«rossiya» tegli maqolalar
“Kommersant’”: O‘zbekiston Rossiya gazini Turkiya va Xitoydan ko‘ra arzonroqqa sotib olmoqda
2023-yili O‘zbekiston Rossiya tabiiy gazini 1000 kub metri uchun 160 dollardan sotib oldi, deya xabar bermoqda “Kommersant’”. Bu narx Turkiya va Xitoyga sotilayotgan Rossiya gazi o‘rtacha narxidan past.
Qozog‘iston Rossiya gazining O‘zbekistonga tranzitini 11 mlrd kub metrgacha oshirishni rejalashtirmoqda — “TASS”
Qozog‘iston Energetika vazirligi Rossiya gazining O‘zbekistonga tranziti hajmini 2026-yildan boshlab avvalroq rejalashtirilgan yiliga 3 mrld kub metrdan 11 mlrd kub metrgacha oshirishni rejalashtirmoqda, deb yozmoqda “TASS”.
“Hech kim tinchlikni Ukrainachalik xohlayotgani yo‘q. Ammo muammo bizda emas” — Ukrainaning Toshkentdagi elchisi
Ukraina elchisi Nikolay Doroshenko mamlakatning Rossiya bosqiniga ko‘rsatgan 2 yillik qarshiligini sarhisob qildi. U Rossiyada “sun’iy ravishda yaratilgan davlat” haqidagi ritorika faqat uning davlatiga qaratilmaganini ta’kidladi. “Rossiyaning agressiv rejalari Ukrainadan ancha uzoqqa cho‘ziladi”, dedi u.
Rossiya 1-martdan yana benzin eksportini taqiqlaydi, lekin cheklov O‘zbekistonga taalluqli emas
Rossiyada 1-martdan talabning mavsumiy ortishi fonida benzin eksportiga vaqtinchalik taqiq joriy etiladi. Cheklovlar O‘zbekiston va YeOII mamlakatlariga ta’sir qilmaydi.
Rossiya O‘zbekiston va Qozog‘iston kabi davlatlar orqali YeIning sanksiyalangan tovarlarini olishda davom etmoqda — Bloomberg
2023-yilning yanvar-sentabr oylarida Yevropa Ittifoqidan Rossiyaga 450 mln yevrolik yuqori ustuvorlikka ega tovarlar yetib borgan. Tovarlarning chorak qismi to‘g‘ridan-to‘g‘ri YeIdan, qolgani esa O‘zbekiston, Qozog‘iston, Qirg‘iziston, Xitoy, BAA kabi davlatlar orqali Rossiyaga yetib borgan, deb yozmoqda Bloomberg.
Prezident 2026-yilgi “Kelajak o‘yinlari”ni O‘zbekistonda o‘tkazishni taklif qildi
Shavkat Mirziyoyev Qozon shahrida bo‘lib o‘tgan “Kelajak o‘yinlari” turnirining ochilish marosimida ishtirok etib, musobaqani 2026-yilda O‘zbekistonda o‘tkazishni taklif qildi.
Yevropa Ittifoqi Rossiyaga qarshi 13-sanksiya paketi bo‘yicha kelishuvga erishdi
Yevropa Ittifoqi Rossiyaga qarshi 13-sanksiya paketini qo‘llash bo‘yicha kelishib oldi, u Ukrainaga bosqinning ikki yilligi arafasida tasdiqlanadi. 200 ta kompaniya va jismoniy shaxslarga sanksiya qo‘yilgan. Sanksiyalar, shuningdek, Rossiyaning dronlar ishlab chiqarishini cheklaydi.
Shavkat Mirziyoyev amaliy tashrif bilan Rossiyada bo‘ladi
Shavkat Mirziyoyev Vladimir Putinning taklifiga binoan 21-fevral kuni amaliy tashrif bilan Rossiyaga boradi. Davlat rahbari Qozon shahrida “Kelajak o‘yinlari” musobaqasining tantanali ochilish marosimida ishtirok etadi. Qolaversa, ikki davlat yetakchilarining uchrashuvi ham reja qilingan.
O‘zbekiston Rossiya gazi importini oshirish uchun 500 mln dollar ajratishni rejalashtirmoqda
O‘zbekiston hukumati “shimoldan” gaz importi hajmini oshirish uchun magistral gaz tizimini 500 mln dollarga modernizatsiya qilmoqchi. O‘zbekiston hozirda bu yo‘nalish orqali Rossiya gazini oladi. Yetkazib berish hajmini kuniga 9 mln kub metrdan 32 mln kub metrgacha oshirish rejalashtirilgan.
Aleksey Navalniyning rafiqasi erining ishini davom ettirishini e’lon qildi
Bir necha kun oldin vafot etgan rossiyalik siyosatchi Aleksey Navalniyning rafiqasi Yuliya Navalnaya jamoatchilikka murojaat qilib, erining ishini davom ettirishini bildirdi. U, shuningdek, tez orada erining o‘limiga kimlar aloqador ekanini aniqlab, ularning ismlarini ochiqlashga va’da berdi.
“Bosqinchimi yo ahmoq, o‘zlari hal qilsin” — Sherzodxon Qudratxo‘ja
Sherzodxon Qudratxo‘jaga ko‘ra, O‘zbekistonda yashab, o‘zbek tilini bilmaydiganlar “bosqinchi” yoki “ahmoq” ekanini o‘zlari hal qilishi kerak. Shuningdek, u rossiyalik siyosatchilarning bayonotlariga jim turish mumkin emasligini aytdi. “Rossotrudnichestvo” u va uning tuzilmalari bilan aloqalarni uzishini bildirdi.
O‘zbekiston 2023-yilda Xitoy va Rossiya bilan savdo hajmini oshirdi, qo‘shnilar bilan esa qisqartirdi
Xitoy Rossiyani quvib o‘tib, O‘zbekistonning asosiy savdo sherigiga aylandi, shunga qaramay, ikki davlat ham savdodagi ulushini oshirdi. Rossiya va Xitoydan import ko‘paydi, biroq ushbu bozorlarga O‘zbekiston mahsulotlari kamroq yetkazib berilmoqda. Qozog‘iston va Qirg‘iziston bilan savdo aylanmasi ham pasaygan.
Boris Nadejdinga Rossiya prezidentlik saylovlarida ishtirok etishga ruxsat berilmadi
Rossiya Markaziy saylov komissiyasi urushga qarshi yagona nomzod Boris Nadejdinning Rossiya prezidentlik saylovlarida ishtirok etishiga ruxsat bermadi. MSK qayd etishicha, uni qo‘llab-quvvatlagan uchun yig‘ilgan imzolarning bir qismi yaroqsiz deb topilgan. Siyosatchi bu bo‘yicha Rossiya Oliy sudiga murojaat qilmoqchi.
Belgorodda asirlarni olib ketayotgan Il-76 harbiy samolyoti qulab tushdi. Asosiy ma’lumotlar
Belgorod viloyatida Rossiyaning Il-76 harbiy samolyoti qulab tushdi. Uning bortidagi 74 kishi, xususan, almashish uchun olib ketilayotgan 65 nafar ukrainalik harbiy halok bo‘lgani aytilmoqda. Rossiya holatni terakt deb atadi va bunda Ukrainani ayblamoqda. Zelenskiy esa xalqaro tergov o‘tkazishni talab qildi.
“Rus propaganda telekanallarini O‘zbekistonda cheklash kerak”. Faollar rossiyalik tarixchining o‘zbek millati haqidagi fikriga munosabat bildirdi
Rossiyalik tarixchi Mixail Smolin NTV telekanalida “1917-yilgacha o‘zbek millati bo‘lmagan” deya ta’kidladi. O‘zbek jamoatchiligi bunga javoban Rossiyaning propaganda telekanallarini cheklash va qarshi chora ko‘rish kerakligini aytmoqda. Rossiya TIV Mixail Smolin fikrini “g‘alati” deb atadi.
Rossiyada migrantlar o‘tirib yurishga majburlangani holati nazoratga olindi — Tashqi mehnat migratsiyasi agentligi
Tashqi mehnat migratsiyasi agentligi Yekaterinburgdagi qurilish obyektlaridan birida o‘tkazilgan reyd chog‘ida mehnat patentiga ega bo‘lmagan ikki nafar O‘zbekiston fuqarosi qo‘lga olingani haqida xabar berdi. Ularga huquqiy va boshqa yordam ko‘rsatilishi qayd etildi.
Ombudsman rossiyalik hamkasbiga migrantlarga nisbatan zo‘ravonlik holatlari yuzasidan murojaat yubordi
O‘zbekiston ombudsmani Yekaterinburgda o‘rdaksimon yurishga majburlangan mehnat migrantlarining kamsitilgani yuzasidan Rossiya ombudsmaniga murojaat qildi. Ulardan qanchasi O‘zbekiston fuqarolari bo‘lganiga aniqlik kiritilmagan. Qirg‘iziston TIV esa “Rossiya federal organlari darajasida” ish qo‘zg‘atgan.
Rossiyadagi YTHda halok bo‘lgan va jarohatlanganlarni O‘zbekistonga qaytarish ishlari olib borilmoqda — FVV
Favqulodda vaziyatlar vazirligi Rossiyaning Samara viloyatida YTHga uchragan Lada Largus avtomobilida yetti nafar O‘zbekiston fuqarosi bo‘lganini tasdiqladi. Ularning uch nafari vafot etgan, to‘rt nafari esa davolanmoqda. Tegishli tashkilotlar ularni vatanga qaytarish ustida ishlamoqda.
O‘zbekiston Qozog‘istondan ko‘mir importini 1,8 barobar, Qirg‘izistondan esa 2 barobar oshirdi
2023-yil yakunlariga ko‘ra, Qozog‘istondan O‘zbekistonga ko‘mir importi 1,4 mln tonnaga oshib, 3,1 mln tonnaga (+82,3 foiz) yetgan. Qirg‘iziston ko‘miri esa 10 oyda ikki barobar ko‘paygan — deyarli 900 ming tonnagacha. Yanvar-noyabr oylaridagi yetkazib berish hajmi qiymat jihatdan 189,2 mln dollarga baholanmoqda.
Rossiyadagi YTHda halok bo‘lgan va jabrlangan o‘zbekistonliklar vatanga qaytariladi — FVV
Prezident Rossiyaning Penza viloyatida sodir bo‘lgan YTHda halok bo‘lgan yetti nafar O‘zbekiston fuqarosining jasadini, shuningdek, jabrlangan ikki nafar fuqaroni Mudofaa vazirligining maxsus samolyotida vatanga qaytarish bo‘yicha topshiriq berdi.
Eng ko‘p o‘qilgan xabarlar | So‘nggi yangiliklar
- 1-maydan pensiya va nafaqaning eng kam miqdorlari oshiriladi
- Xabar yangilandi. Davlat bog‘chalari uchun to‘lovlar ikki bosqichda oshiriladi
- May oyida ob-havo qanday bo‘ladi?
- Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
- Toshkentdagi markaziy ko‘chalardan birida asfalt o‘pirilib tushdi
Qo‘shimcha imkoniyatlarga ega bulish uchun saytda ro‘yxatdan o‘ting