«Ўзбек томони шусиз ҳам Ўзбекистонга оқиб турган сувни қандай олишининг Қирғизистонга фарқи йўқ», дея маълум қилди мамлакат президенти Садир Жапаров. У Фарғонага Кампиробод сув омборидан сув қувури ётқизиш режалаштирилаётгани ҳақидаги хабарларга шундай изоҳ берди.
Президентнинг Германияга ташрифи арафасида Ўзбекистоннинг янги элчиси Дилшод Ахатов ушбу мамлакатга етиб борди. У аввал Ҳиндистонда элчи бўлиб ишлаган.
Берлинда Марказий Осиё давлатлари ва Германия давлат раҳбарларининг музокаралари бўлиб ўтади. Уларда Ўзбекистон президенти ҳам иштирок этади.
Блогер Фарҳод Маннопов вафоти бўйича жиноят иши судга юборилгани, «Док-1 Макс» ишининг суд тафсилотлари, «Антиструмин» дориси мавзусига чуқур кирмасликни маслаҳат берган ССВ раҳбари, Ватанга муҳаббат ҳақида гапирган президент, «маҳалла еттилиги» дастури ва бошқалар — «Газета.uz»нинг кун дайжестида.
«Док-1 Макс» иши бўйича айбланувчилардан бири суд мажлисидаги нутқини марҳум 65 нафар боланинг оила аъзоларига ҳамдардлик билдиришдан бошлади. У пора олди-бердисида воситачилик қилганини тан олди ва ҳинд ишлаб чиқарувчисидан бошлиғига 33 минг долларни қандай етказиб берганини айтиб берди.
Ўзбекистон транспорт вазири ўринбосари ҳамда Майами халқаро аэропорти (АҚШ) маркетинг бўйича директори Тошкент ва Майами аэропортлари ўртасида мунтазам қатновларни амалга ошириш истиқболларини муҳокама қилди.
Сенатнинг 45-ялпи мажлисида фармацевтика фаолиятини такомиллаштириш, шунингдек, педогогнинг мақоми ва ер тўғрисидаги қонунлар кўриб чиқилади. Сенаторлар Қуролли кучлар тизимида қонунийликни таъминлаш ҳамда омбудсман ўринбосарини сайлаш ҳақидаги қонунларни ҳам муҳокама қилади.
Ички ишлар вазирлиги жиноят содир этган, жиноят қилиши мумкин бўлган ҳамда назоратсиз ва қаровсиз қолган вояга етмаганларнинг рўйхатини шакллантириши мумкин. Буни назарда тутувчи қарор лойиҳасида тарбияси оғир ўсмирларни мутасаддилар томонидан оталиққа олиш тартибини жорий этиш ҳам белгиланган.
Блогер Фарҳод Манноповнинг вафоти билан боғлиқ жиноят иши айблов хулосаси билан судга юборилди. Жиноят иши доирасида 2 нафар шахсга нисбатан айб эълон қилинган.
Тошкентда Ўзбекистон, АҚШ, Покистон, Туркманистон, Қозоғистон, Қирғизистон ва Тожикистон бош штаблари бошлиқлари минтақавий хавфсизлик ва терроризмга қарши кураш масалаларини муҳокама қилди.
Учқудуқ туманида Nexia ҳайдовчиси қарама-қарши йўлга чиқиб кетиб, бошқа Nexia билан тўқнашди. Уч нафар йўловчи ҳалок бўлган, иккала ҳайдовчи ҳам жароҳатлар билан шифохонага ётқизилган.
Ўзбекистонда 100 минг нафардан кам бўлмаган фуқаролар, Сенат, Омбудсман ва Марказий сайлов комиссиясига қонунчилик таклифларини Қонунчилик палатасига киритиш ҳуқуқи берилиши мумкин.
Ўзбекистонда октябрь ойининг биринчи ҳафтасида ҳарорат +23…+28 даража атрофида бўлади, сўнгра +13…+18 даражагача пасаяди. Кечаси ва эрталаб ҳарорат 0…-3 даражагача тушиши ҳам мумкин. Ёмғир 4 кундан 8 кунгача кузатилади, қисқа муддатга қорга айланиши эҳтимоли бор.
«Еттилик»га айланган «маҳалла бешлиги» тизими «эшитувчи давлат» концепциясини ҳаётга татбиқ этиш мақсадида яратилган, — деди Шавкат Мирзиёев. «Одамларнинг бизга берган ишончини оқлаймиз десак, бизни битта нарса қутқаради — садоқат, ватанга муҳаббат ва фидойилик».
Ўзбекистоннинг Истанбулдаги бош консулхонаси Туркиядаги ўзбекистонлик аёлларни тунги кафеларда консоматрислик билан шуғулланмасликка чақириб, бу иш мамлакатдан депорт қилинишга сабаб бўлишидан огоҳлантирди.
Ўтган ҳафтада UzAuto Motors ўз автомобиллари учун шартномаларни қайта очди. Икки соат ичида 28 минг автомобиль учун ариза топширилди. Бироқ шартномалар фақат автосалонларда тузилди, бу эса яна узун навбатларни юзага келтирди. Компания бу қарорини олибсотарларга қарши кураш билан изоҳлади.
Ўзбекистонда 2023/2024 ўқув йилидан бошлаб бакалавриат, магистратура ва клиник ординатура босқичлари талабаларининг назарий ҳамда амалий билим-кўникмалари инсон омилисиз, махсус робот-симуляторлар орқали баҳоланади.
Маҳаллаларнинг бошқарув ходимлари сони солиқчи ва ижтимоий ходим қўшилиши ҳисобига 5 тадан 7 тага кўпайди. Маҳалланинг ўзида 70 дан ортиқ масала, жумладан, моддий ёрдам ва кредитлар ҳал этилади. Тизим эса тўлиқ рақамлаштирилади. Шунингдек, маҳалла раисининг ваколатлари кенгаяди.
Дунёдаги ядровий таҳдид геосиёсий рақобат туфайли совуқ уруш даражасига етди, деди БМТ бош котиби Антониу Гутерриш. У халқаро ҳамжамиятни ядровий қуролларни йўқ қилишга ва уни тарқатмаслик режимини кучайтиришга чақирди.
Ўзбекистон Соғлиқни сақлаш вазирлиги Samo компаниясидан тендерсиз 3,55 млн қути «Антиструмин» (калий йодид) препаратини қарийб 22 млрд сўмга сотиб олган. 2022 йилда дорининг бир қадоғи 5500 сўмдан харид қилинган бўлса, жорий йилда 6500 сўмдан сотиб олинган. Чакана савдода эса 3000 сўмдан сотилган.
Қўшимча имкониятларга эга булиш учун сайтда рўйхатдан ўтинг