«Коммерсантъ»: Ўзбекистон Россия газини Туркия ва Хитойдан кўра арзонроққа сотиб олмоқда
2023 йили Ўзбекистон Россия табиий газини 1000 куб метри учун 160 доллардан сотиб олди, дея хабар бермоқда «Коммерсантъ». Бу нарх Туркия ва Хитойга сотилаётган Россия гази ўртача нархидан паст.
Бокуда ўзбек тўни, сўзанаси ва заргарлик буюмлари кўргазмаси бўлиб ўтади
17 март куни Бокудаги Ҳайдар Алиев марказида «Чоклардаги мерос: Ўзбекистон каштачилик ва тикувчилик анъаналари бўйлаб саёҳат» кўргазмаси очилади. Унда ХIХ аср охири — ХХ аср бошларига оид 150 га яқин амалий санъат намуналари намойиш этилади.
Ўзбекистонда 8 мартдан электр энергияси етказиб беришдаги чекловлар бекор қилинди — Энергетика вазирлиги
Энергетика вазирлиги газ босимининг нормаллашиши туфайли 8 мартдан бошлаб электр энергияси етказиб беришдаги чекловлар бекор қилинганини маълум қилди. Иссиқлик электр станциялари электр энергиясини ишлаб чиқариш учун кўпроқ газ ва камроқ кўмир ҳамда мазутдан фойдаланди.
Бухорода боласини бешикка боғлаганча калтаклаб келган аёлга нисбатан қўшимча айблов қўйилди
Шофиркон туманида салкам икки йил давомида боласини қийноққа солиб келган аёлга қасддан баданга оғир шикаст етказиш бўйича қўшимча айблов эълон қилинди. У фарзандини бешикка боғлаган ҳолда таёқ ва бошқа жисмлар билан калтаклаган.
Ҳафта давомида ҳарорат пасайиб, ёмғир ёғади
Ҳафта давомида беқарор об-ҳаво сақланиб туради, аксарият ҳудудларда ёмғир ёғади. Чоршанбадан республика ҳудудига совуқ ҳаво массалари кириб келади ва ҳарорат кечаси 0…+5, кундузи +3…+8 даражагача пасаяди. Жойларда шамол кучайиши, ёмғир қорга айланиши ҳам мумкин.
Бахтиёр Фазилов Gazli Gas Storage`нинг асосий бенефициари бўлиб қолмоқда — компания
Gazli Gas Storage компанияси Ўзбекистондаги энг йирик газ омбори бўлган «Газли»нинг оператори таъсисчилари ўзгарганига изоҳ берди. «Бахтиёр Фазилов реструктуризациядан кейин ҳам асосий бенефициар бўлиб қолмоқда. Компания ҳеч қачон санкция остидаги шахсларга тегишли бўлмаган», — дейилади баёнотда.
Artel Ўзбекистон Профессионал футбол лигасининг титул ҳомийига айланди
Artel Ўзбекистон Профессионал футбол лигасининг титул ҳомийлигини эълон қилиб, ва шу билан мамлакатда футбол ривожига ўз ҳиссани қўшиш истагини билдиради.
Комилжон Муллажанов Сайхунобод тумани ҳокими бўлди
Комилжон Муллажанов Сирдарё вилоятининг Сайхунобод туманига ҳоким бўлди. Шунингдек, Абдурахим Умаров вилоят ҳокимининг биринчи ўринбосари этиб тайинланди.
«Оскар» мукофоти ғолиблари эълон қилинди
АҚШда 96-Оскар тақдирлаш маросими бўлиб ўтди. Энг яхши фильм номинациясида кутилганидек «Оппенҳаймер» ғолиб бўлди. Энг яхши актёр Киллиан Мёрфи бўлган бўлса, энг яхши актриса деб Эмма Стоун топилди. Ғолиблар рўйхатини тақдим этамиз.
АҚШда ўзбекистонлик эркак хотинини пичоқлади, полиция уни отиб ўлдирди
Нью-Йорк шаҳрида ўзбекистонлик эркак хотинини пичоқлади. У полициянинг пичоқни ташлаш тўғрисидаги талабига бўйсунмагач, отиб ўлдирилди. Аёл ҳозирда шифохонада ва у эрининг вафотидан хабардор эмас.
Тошкентдан Самарқанд ва Қаршига қўшимча «Афросиёб» поездлари қатнови йўлга қўйилади
Наврўз байрами арафасида Тошкентдан Самарқанд ва Қарши шаҳарларига «Афросиёб» электропоездининг қўшимча қатновлари амалга оширилади.
Тошкентда таровеҳ намози вақтида бир қанча кўчалар ёпилади
Тошкент шаҳрида 10 мартдан бошлаб таровеҳ намози ўқиладиган вақтда — соат 19:00 дан 00:00 га қадар масжидлар яқинидаги йўллар ёпилади. Рўйхат.
Фарғона вилояти ҳокими кўлни хусусий корхонага бериш ҳақидаги қарорини бекор қилди
Фарғона вилояти ҳокими Хайрулла Бозоров «Ёшлар кўли» ҳудудини кўп қаватли уй, меҳмонхона, ресторан ва савдо мажмуаси қуриш учун хусусий корхонага бериш тўғрисидаги қарорини бекор қилди.
Нодирбек Абдусатторов Прагада ғалаба қозониб, дунёнинг тўртинчи шахматчисига айланди. Энди уни нима кутмоқда?
Ўзбекистонлик шахматчи Нодирбек Абдусатторов Прагадаги супертурнирда муддатидан аввал ғолиб чиқди ва онлайн рейтингда дунёнинг энг кучли шахматчилари орасида 4-ўринни эгаллади. Шахмат мураббийи Георгий Шванов ушбу муваффақият ва у очаётган имкониятлар ҳақида сўз юритди.
Боксчи Исроил Мадримов Магомед Қурбоновни мағлуб этиб, WBA чемпионлик унвонини қўлга киритди (+видео)
Ўзбекистонлик профессионал боксчи Исроил Мадримов илгари мағлубиятга учрамаган россиялик Магомед Қурбоновни муддатидан олдин мағлубиятга учратиб, WBA чемпиони унвонини қўлга киритди. Мадримов ўрта вазн тоифасида бошқа кучли боксчилар ва жаҳон чемпионлари билан бокс ўтказишга тайёрлигини билдирди.
Ўзбекистонда энди фарзанд туғилгандаги суюнчи пули ҳаммага ҳам берилмайди
Ўзбекистонда 1 апрелдан бошлаб фарзанд туғилганда бериладиган бир марталик нафақа пули биринчи фарзанд учун барчага, иккинчи фарзанд учун эса фарзанд туғилган пайтда «Ижтимоий ҳимоя ягона реестри»га киритилган оиланинг аъзоси бўлган аёлларга расмийлаштирилади.
USAID Ўзбекистонда 17,7 млн долларлик «Бизнесни қўллаб-қувватлаш» лойиҳасини ишга туширди
USAID Ўзбекистонда 5 йилга мўлжалланган «Бизнесни қўллаб-қувватлаш» лойиҳасини бошлади. 17,7 млн долларлик ушбу лойиҳа барқарор ва инклюзив иқтисодий ўсишни рағбатлантиришга қаратилган. Дастур доирасида АКТ, туризм, текстил ва яшил иқтисодиётга оид лойиҳаларга грант маблағлари ажратилади.
Ойбек Шахавдинов Ўзбекистоннинг Венгриядаги элчиси этиб тайинланди
Ойбек Шахавдинов Ўзбекистоннинг қароргоҳи Будапешт шаҳрида жойлашган Венгриядаги биринчи элчиси бўлди. Бунгача Ўзбекистоннинг Австриядаги элчиси, бир вақтнинг ўзида Венгриядаги элчиси ҳам бўлган.
Танзила Нарбаева бошчилигидаги махсус комиссия хотин-қизларни иш билан таъминлаш масалалари билан шуғулланади
Сенат раиси бошчилигидаги махсус комиссия хотин-қизлар ўртасида тадбиркорликни ривожлантириш ва бандликни таъминлаш бўйича йил давомида «фавқулодда ҳолат» режимида ишлайди. ССП, Бизнесни ривожлантириш банки ва Микрокредитбанкда раиснинг аёллар тадбиркорлиги бўйича ўринбосарлари иш бошлайди.
Гулистонда йигит мактабга Миллий гвардиянинг қалбаки гувоҳномаси билан киришга уринди
Гулистонда 11-синф ўқувчиси Миллий гвардия ходимининг қалбаки гувоҳномаси билан бегона мактабга кирмоқчи бўлди. Ундан сохта ҳужжатни топшириш сўралганда, қаршилик кўрсатди. Шаҳар прокуратураси у нима учун мактабга кирмоқчи бўлганини ўрганмоқда.
Қўшимча имкониятларга эга булиш учун сайтда рўйхатдан ўтинг