«prezident qarori» tegli maqolalar
Zo‘rlik hamda o‘z joniga qasd qilishning oldini olish markazi tashkil etilishi mumkin
Zo‘rlik hamda o‘z joniga qasd qilishning oldini olish markazi tashkil etilishi mumkin. Bu borada prezidentning qarori loyihasi jamoatchilik muhokamasiga qo‘yildi. Hujjat bilan tazyiq va zo‘ravonlikdan jabr ko‘rgan, o‘z joniga suiqasd qilgan va shunga moyilligi bor shaxslarga ko‘maklashish tizimini qayta tashkil etish maqsad qilingan.
NNTni qayta ro‘yxatdan o‘tkazish muddati 1 oydan 15 kungacha qisqartirildi
2021 yil 1 martdan NNTni qayta ro‘yxatdan o‘tkazish muddati 1 oydan 15 kungacha qisqartirildi. Endi nogironligi bo‘lgan shaxslar, faxriylar, nuroniylar, xotin-qizlar, bolalar jamoat birlashmalari ramzlarini davlat ro‘yxatidan o‘tkazish uchun davlat boji bekor qilindi.
Prezident zargarlik bozorini liberallashtirishga oid qarorni imzoladi
Kompaniyalarga o‘zlari ishlab chiqargan oltin yombilarni sotishga, tamg‘a qo‘yishda mexanik yoki lazer usulidan foydalanishga ruxsat beriladi. Zargarlik buyumlarini ichki va tashqi bozorlarda onlayn sotish mumkin bo‘ladi. Savdo summasi BHMning 600 baravaridan oshmagan taqdirda mijozni tekshirish talab etilmaydi. Zargarlik sanoatini rivojlantirish bo‘yicha qaror haqida batafsil.
Milliy gvardiya qo‘riqlash xizmati qayta tashkil qilinadi
Prezident qaroriga ko‘ra, Milliy gvardiya qo‘riqlash xizmati Milliy gvardiya Qo‘riqlash bosh boshqarmasi etib qayta tashkil etildi. Boshqarma mustaqil tarkibiy bo‘linma hisoblanib, o‘z vakolatlari doirasida qo‘riqlash xizmatlari uchun tushadigan mablag‘lar hisobiga, o‘zini o‘zi mablag‘ bilan ta’minlash tamoyili asosida amalga oshiradi.
O‘zbekistonda sun’iy intellekt yordamida ko‘krak bezi saratoniga tashxis qo‘yiladi
Prezident qarori bilan O‘zbekistonda yaqin ikki yil ichida sun’iy intellektdan sog‘liqni saqlash sohasida, jumladan, ayollarda ko‘krak bezi saratoniga tashxis qo‘yishda fodalanish ko‘zda tutilmoqda. Qolaversa, pnevmoniyani aniqlashda qo‘llash ham rejada bor.
Hududlarning huquq ustuvorligi indeksi joriy etiladi
Davlat rahbarining hududlarning huquq ustuvorligi indeksini joriy etishga oid qarori qabul qilindi. Unga ko‘ra, indeksni aks ettiruvchi 32 ta indikator hamda 182 ta mezon belgilab berilmoqda. Indeksni aniqlash natijalari har yili 1-mayga qadar aniqlanadi va OAVda e’lon qilinadi.
Olis hududlardagi ishga jalb qilingan malakali mutaxassislarga qo‘shimcha to‘lovlar ajratiladi
Yetib olish qiyin bo‘lgan hududlarda joylashgan byudjet tashkilotlari va tibbiyot muassasalariga malakali mutaxassislarni jalb qilish uchun qo‘shimcha mablag‘ ajratiladi.
Kasbiy malaka va bilimlarni rivojlantirish bo‘yicha kengash tashkil etiladi
Prezident qaroriga asosan Kasbiy malaka va bilimlarni rivojlantirish bo‘yicha kengash hamda hududiy kengashlar tashkil etilmoqda. Bundan tashqari, 1-aprelgacha kasbiy standartlarning yagona ochiq portali ham yaratiladi.
Toshkentda mustaqillikning 30 yilligiga «Istiqlol» majmuasi tashkil etiladi
Toshkentda mustaqillikning 30 yilligiga «Istiqlol» majmuasi tashkil etiladi. Shuningdek, poytaxtda qurilayotgan yer usti metro halqa yo‘li «O‘zbekiston mustaqilligining o‘ttiz yilligi» deb nomlanadi.
O‘zbekiston Afg‘onistonda temir yo‘lini qurish uchun AQSH mablag‘larini jalb etadi
«Mozori-Sharif — Qobul» temir yo‘li AQSH Xalqaro taraqqiyot moliya korporatsiyasi mablag‘lari evaziga qurilishi ko‘zda tutilgan. Qurilish ishlari kelasi yilning sentyabr oyida boshlanishi kutilmoqda. Ushbu loyiha O‘zbekistonga Pokiston dengiz portlariga chiqish imkoniyatini beradi.
Sirdayorda sog‘liqni saqlashga oid ikkita tajriba-sinov o‘tkaziladi
Sirdaryo viloyatida sog‘liqni saqlash tizimining yangi modeli va davlat tibbiy sug‘urtasi mexanizmlari bo‘yicha tajriba-sinov loyihasi o‘tkaziladi. Oilaviy shifokor, terapiya va pediatriya bo‘yicha yordamchilar, hamshira va doyadan iborat guruhlar tuziladi. Bepul tibbiy xizmatlar va dori vositalari paketi ishlab chiqiladi. Davlat tibbiy sug‘urtasi jamg‘armasi tashkil etilmoqda.
Sirdaryoda sog‘lom turmush tarzini yuritish bo‘yicha eksperiment o‘tkaziladi
Prezident qarori bilan Sirdaryo viloyatidagi ko‘p tarmoqli poliklinikalarda tajriba tariqasida «To‘g‘ri ovqatlanish va sog‘lom turmush tarzi» xonalari tashkil etiladi. O‘rganishlar natijasida bu amaliyot butun respublikada hayotga tadbiq etiladi.
Kimyo va biologiya fanlariga ixtisoslashtirilgan maktablar tashkil etiladi
Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish maqsadida respublika bo‘ylab ushbu fanlarga ixtisoslashtirilgan maktablar tashkil etiladi. Shuningdek, xalqaro olimpiadalar g‘oliblari va ularni tayyorlagan professor-o‘qituvchilar rag‘batlantirilib, kimyo va biologiya fanlaridan bilimlarni baholash bo‘yicha milliy sertifikatlash tizimi joriy qilinadi.
FHDYO organlarining qog‘oz shaklidagi arxivlari raqamlashtiriladi
Yil yakuniga qadar fuqarolik holati dalolatnomalarini yozish (FHDYO) organlari arxivlarida qog‘oz tashuvchilarda saqlanayotgan hujjatlarning elektron bazasi shakllantiriladi. Buning uchun respublika byudjetidan 30 mlrd so‘m ajratilishi belgilangan.
Ijtimoiy nafaqalarni tayinlashning yangi tizimi ishga tushiriladi
Yil yakuniga qadar ijtimoiy nafaqalarni tayinlash bosqichma-bosqich «Ijtimoiy himoya yagona reyestri» axborot tizimi orqali amalga oshiriladi. Bu tizim qanday ishlaydi, kam ta’minlangan oilalarga qanday nafaqalar tayinlanadi, qanday hollarda arizalar rad etiladi — batafsil.
Andijon qishloq xo‘jaligi va agrotexnologiyalar instituti tashkil etiladi
Prezident qarori bilan Toshkent davlat agrar universitetining Andijon filiali negizida Andijon qishloq xo‘jaligi va agrotexnologiyalar instituti tashkil etiladi. Shuningdek, agrar ta’limda bakalavriat yo‘nalishlarida kredit-modul tizimiga bosqichma-bosqich o‘tiladi va haftada 5 kunlik o‘qish tartibi o‘rnatiladi.
Sog‘liqni saqlash vazirining birinchi o‘rinbosari tayinlandi
Prezident qarori bilan Abduhakim Xadjibayev Sog‘liqni saqlash vazirining birinchi o‘rinbosari lavozimiga tayinlandi.
Akmal Burhonov Korrupsiyaga qarshi kurashish agentligi direktori etib tayinlandi
«Yuksalish» umummilliy harakati raisi va Qonunchilik palatasi deputati Akmal Burhonov yangi tashkil etilgan Korrupsiyaga qarshi kurashish agentligi direktori etib tayinlandi. «Gazeta.uz» ning hukumatdagi manbasi xabar berishicha, u «Yuksalish» umummilliy harakati raisi lavozimini tark etadi.
Alisher Sa’dullayev Yoshlar ishlari agentligi direktori etib tayinlandi
Prezident qarori bilan Yoshlar Ittifoqi raisi lavozimida ishlab kelayotgan va eng yosh Senat a’zosi Alisher Sa’dullayev yangi tashkil etilgan Yoshlar ishlari agentligi direktori etib tayinlandi.
Moliya vaziriga yangi o‘rinbosar tayinlandi
Prezident qarori bilan Jamshid Abruyev Moliya vaziri o‘rinbosari lavozimiga tayinlandi. Tayinlovga qadar, u ushbu vazirlikning boshqarmalaridan biriga boshliq bo‘lib kelayotgan edi.
Eng ko‘p o‘qilgan xabarlar | So‘nggi yangiliklar
- Chevrolet va Ipak Yo‘li Banki qulay shartlardagi avtomobil xaridini taklif qilmoqda
- Yo‘l qoidalari buzilganda vakolatli organ 15 kun ichida qaror chiqarmasa, haydovchi jarimaga tortilmasligi belgilanmoqda (xabar yangilandi)
- “Bizga tinch va sokin park kerak”. Toshkentliklar Do‘stlik parki rekonstruksiyasiga qarshi
- Abdulla Qodiriy bog‘i 49 yilga investorga berilmoqda. Rekonstruksiya qanday bo‘ladi?
- To‘ldirildi: Davlat idoralari o‘z avtoparkini elektromobillar bilan yangilamoqda
Qo‘shimcha imkoniyatlarga ega bulish uchun saytda ro‘yxatdan o‘ting