва Ҳасанбой Дўсматов ҳам бор.
Ўзбекистон Google компаниясидан олти марта контентни ўчиришни сўраган
Сўнгги 10 йил ичида Ўзбекистон давлат идоралари Google компаниясига контентни ўчириш бўйича 6 марта сўров юборган. Таққослаш учун: бу давр мобайнида Россия Googleга 123 мингдан ортиқ марта мурожаат қилган.
«Қамоқхоналарда қийноқ ҳолатларини деярли учратганим йўқ» — Омбудсман
Инсон ҳуқуқлари бўйича вакил Феруза Эшматова 9 ой ичида қамоқхоналарга 120 та мониторинг ташрифлари амалга оширилганини маълум қилди. Унинг айтишича, мониторинг давомида қамоқхоналарда «қийноқ ҳолатлари деярли учрамаган». «Шу пайтгача уларнинг ҳеч қайсисидан „мени бу қийнаяпти“, „урди“ ёки қанақадир „руҳий тазйиқ, босим, қийноқлар ўтказаяпти“ деган мурожаат бўлмади», — дейди омбудсман.
Байрам кунлари якшанбага тўғри келса, душанбани ҳам дам олиш куни деб эълон қилиш таклиф этилди
Депутатлар байрам муносабати билан дам олиш ишланмайдиган кунга тўғри келса, дам олиш кунини байрамдан кейинги кунга кўчиришни таклиф қилишди. Меҳнат кодексига киритилаётган ўзгартишларга кўра, қонунчиликда белгиланган байрам кунлари агар якшанба кунига тўғри келса, унда душанба куни дам олиш кунига қўшиб берилади.
Долларнинг расмий курси пасайди
Долларнинг сўмга нисбатан расмий курси 14,37 сўмга пасайиб, 10 666 сўм этиб белгиланди. Шунингдек, евро курси ҳам пасайди, рубль курси эса кўтарилди.
Иқтисодиёт бўйича Нобель мукофоти соҳиблари эълон қилинди
Иқтисодиёт бўйича 2021 йилги Нобель мукофоти америкалик иқтисодчиларга топширилди. Дэвид Кард «меҳнат иқтисодиётини ўрганишга», Жошуа Энгрист ва Гуидо Имбенс «сабаб-оқибат муносабатларини таҳлил қилишга» ҳисса қўшганликлари учун эътироф этилди.
Суд Гулистон тумани ҳокими ўринбосарини фирибгарликка суиқасд учун жаримага тортди
Суд апрель ойида 400 доллар олаётганда ушланган Гулистон тумани ҳокимининг собиқ ўринбосарини фирибгарликка суиқасдда айбдор деб топди. У 73,5 млн сўм миқдорида жаримага тортилди.
«Қашқадарё аҳолиси ҳалигача пахтани букилиб, қўл меҳнати билан теради» — Шавкат Мирзиёев
ЎзЛиДеПдан президентликка номзод Шавкат Мирзиёев қашқадарёликлар ҳалигача пахтани қўл меҳнати билан теришига эътибор қаратди. Номзод ўз дастурида кейинги беш йилда 40% қишлоқ хўжалиги техникаларини янгилаб, механизация даражасини 90%га етказиш режалаштирилганини таъкидлади. Шунингдек, у қишлоқ хўжалиги техникаси хариди учун субсидиялар кўламини ҳам кўпайтиришни таклиф қилди.
«Ягона мақсадимиз — Ўзбекистонга Афғонистондан ўқ отилмасин» — президент
Шавкат Мирзиёев ҳар куни унга Афғонистон билан чегарадаги вазият ҳақида маълумот беришларини маълум қилди. Унинг сўзларига кўра, Ўзбекистон жафокаш афғон халқига қўлидан келганча ёрдам беришга тайёр. «Бизнинг ягона мақсадимиз — Ўзбекистонга Афғонистондан ўқ отилмасин», — дея таъкидлади президент.
Қўшимча имкониятларга эга булиш учун сайтда рўйхатдан ўтинг