Ўзбекистон ички ишлар вазирининг биринчи ўринбосари — ИИВ Тезкор-қидирув департаменти бошлиғи лавозимида ишлаб келган Шуҳратжон Собиров «Интерпол» Миллий марказий бюроси директори бўлди.
Мактабгача ва мактаб таълими вазирлиги ўқитувчи ва ота-оналар учун муаммо ҳамда таклифларни йўллашда платформа — вазирга мурожаат порталини ишга туширди. «Мазкур таклиф ва ташаббусларни шахсан ўзим назорат қиламан», — дейди Ҳилола Умарова.
Фарғона шаҳрида 3 киши ис газидан заҳарланиб, уларнинг 2 нафари вафот этди. Терговга қадар текширув ҳаракатлари ўтказилмоқда.
Пойтахтда 5 март куни «Хавфсиз ҳаёт учун» акцияси доирасида юриш марафони ўтказилади. Шу сабабли айрим кўчалар автотранспорт ҳаракати учун ёпилади.
Марҳамат туманидаги «Келажак нури» кутубхонаси электрдан қарздорлиги кўпайиб кетгани учун ёпилгани айтилганди. Ҳокимлик вақтинча ёпилишга ёғингарчилик сабабли бино томи таъмирталаб ҳолга келгани, ҳозирда ишлар олиб борилаётганини маълум қилди.
Ғиждувон туманида автомобилларга газ қуйиш компрессор шохобчаларининг 3 тасида табиий газ талон-торож қилингани айтилмоқда. Оқибатда давлат манфаатларига 11,8 млрд сўм зарар етказилган. Мансабдорларга нисбатан жиноят иши қўзғатилди.
Туркманистонда президент номидан 8 март совғаси сифатида хотин-қизларга 60 манатдан пул берилади. Бу давлат курси бўйича 17 доллар, «қора бозор»да эса 3 доллар дегани. Боғча тарбияланувчиларига биринчилардан бўлиб президент совғасини топшириш бошланган.
Ижтимоий тармоқ фаоли Эмине-Лемара Мирзааҳмедова ҳибсга олинди. Тошкент вилояти ИИББга кўра, унга нисбатан иккита модда доирасида жиноят иши қўзғатилган. Жиноят ишига блогерлик фаолиятининг алоқаси йўқ, унга тегишли қурилиш фирмасида бюджет маблағлари талон-торож қилинган, дейилади хабарда.
«Ҳудудий электр тармоқлари» АЖнинг Самарқанд ҳудудий филиали юристи шу ерда директор ўринбосари сифатида ишловчи аёлни тўшакка таклиф қилгани, рози бўлмаса, унга қарши жиноят иши очиш билан қўрқитгани айтилмоқда. Вилоят ҳокими ўтказган йиғилишда юрист ишдан олинди. Аёлнинг мурожаати ўрганилмоқда.
Исмалоқ ва қўзиқоринли шўрва, қатлама хамирдан пиширилган кўк сомса, кўк пиёз ва тухумли қуйма пирог, исмалоқли туркча оладя ва бошқалар — Zira.uz баҳорий мавсумга мос кўкатли таомлар рўйхатини тақдим этади.
Март ойидаги байрамлар муносабати билан Тошкент — Андижон йўналишида 4 та қўшимча поезд ҳаракати йўлга қўйилади.
Журналистлар ва жамоат фаоллари Ўзбекистон президентига «яширин, лекин кучли цензура» юзасидан мурожаат қилишди. Мурожаат муаллифлари давлат раҳбаридан матбуотнинг том маънодаги мустақиллигини таъминлашда тарихий ёрдам беришини сўрашди.
Тошкентнинг ИИББ ота-оналарни ўсмирлар ўртасида кенг тарқалаётган «Рёдан» аниме ишқибозлари ҳаракатидан огоҳлантирди. Хабарда айтилишича, болаларнинг аниме ва мангага бўлган қизиқишини қоралаб бўлмайди. Лекин бу қизиқиши туфайли номаълум шахслар таъсирига тушиб қолмаслигига ишонч ҳосил қилиш керак.
Ўзбекистон ва Қозоғистон ҳуқуқ-тартибот идоралари жамоат тартибини таъминлаш ва тартибсизликларга қарши курашиш бўйича Беларусь тажрибасини ўрганди, дея маълум қилди Беларусь ички ишлар вазири Иван Кубраков.
Тошкентда лочин ва бошқа ҳайвонларнинг ноёб турларини генетик идентификациялаш учун ДНК лабораторияси яратилмоқда. Бу уларнинг ноқонуний айланишининг олдини олади ва қўшимча равишда мамлакатдаги фауна ҳолатини кўрсатади.
Ўзбекистон ва Қозоғистон президентининг норасмий учрашуви, ногиронларни навбатсиз қабул қиладиган амалдорлар, Тошкентга янги автобуслар ва электробуслар, сел ва қор кўчиши хавфи, Ўзбекистоннинг янги АҚШдаги элчиси, IELTS`дан 9 балл олган 2 ўзбекистонлик ва бошқалар — «Газета.uz»нинг кун дайжестида.
Ўзбекистон маданият ва туризм вазири Озодбек Назарбеков тадбиркорлар меҳмонхоналар интеръер ва дизайнларига миллийлик ва ўзлик акс этган деталларни киритишлари лозим, деб ҳисоблайди.
Ўзбекистон ва Қозоғистон президентлари Чимкентдаги норасмий учрашувда икки давлат ўртасида саноат, энергетика, қишлоқ хўжалиги, транспорт ва логистика соҳаларида ҳамкорликни чуқурлаштириш бўйича кўрсатмалар бердилар.
Ҳиндистон полицияси Ўзбекистонда 20 нафар боланинг ўлимига сабабчи бўлган «Док-1 Макс» йўталга қарши сиропини ишлаб чиқарган Marion Biotech фармацевтика компанияси ходимларини ҳибсга олди.
12 март куни V Tashkent International Marathon ва Ўзбекистоннинг 14 та шаҳрида бир вақтда «Янги нафас» оммавий югуриш мусобақаси ўтказилиши режалаштирилмоқда.
Қўшимча имкониятларга эга булиш учун сайтда рўйхатдан ўтинг