Иқтисодиёт
Биткоин курси 50 минг долларга етди
Биткоиннинг нархи яна тарихий максимал даражани янгилади ва 50 минг долларга етди. Ушбу криптовалютанинг курси сўнгги бир йил ичида 400% фоизга ошди.
Долларнинг расмий курси пасайди
Долларнинг расмий курси 13 сўмга арзонлади ва жами 10 527 сўм этиб белгиланди. Рубль курси ҳам бироз пасайди, евро эса кўтарилди.
Ўзбекистоннинг олтин-валюта захиралари яна камайишни бошлади
1 февраль ҳолати бўйича Ўзбекистоннинг халқаро захиралари 34,3 млрд долларни ташкил қилмоқда. Халқаро захираларнинг камайишига хорижий валютадаги активларнинг 700 млн доллар миқдорда камайиши сабаб бўлган. Олтин захиралари 0,3 млн унцияга ошган.
Президентга Жиззахда амалга ошириладиган 515 та лойиҳа ҳақида маълумот берилди
Президент Шавкат Мирзиёев жорий йилда Жиззах вилоятида амалга ошириладиган 515 та лойиҳа ҳақида маълумот тақдим этилди. Лойиҳаларнинг умумий қиймати 35,5 трлн сўм бўлиб, улар натижасида йилига 25 трлн сўмлик маҳсулот ишлаб чиқарилиши айтилди.
Долларнинг расмий курси кўтарилди
Долларнинг расмий курси 9 сўмга қимматлади ва жами 10 540 сўм этиб белгиланди. Евро ва рубль курслари ҳам бироз кўтарилди.
Давлат органларига Digital Holding билан тендерларсиз шартнома тузишга рухсат берилади
«USM Telecom» ва МегаФон ўзбекистонлик ҳамкорлар билан биргаликда ташкил этиладиган Digital Holding корхонасига станцияларни қуриш учун доимий фойдаланишга мўлжалланган ер участкаларини аукционларсиз олиш имконияти, ва шунингдек, турли имтиёзлар берилиши кўзда тутилмоқда. Шунингдек, президент қарори билан корхонага бир қатор вазифалар қўйилди.
Ўзбекистондаги энг фаол банклар аниқланди
Иқтисодий тадқиқотлар ва ислоҳотлар маркази (ИТИМ) томонидан тайёрланган Ўзбекистондаги йирик банкларнинг фаоллик индексида «Капиталбанк», Hamkorbank ва «Алоқабанк» энг юқори ўринларни эгаллади.
Ўғрини ушла!
Давлат бошқарувидаги муаммоларнинг аксарияти, одатда, коррупция ва талон-тарож қилиш ҳолатларига боғлиқдек туюлади, аммо унданда кўпроқ зарарни амалдаги қонунчиликка зид қабул қилиниб, ижро этилаётган, бозор механизмлари ва хусусий инвесторларнинг манфаатларини инобатга олмаган ҳолда қабул қилинган тугалланмаган қарорлар етказади. Молиявий таҳлилчи Карен Срапионов мақоласи.
Январда нақд пул айланмаси 32,1 трлн сўмни ташкил этди
Марказий банк маълумотига кўра, январда нақд пул айланмаси 32,1 трлн сўмни ташкил этди. Бу ой банк карталарига 15,9 трлн сўмлик маблағлар келиб тушган ҳамда аҳоли томонидан карталаридаги 5,2 трлн сўмлик маблағлар нақдлаштириб олинган.
Coca-cola Uzbekistan’даги давлат улушини сотиш жараёнининг биринчи босқичи якунланди
Coca-cola Uzbekistan’даги давлат улушини сотиш жараёнининг биринчи босқичи якунланди. Унга кўра, Осиё, Европа, Америка ва Африкадан бир қанча талабгорлар аниқлаб олинди.
Жанубий Корея компанияси Ўзбекистонда учта йирик лойиҳани амалга оширишни режалаштирмоқда
Жанубий Кореянинг Hanshin Engineering & Construction компанияси Ўзбекистонда учта лойиҳани амалга ошириш устида ишламоқда. Уларга қиймати 800 млн доллар бўлган гольф комплекси, Kokand city мажмуаси ва қўшма лойиҳа институти киради.
2020 йилнинг 10 та йирик солиқ тўловчилари эълон қилинди
Йирик солиқ тўловчилар бўйича инспекция 2020 йилда давлат бюджетига энг кўп тушум келтирган 10 та йирик солиқ тўловчиларни эълон қилди. Умумий солиқларнинг 63,3%ни тўлаган йирик компаниялар ичида «Навоий кон-металлургия комбинати» энг кўп солиқ тўлаган.
Ўзбекистонда мартдан бир қанча давлатлар фуқароларига визасиз режим жорий этилади
Мартдан бошлаб Баҳрайн Қироллиги, Қатар, Қувайт, Уммон Султонлиги ва ХХР, шу жумладан Хитойнинг Гонконг ва Макао махсус маъмурий ҳудудлари фуқаролари учун визасиз режим жорий этилади.
«Газимиз учта Ўзбекистонни боқа олади» — энергетика вазири
Ҳозирги газ ҳажми учта Ўзбекистон учун етарли, дея маълум қилди энергетика вазири Алишер Султонов. У аҳоли энергия манбаларига оқилоналик билан муносабатда бўлиши зарурлигини таъкидлади. Унинг сўзларига кўра, 95 миллион аҳолиси бўлган ва ишлаб чиқариш ривожланган Туркия ҳам, 35 миллион аҳолиси бўлган Ўзбекистон ҳам йилига 45 миллиард кубометр газ истеъмол қилади.
Ўзбекистон, Афғонистон ва Покистон темир йўл қурилиши бўйича «Йўл харитаси»ни имзоладилар
Ўзбек-афғон-покистон музокаралари натижасида деярли 600 км узунликдаги «Мозори-Шариф — Кобул — Пешавор» темир йўлларини қуриш бўйича «Йўл харитаси» қабул қилинди. Лойиҳани амалга ошириш учун 5 йил кетиши мумкин. Бунга 4,8 млрд доллар кредит маблағларини жалб қилиш режалаштирилмоқда.
Чирчиқда IKEA мебель фабрикаси қурилади
Тошкент вилоятининг Чирчиқ шаҳрида IKEA компанияснининг инновацион мебель ишлаб чиқариш фабрикаси қурилади. 52 млн долларга баҳоланган лойиҳа учун 5,5 гектар ер ажратилади.
Андижон вилоятида $1,4 млрд, Тошкент вилоятида $1,6 млрдлик инвестиция лойиҳалари амалга оширилади
Андижон вилоятида трикотаж маҳсулотларини ишлаб чиқарувчи 126 миллион евролик тўқимачилик комплекси ишга туширилади. Тошкент вилоятида велосипедлар ишлаб чиқарилади. Шу ва бошқа инвестиция лойиҳалари президентга тақдимот қилинди.
Долларнинг расмий курси пасайди
Долларнинг расмий курси 9 сўмга арзонлади ва жами 10 530 сўм этиб белгиланди. Евро ҳам бироз пасайди, рубль курси эса қимматлади.
Фарғона вилоятида 17 трлн сўмлик инвестиция лойиҳалари амалга оширилади
Фарғона вилоятидаги 76 та секторнинг ҳар бирида иқтисодий комплекснинг бошқарув офислари ташкил этилади. 2021−2022 йилларда 949 та инвестиция лойиҳаси амалга оширилиши режалаштирилмоқда. Чўл жойлар, яйлов ва адирликларда 33 минг гектар ер ўзлаштирилади. Бундан ташқари, 16 та оилавий шифокорлик пункти ва оилавий поликлиникаларни ташкил этиш кўзда тутилган.
Рақамли инфратузилмани ривожлантириш учун $2,5 млрд жалб қилинади — Абдулла Арипов
Ўзбекистонда рақамли инфратузилмани ривожлантириш учун яқин икки йил ичида 2,5 млрд доллар жалб этилади, дея маълум қилди бош вазир Абдулла Арипов Олмаота шаҳридаги форумда. Ушбу маблағлар мобил алоқани модернизация қилиш, электрон ҳукуматни ривожлантириш ва бошқа вазифаларга сарфланади.
Энг кўп ўқилган хабарлар | Сўнгги янгиликлар
- Suez бош директори — Тошкент сув таъминоти тизимини модернизация қилиш ва Ўзбекистондаги лойиҳалар ҳақида
- Тошкентда Binance криптобиржасига доир суд жараёни давом этмоқда
- ФТА, ЕИ ва БМТТД Ўзбекистонда яшил бюджетлаштиришни қўллаб-қувватлайди
- Олтин нархи кўтарилиши фонида Ўзбекистон олтин-валюта захиралари ошишда давом этмоқда
Қўшимча имкониятларга эга булиш учун сайтда рўйхатдан ўтинг