Шавкат Мирзиёев ҳафта якунида Хитойга боради
Ҳафта якунида Шавкат Мирзиёев ХХР раиси Си Цзиньпиннинг таклифига биноан Пекин шаҳридаги қишки Олимпия ўйинларининг очилиш маросимида иштирок этиш учун амалий ташриф билан Хитойга боради.
«UZIMEI бюрократик ва ноқулай тизим» — Жаҳон банки иқтисодчиси
Жаҳон банки иқтисодчиси Винаяк Нагараж Ўзбекистонда UZIMEI мобил қурилмаларини рўйхатдан ўтказиш тизимини «бюрократик, ноқулай ва фуқаролар учун фойдасиз», деб атаб, у «Ўзбекистонни орқага тортаётганини» таъкидлади. Ҳуқуқшунос Хушнудбек Худайбердиев эса давлат органлари ўз вазифасини бажара олмагани учун ушбу тизимни «икки карра телефон солиғи» деб ҳисоблайди. Блогер Шаҳноза Соатова эса тизимнинг «бети қаттиқ» эканлигини айтди. UZIMEI оператори танқидларга жавоб беришга ҳаракат қилиб кўрди.
Ногиронлиги бўлган шахслар шаҳар ҳаётининг афзалликларидан баҳраманд бўлолмайди — ҳисобот
Жаҳон банкининг янги ҳисоботида Ўзбекистондаги ногиронлиги бўлган шахслар дуч келаётган кўплаб мумаммолар — ноқулай инфратузилма ва саволларни туғдирадиган статистика тизими ҳақида сўз юритилади.
Ишни судга қадар юритишда ягона тергов ахборот тизими жорий этилади
Президент қарори билан 1 майдан суриштирув ва дастлабки тергов органлари фаолиятини рақамлаштириш ва ишни судга қадар юритиш бўйича «Электрон суриштирув ва дастлабки тергов» ахборот тизими жорий этилади. Тизимдаги жисмоний ва юридик шахсларга оид маълумотлар суриштирув ва тергов органларининг сўровига кўра тақдим этилади.
Энди аризаларни судга тааллуқли бўлмагани учун рад этиш тақиқланади
Президент қарори билан аризаларни судга тааллуқли бўлмаганлиги сабабли рад этиш ёки иш юритишни тугатиш тақиқланади. Бу ҳолатла аризалар кўриб чиқишга ваколатли бўлган судга ўтказилади. Қолаверса, маъмурий судларнинг қарорлари давлат органлари томонидан ижро қилинмаганда, уларнинг мансабдорлари жаримага тортилади.
Инсон қадри, ҳалоллик стандартлари, прагматик ташқи сиёсат. Янги Ўзбекистон Тараққиёт стратегиясининг 100 мақсад
2022−2026 йилларга мўлжалланган Янги Ўзбекистон Тараққиёт стратегияси 7 та йўналиш ва 100 та мақсаддан ташкил топган. 2022 йилда стратегияни амалга оширишга оид Давлат дастури доирасидаги тадбирларга 55 трлн сўм ва 11,7 млрд доллар ажратилади.
Тошкент ҳокимлиги бинолар ёшини кўрсатувчи интерфаол харитани ишга туширди
Тошкент шаҳар ҳокимлиги ҳузуридаги Рақамли ривожланиш департаменти пойтахт бинолари ёшини аниқлашга ёрдам берувчи Age Tashkent порталини ишга туширди. Сайт орқали шаҳардаги бинолар қурилган сана, уларнинг тури ва бошқа маълумотларни олиш мумкин.
Адлия вазирлиги шовқинга қарши курашни тартибга солишни таклиф қилди
Бугунги кунда Ўзбекистонда шовқиннинг салбий таъсирига қарши курашиш масалаларини тартибга солувчи ягона ҳуқуқий ҳужжат мавжуд эмас. Адлия вазирлиги шовқинга қарши таклифлар ишлаб чиқди. Қолаверса, вазирлик автомобиль йўлларида овоз баландлигини ўлчаш асбобларини ўрнатиш имкониятларини ўрганишни ҳам таклиф қилмоқда.
3−4 февраль кунлари Сенат ялпи мажлиси бўлиб ўтади
Сенатнинг йигирма учинчи ялпи мажлисида «Географик кўрсаткичлар тўғрисида»ги қонун, иккита халқаро ҳужжатни ратификация қилиш масаласи ва қатор қонунларга ўзгартириш киритиш муҳокама қилинади. Шунингдек, 2021 йилги давлат дастури ижроси бўйича ҳукумат ҳисоботи эшитилади.
Иккиламчи бозордан уй сотиб олиш учун ипотека кредитларини қайта молиялаштириш вақтинчалик тўхтатилди
Иккиламчи бозордан уй-жой сотиб олиш учун ажратиладиган мақбул ипотека кредитларини қайта молиялаштириш вақтинча тўхтатилди. Бунга иккиламчи бозор учун кредитларга талаб юқори бўлганлиги боис ОТБнинг 150 млн долларлик маблағлари муддатидан олдин ўзлаштирилиши сабаб қилиб кўрсатилди.
Зарарли ва ёқимсиз ҳидларни ҳуқуқий тартибга солиш таклиф этилмоқда
Адлия вазирлигининг қайд этишича, қонунчиликда ёқимсиз ҳидлар ва уларни тартибга солувчи нормалар ўз аксини топмаган, шу сабабли атроф-муҳитни ифлослантирувчи чиқиндилар билан бир қаторда, ҳид таъсирининг рухсат этилган максимал даражасини ҳуқуқий тартибга солиш зарурияти мавжуд. Вазирлик тегишли таклифларни ишлаб чиқиб, уларни амалиётга татбиқ мақсадида маъсул идораларга киритди.
Денов ва Қизириқ туманлари ҳамда Ангрен шаҳрига янги ҳокимлар тайинланди
Сурхондарё вилоятининг Денов ва Қизириқ туманлари ҳамда Тошкент вилоятининг Ангрен шаҳрига янги ҳокимлар тайинланди.
2021 йилда Ўзбекистон автомобиль бозорида ҳолат қандай бўлди?
2021 йилда мамлакат бўйлаб 691,9 мингта автотранспорт воситалари олди-сотдиси амалга оширилган. Бу 2020 йилга нисбатан 12 фоизга кўпроқ ҳисобланади. Шундан 194,4 мингтасини енгил автомобиллар ташкил этган. Шунингдек, ўтган йилда Ўзбекистонда жами 13 мингта «иномарка» сотилган ва уларнинг ярмидан кўпи Тошкент шаҳри ҳисобига тўғри келган.
Марказий Осиё ягона энергоҳалқаси қандай ишлайди?
«Энергия» мувофиқлаштириш диспетчерлик маркази директори Хамидилла Шамсиев Марказий Осиё ва Жанубий Қозоғистон ягона энергетика ҳалқаси қандай ишлашини тушунтириб берди.
Ўзбекистонда ягона энергоҳалқа яратилади
Кенг миқёсда юз берган электр таъминотидаги узилишларнинг сабабларидан бири Ўзбекистон энергетика тизими 220−500 кВт кучланишли магистраль линияларга тўлиқ уланмагани бўлди, дея таъкидланди президент қатнашган йиғилишда. Шавкат Мирзиёев энергия ишлаб чиқариш қувватларини ошириш ва электр таъминотини автоматлаштириш лойиҳасини тайёрлашга кўрсатма берди.
Ҳафта давомида қуруқ ва илиқ об-ҳаво бўлиши кутилмоқда
Ўзгидромет мазкур ҳафтада республика бўйича асосан қуруқ ва ўртача илиқ об-ҳаво кутилаётганини маълум қилди. Душанбадан пайшанбага қадар кундузи илиқ бўлади, ёғингарчилик кутилмайди. Айрим ҳудудларда бироз ёмғир ёғиши ва туман тушиши мумкин. Жума куни эса ҳарорат +11…+17 даражагача кўтарилади.
Ўзбекистон 2021 йилда $588 млнлик «иномарка» лар импорт қилди
2021 йилда Ўзбекистон 26 та хорижий давлатлардан умумий қиймати 588,2 млн долларга тенг 27 мингдан ортиқ енгил автомобил импорт қилди. Автомобиллар асосан Хитой ва Жанубий Кореядан олиб келинган. Экспорт қилинган автомобиллар сони эса 29 мингга етди, шундан 93 фоизи Қозоғистонга етказиб берилган.
Тошкентдаги ДХМлар ID-карталарни расмийлаштиришни бошлади
Энди ID-картани ички ишлар бўлимларидан ташқари Тошкент шаҳрининг туманлари ҳамда Нурафшон шаҳридаги давлат хизматлари марказларидан олиш мумкин.
Тадбиркорлар 5,5 млрд сўмлик табиий газдан ноқонуний фойдалангани аниқланди
Энергетика вазирлиги январь ойининг 25 кунида тадбиркорлар 4,9 млн куб метр ҳажмдаги табиий газдан ноқонуний фойдаланганини аниқлади. Бу 280 минг хонадоннинг бир кунлик истеъмолига тенг дегани. Етказилган зарар миқдори эса 5,5 млрд сўмни ташкил этди.
Маҳаллаларда ҳаёт қайнаши керак — президент
Президент Шавкат Мирзиёев якшанба куни ўтказилган мажлисда маҳаллаларда ҳаёт қайнаши керак, дея таъкидлади. Ҳар бир маҳаллада, спорт майдончалари, дўкон, кутубхона ва овқатланиш жойидан ташқари, ҳаммом ҳам барпо этиш керак, деди президент. Болалар ҳаммомга спорт машғулотларидан кейин боришлари мумкин, эркак ва аёллар учун бу жой ҳафтанинг ҳар хил кунларида хизмат кўрсатади.
Маҳаллалар марказлари ДХШ асосида ривожлантирилади
Президент маҳалла ва мактабларда спорт масканлари ҳамда кутубхоналар барпо этиш бўйича 3 хил типдаги лойиҳани рад этди. Шавкат Мирзиёев маҳалла марказларини давлат-хусусий шериклик асосида ташкил этиш вазифасини қўйди — тадбиркорларга имтиёз берилади ва бунинг эвазига ижтимоий масъулият юкланади.
«Газета.uz»да чиққан мақолалар
Музей яшайди. Пойтахтдаги паровозлар музейи реконструкцияси қандай кечмоқда?
2021 йил июнь ойидан буён Тошкент темир йўл техникаси музейида таъмирлаш ишлари олиб борилмоқда. Музей реконструкция пайтида атайин ташриф буюрувчилар учун ёпилмади. «Газета.uz» мухбири Наталья Силкина муассаса директори билан музей фондини тўлдириш, унинг реконструкцияси ва келажаги ҳақида суҳбатлашди.
