Иқтисодиёт
Ўзбекистонга нефть маҳсулотлари, газ, кўмир ва электр импорти кескин ошди
Ўзбекистонда импорт кетма-кет иккинчи ой пасайиб, 2023 йил июль ойидан бери минимум даражага тушди. Шунга қарамай, январь-апрель оралиғида нефть маҳсулотлари, газ, кўмир, электр энергияси, сабзавот ва мевалар, шунингдек, автомобиллар импорти ошди.
Тошкентдан Будапештга мунтазам авиарейслар қўйилади
Qanot Sharq компанияси 30 июндан Ўзбекистон ва Венгрия пойтахтлари ўртасида ҳафтасига бир марта тўғридан-тўғри авиақатновларни йўлга қўймоқчи. Сентябрдан эса қатнов ҳафтада икки мартагача оширилиши мумкин.
Ўзбекистоннинг Россия билан савдоси ўсиши тезлашди, қўшни давлатлар билан савдо ҳажми пасайишда давом этмоқда
Январь-апрель оралиғида Ўзбекистоннинг Россия билан савдоси ҳажми 29,3 фоизга ошди, бунинг натижасида Россия мамлакатнинг яна асосий савдо ҳамкорига айланиши мумкин. Қўшни давлатлар, шунингдек, Туркия, Жанубий Корея ва Германия билан товар айланмаси камаймоқда. Францияга экспорт 2,2 баробар ошди.
Ўзбекистон банклари валюта курсининг ўзгарувчанлигини молия тизими учун асосий хавф деб ҳисобламоқда
Марказий банк томонидан банклар ўртасида ўтказилган сўровнома натижаларига кўра, валюта курсининг ўзгарувчанлиги Ўзбекистон молия тизими учун асосий тизимли хавф ҳисобланади. Бундан ташқари, инфляциянинг тезлашиши, геосиёсий вазиятнинг кескинлашиши ва бошқалар ҳам келтирилган.
Жамият
Фарғонада трактор бошқараётиб поезд билан тўқнашган мактаб ўқувчиси ҳалок бўлди
Фарғона вилояти Бувайда туманида трактор бошқариш жараёнида поезд йўлига чиқиб кетган 9-синф ўқувчиси вагонлар билан тўқнашув оқибатида ҳалок бўлди.
Жиззахда тез ёрдам машинаси пиёдалар ўтиш жойидан ўтаётган аёлни уриб кетди
Жиззах шаҳрида тез тиббий ёрдам машинаси йўлнинг белгиланган қисмидан кесиб ўтаётган 48 ёшли аёлни уриб юборди. Жабрланувчи реанимацияга ётқизилди.
Фирибгарлик ва одам савдосида айбланиб Туркияда ушланган шахс Ўзбекистонга депортация қилинди
Фирибгарлик ва одам савдосида айбланиб қидирувга берилган 45 ёшли шахс Туркияда қўлга олинган эди. У пайшанба куни Ўзбекистонга депортация қилинди.
Россиядаги ёнғинда Ўзбекистон фуқаролари ҳалок бўлди
Москва вилоятидаги ётоқхонада ёнғин юз бериб, оқибатда 8 киши ҳалок бўлди. Элчихона уларнинг орасида Ўзбекистон фуқаролари ҳам борлиги, вафот этганларнинг шахсини аниқлаш ишлари олиб борилаётганини билдирди.
Хоразмда дарс вақти гаплашиб ўтирган ўқувчиларни калтаклаган ўқитувчи ишдан бўшатилди
Тупроққалъа туманида дарс вақти гаплашиб ўтирган икки нафар ўқувчига танбеҳ бериб, уларни калтаклаган ўқитувчи ўз аризасига кўра ишдан бўшатилди.
Тошкент кўчаларини яна сув босди — видео
Жума куни бир неча соат давом этган ёмғирлар Тошкент кўчаларини яна сув босишига олиб келди. Оқибатда йўлларда, кўп қаватли уйлар ҳовлиларида ҳаракат қийинлашди, пиёдалар ва бекатлардаги йўловчилар сув устидан юришга мажбур бўлди. Ҳодиса оқибатларини бартараф этиш чоралари кўрилмоқда. Видео.
Дам олиш кунлари ўзгарувчан об-ҳаво кузатилади
Шанба куни айрим жойларда қисқа муддатли ёмғир ёғади, ҳаво ҳарорат +26…+29 даража бўлади. Якшанба куни аксарият ҳудудларда ёғингарчиликсиз ўтиши кутилмоқда, бироқ ҳарорат +17…+22 даражагача пасаяди.
Тошкент вилоятида автобус ғилдираклари орасидан 1,8 млрд сўмлик заргарлик буюмлари топилди
Тошкент вилоятининг «Ғишткўприк» чегара божхона пости ходимлари томонидан автобус қўшимча ғилдирагининг ички қисмида яширилган тахминий қиймати 1 млрд 770 млн сўмлик 59 кг заргарлик буюмлари борлиги аниқланди.
Тошкент вилоятида 4 та машина иштирокидаги ЙТҲда икки ҳайдовчи ҳалок бўлди
Келес-Тошкент йўналишида Toyota Prado ҳайдовчиси бошқарувни йўқотиб, қарама-қарши йўналишдаги Cobalt, Damas ва Spark машиналари билан тўқнашди. Оқибатда Toyota ва Cobalt ҳайдовчилари воқеа жойида ҳалок бўлди, қолган ҳайдовчиларга биринчи тиббий ёрдам кўрсатилди.
Наманганда салкам 80 млн рублни Қирғизистонга ноқонуний ўтказмоқчи бўлган эркак 5 йилга қамалди
Янгиқўрғон туманидаги чегарада 34 ёшли эркак салкам 80 млн рублни Қирғизистонга ноқонуний олиб ўтмоқчи бўлди. Суд ҳукми билан у 5 йилга озодликдан маҳрум этилди, пуллар давлатга ўтказилди.
Тошкентда уй эшикларини пойлаган йигит 5 суткага қамалди
Ярим тунда Тошкент шаҳридаги кўп қаватли уй хонадонларини пойлаб, кўз тирқишидан қараган 24 ёшли йигит 5 суткага қамалди. У судда уй яқинидан ўтиб кетаётганида кимдир ёрдам сўраб чақиргани, шунинг учун ўша қаватга чиқиб, эшикларни пойлаганини айтган.
Фарғона вилоятида 18 ёшли йигит бошқа бир йигитга ўткир тиғли жисм билан ҳужум қилди
Марғилон шаҳрида 2006 йилда туғилган йигит ўзидан 6 ёш катта фуқарога ўткир тиғли жисм билан ҳужум қилди. Ҳолат бўйича жиноий иш очилиб, гумонланувчи процессуал тартибда ушланди. Жароҳатланган йигитнинг ҳаёти сақлаб қолинди.
Самарқанддан Тошкентга 27 ва 28 май кунлари қўшимча «Афросиёб» поездлари йўлга қўйилди
27 ва 28 май кунлари Самарқанд-Тошкент-Самарқанд йўналишида «Афросиёб» электропоездининг қўшимча ҳаракати йўлга қўйилади.
Президент битирувчиларга: «Ҳеч қачон эзгу мақсадингиздан ортга чекинманг»
Президент мактаб битирувчиларига йўллаган табригида уларнинг ҳар бири ўзига хос эканини таъкидлаб, орзу қилишдан тўхтамасликка, хатолардан сабоқ олишга чақирди. У янги ғоялар ва иштиёқ нафақат уларнинг, балки бутун Ўзбекистоннинг ҳаётини ўзгартириши мумкинлигини айтди.
Маданият
Дам олиш кунлари Тошкентда қаерларга бориш мумкин? (25−26 май)
4 та кинопремьера, «Сўнгги қўнғироқ» муносабати билан бепул концертлар, Жалолиддин Аҳмадалиев концерти, ярмаркалар, спектакллар, чегирмалар, кўргазмалар ва дам олиш кунларидаги бошқа қизиқарли тадбирлар — Afisha.uz жамланмасида.
Спорт
Алишер Юсупов дзюдо бўйича жаҳон чемпионати совриндори бўлди
БААда ўтган дзюдо бўйича жаҳон чемпионатининг яккалик баҳсларини ўзбекистонликлар 2 та медаль билан якунлади. Унда Алишер Юсупов +100 кг вазн тоифасида бронза медалини қўлга киритди. Аввалроқ Диёра Келдиёрова кумуш медаль олганди.
Футзал бўйича ЖЧ қуръаси ўтказилиши сабаб Самарқанддаги Регистон майдони вақтинча ёпилади
Самарқанд шаҳрида футзал бўйича Жаҳон чемпионатининг қуръа ташлаш маросими ўтказилиши муносабати билан Регистон ансамблига кириш 24−25 май кунлари чекланади, 26 май куни эса майдон ёпилади.
Жаҳон
АҚШ Грузиядаги «демократияга путур етказувчилар»га нисбатан виза чекловларини киритмоқда
АҚШ Давлат департаменти баҳсларга сабаб бўлган «хорижий агентлар тўғрисида»ги қонунга жавобан Грузиядаги «демократияга путур етказиш»да айбдор бўлганларга нисбатан виза чекловларини жорий қилмоқда. Грузиядаги мухолифат ва маҳаллий ОАВ бу ҳужжат Россия қонунчилигига ўхшаш эканидан норози.
Путин Украинадаги урушни ҳозирги фронт чизиғи бўйлаб тугатишга тайёр, лекин у жанг қилишга ҳам қарши эмас — Reuters
Россия президенти Владимир Путин ҳозирги фронт чизиғини сақлаб қолувчи сулҳ тузиш орқали Украинадаги урушни тўхтатишга тайёр, деб ёзди Reuters. Агар Украина ва Ғарб бунга рози бўлмаса, Путин урушни давом эттиришга ҳам тайёр.
Бизни ўқиётганингиз учун раҳмат!
