Иқтисодиёт
UzAuto Trailer компанияси эълон қилган мега акция тугашига оз қолди
UzAuto Trailer компанияси «КАМАЗ» билан ҳамкорликда эълон қилган мега акция тугашига оз қолди. 1 августга қадар катта чегирма билан «КАМАЗ» русумли юк ташувчи автомашинасини харид қилган акция иштирокчиларига сервис харажатлари ва бонуслар тақдим этилади.
Наманганда Changan кичик юк автомобиллари ишлаб чиқарилади
Чуст туманида жойлашган «Наманган» эркин иқтисодий зонасида Хитойнинг Сhangan бренди остида кичик юк автомобиллари ишлаб чиқариш лойиҳаси бошланди. Жами 5,8 млн доллар миқдорида инвестиция жалб қилинаётган лойиҳа доирасида ишлаб чиқариш жараёни 2021 йилнинг биринчи чорагида бошланиши кутилмоқда.
Ўзбекистонда енгил зирҳли автомобил ишлаб чиқарилмоқда
Давлат мудофаа саноати қўмитаси TARLON (4×4) русумли енгил зирҳли автомобилнинг тажриба намунасини ишлаб чиқарди. Автомобил 9 кишини сиғдириб, 7 дона ўқ отиш туйнукларига эга.
Январь-июнь ойларида Ўзбекистонга 4,8 млрд доллар хорижий инвестициялар киритилган
Январь-июнь ойларида Ўзбекистон умумий ҳажми 4,8 млрд доллар хорижий инвестициялар жалб қилди, бундан 3,2 млрд доллари тўғридан-тўғри хорижий инвестицияларга тўғри келди. Инвестициялар киритиш бўйича Россия, Хитой, Германия ва Туркия етакчилик қилди. Иқтисодчи Беҳзод Хошимов тўғридан-тўғри хорижий инвестициялар ҳажми ХВЖ прогнозидан 4,2 баробар юқори бўлганига эътибор қаратди.
Ўзбекистон ташқи савдо айланмаси ҳажми 18,2 фоизга камайди
2020 йилнинг биринчи ярмида Ўзбекистоннинг ташқи савдо айланмаси 15,8 млрд долларни ташкил этиб, ўтган йилнинг мос даврига нисбатан 18,2 фоизга пасайди. Жумладан, экспорт — 22,6 фоизга, импорт — 15 фоизга камайди.
Қувайт Ўзбекистонга тиббиёт муассасаларини жиҳозлашга 5,6 млн доллар ажратади
Қувайт жамғармаси Ўзбекистон тиббиёт муассасаларини коронавирусга қарши курашда зарур асбоб-ускуналар билан жиҳозлаш учун 5,6 млн доллар ажратишни маъқуллади.
Бизнес ва аҳолини қўллаб-қувватлаш тўғрисидаги янги фармон имзоланди
Президент фармони билан солиқ имтиёзлари ва преференциялари муддатлари узайтирилди, умумий овқатланиш соҳаси ва ижара берувчилар айланмадан олинадиган солиқдан озод қилинди, уларга бошқа енгилликлар ҳам берилди.
Қишлоқ хўжалиги вазири — уни судга берган Sulton Tex Group атрофидаги вазият ҳақида
Қишлоқ хўжалиги вазири Жамшид Ходжаев уни ва ҳукуматнинг бошқа аъзоларини судга берган Sulton Tex Group корхонаси атрофидаги вазиятга изоҳ берди. Вазир фермерлар манфаати йирик корхоналар манфаати каби муҳим эканини таъкидлади. Шу билан бирга, ишлаб чиқаришнинг кластер шаклида барча иштирокчиларнинг ҳуқуқ ва мажбуриятларини белгилаб берувчи норматив-ҳуқуқий ҳужжатлар ҳалигача мавжуд эмаслигини тан олди.
Долларнинг расмий курси яна кўтарилди
Долларнинг расмий курси 15 сўмга қимматлаб, жами 10 210 сўм этиб белгиланди. Евро курси деярли 148 сўмга кўтарилди, рубль курси эса деярли 2 сўмга (142 сўм) арзонлашди. АҚШ миллий валютасини қимматлашиши бешинчи ҳафта кузатилмоқда.
Ўзбекистонда июнь ойида энг кўп «Cobalt» автомобили ишлаб чиқарилди
Ўзбекистонда сўнгги 6 ойда деярли 38 минг та «Cobalt» автомобили ишлаб чиқарилди. Бу кўрсаткич ўтган йилнинг шу даврига нисбатан 154,2 фоизга ўсган. Июнь ойининг ўзида 7557 та «Cobalt» ишлаб чиқарилган.
Инқирозга қарши курашиш жамғармасининг даромад ва харажатлари маълум қилинди
Инқирозга қарши курашиш жамғармаси ҳисобига 7,44 трлн сўм келиб тушди, жамғарма харажатлари эса 6,4 трлн сўмга тенг бўлди. Энг кўп маблағ — 2,2 трлн сўм ижтимоий соҳага йўналтирилди.
Хоразмда инжиниринг компанияси ходимларининг 2,7 млрд сўмни ўзлаштиргани аниқланди
Хоразм вилоятида «Ягона буюртмачи хизмати» инжиниринг компанияси мансабдор шахслари қурилиш объектларини сохта пудратчиларга тендерсиз бериш орқали 2,7 млрд сўмлик бюджет пулларини ўзлаштиргани аниқланди.
Шакар заводлари ишлаб чиқаришни нега тўхтатди
Ўзбекистоннинг иккита энг йирик шакар заводи «Ангрен шакар» ва «Хоразм шакар» хом ашё етишмовчилиги сабабли ишлаб чиқаришни тўхтатиб қўйди. Корхоналарнинг омборларида кунига минг тоннадан реализация қилинадиган 47 минг тоннадан ортиқ шакар захираси мавжуд, шунинг учун танқислик кузатилмайди. «Газета.uz» нинг аниқлашича, маҳаллий ишлаб чиқарувчилар импорт қилувчилар билан рақобат сабабли қийинчиликларга дуч келишмоқда.
Умумий овқатланиш соҳасини қўллаб-қувватлаш тўғрисидаги президент фармони лойиҳаси тайёрланди
ССП умумий овқатланиш соҳасини қўллаб-қувватлаш тўғрисидаги президент фармони лойиҳаси тайёрланганини хабар қилди. Солиқ имтиёзларини узайтириш, кафе ва ресторанларга ёзги терасларини жойлаштириш тартибини жорий этиш ҳамда муассасаларга куну тун ишлашга рухсат бериш режалаштирилмоқда.
Россияга газ экспорти тўхтатилди, Хитойга экспорт уч баравар қисқарди
Коронавирус пандемиясининг ташқи бозорларга таъсири сабабли, Ўзбекистонда олинадиган табиий газнинг Хитойга экспорти 3 бараварга қисқарди, Россияга экспорт тўхтатилди.
Honeywell Бухоро НҚИЗ учун технологиялар тақдим этади
Американинг Honeywell компанияси Бухоро нефтни қайта ишлаш заводига «Евро-5» стандартидаги бензин ишлаб чиқариш технологиясини тақдим этди. Компания билан технологик ускуналар ҳужжатлари пакетини ишлаб чиқиш бўйича битим ва лицензия шартномаси ҳам имзоланди.
Sulton Tex Group бош вазир ўринбосари ва Қишлоқ хўжалиги вазирини судга берди
Sulton Tex Group компанияси бош вазир ўринбосари Ўктам Барноев, қишлоқ хўжалиги вазири Жамшид Хўжаев ва унинг биринчи ўринбосари Шухрат Тешаевни судга берди.
Сўм йил бошидан 7,2 фоизга қадрсизланди
2020 йилнинг биринчи ярмида мамлакат ички бозорида чет эл валютасига бўлган талаб $8,2 млрд, умумий таклиф ҳажми эса $4,3 млрдни ташкил этди. Марказий банк ички валюта бозорига $2,2 млрд интервенция киритди. Шунингдек, йил бошидан миллий валюта курси 7,2 фоизга қадрсизланди.
Жисмоний шахслар томонидан хорижий валюта сотиб олиш 3 баробарга ошди
2020 йили биринчи ярмида жисмоний шахслар 2,2 млрд АҚШ долларига тенг чет эл валютасини сотган. Бу кўрсаткич ўтган йилга нисбатан 57 фоизга ошган. Шу билан бирга, жисмоний шахслар 2019 йилнинг мос даврига нисбатан 3 баробар кўпроқ чет эл валютасини сотиб олишган (2019 йили — $557 млн, 2020 йили — $1,7 млрд).
Ўзбекистонга пул ўтказмалари миқдори барқарорлаша бошлади
Июнь ойида Ўзбекистонга 621 млн доллар жўнатилди, бу йил бошидан бери энг юқори кўрсаткич. Олти ой ичидаги ўтказмаларининг умумий ҳажми 2,4 млрд долларни ташкил этди.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- Энергия тарифлари ошиши фонида камбағаллик чегараси яна бир бор оширилди
- Квартираларни сотишда солиқ базасини ҳар бир квадрат метр учун минимал миқдордан келиб чиқиш белгилаш таклиф этилмоқда
Қўшимча имкониятларга эга булиш учун сайтда рўйхатдан ўтинг