Олтин унцияси нархи рекорд даражага кўтарилди. Reuters маълумотларига кўра, олтин унциясининг нархи сешанба кунги котировкаларда 2009,13 доллардан ошган.
Мутахассислар фикрига кўра, олтин нархи ўсишда давом этади. Олтин нархи ўсишининг асосий сабаби сифатида АҚШ облигациялари бўйича салбий даромадларнинг ошиши кўрсатилмоқда.
Июльнинг иккинчи ярмидан кейин олтин нархи 11 фоизга, йил бошидан эса 33 фоизга ошган.
Капитал бозорини ривожлантириш агентлиги директори Отабек Назировнинг фикрига кўра, олтин-валюта захирасини сотиш мамлакат иқтисодиётини қутқариш ва ишсизлар сони ортишининг олдини олишга ёдам беради.
«Олтин нархи ҳозир чўққисида, иқтисодий фаоллик эса жуда паст, ўйлайманки айнан ҳозир олтин-валюта захираларини сотиш ва ундан тушган маблағларни иқтисодиётни кейинги пасайишдан ва ишсизлар сонининг кўпайишидан қутқаришга сарфлаш керак», — дея ўз фикрини билдирган Отабек Назиров Facebook даги саҳифасида.
Эслатиб ўтамиз, январь-июнь ойларида Ўзбекистон томонидан олтин энг кўп экспорт қилинган (31,9 фоиз). Мамлакат олтин-валюта захиралари ҳажми эса йил бошидан бери 11 фоизга ошиб, 32,331 млрд АҚШ долларига тенг бўлди.
