«bosh prokuratura» tegli maqolalar
Yil boshidan beri noqonuniy mayning bilan shug‘ullangan 29 kishi ushlandi
O‘zbekistonda 2023-yilning o‘tgan davrida 58,2 mlrd so‘mlik elektrni o‘g‘irlash orqali mayning faoliyati bilan shug‘ullanish bo‘yicha 26 ta holat aniqlandi. Buning uchun 29 kishi o‘g‘rilikda ayblanib, protsessual tartibda ushlangan.
Toshkentdagi maktab o‘quvchisining o‘limiga elektr toki urishi sabab bo‘lgan bo‘lishi mumkin — Bosh prokuratura
Sud tibbiy ekspertizasining dastlabki xulosasiga ko‘ra, Toshkent shahridagi 99-maktabda o‘qigan 8-sinf o‘quvchisining o‘limiga elektr toki urishi sabab bo‘lgan. Avvalroq Maktab boshqarmasi o‘quvchi elektr tokidan jarohat olmaganini ma’lum qilgandi, bir muddat o‘tib, xabarning bu qismi o‘chirib tashlandi.
Bosh prokuratura “Antistrumin” ishi bo‘yicha 3 shifokor ayol hibsga olinganiga munosabat bildirdi
“Antistrumin” preparati bilan bog‘liq jinoiy ish doirasida 3 nafar shifokor ayolning hibsga olingani haqidagi ma’lumotlarning tarqatilishi tergovning xolis va obyektiv o‘tkazilishiga to‘sqinlik qilmoqda, deya xabar berdi Bosh prokuratura.
Chirchiq daryosidan qum-shag‘al qazib olinishi oqibatida tabiatga 35,7 mlrd so‘m zarar yetdi
Toshkentdagi Chirchiq daryosining muhofaza mintaqasida 57,8 ming kub metr qum-shag‘al noqonuniy qazilgani aniqlandi. Dastlabki hisob-kitoblarga ko‘ra, zarar 34,7 mlrd so‘mni tashkil etdi, biroq ekspertizadan so‘ng bu miqdor oshishi mumkin.
Toshkentda erkak 15-qavatdan sakrab, vafot etdi
Yunusobod tumanida 32 yoshli erkak ko‘p qavatli uyning 15-qavatidan sakrab, joniga qasd qildi. Voqeadan ikki kun oldin u xotiniga “osmonda uchgisi kelayotgani”ni aytgan. Bosh prokuratura erkak 2020-yildan buyon ruhiy asab kasalliklari shifoxonasida ro‘yxatda turishini bildirdi.
“Ko‘mir ta’minot” Toshkent viloyati boshlig‘i $50 ming pora olishda gumonlanmoqda
“Ko‘mir ta’minot” korxonasining Toshkent viloyati filiali boshlig‘i 50 ming dollar pora olishda gumonlanmoqda. U fuqaroga ishga kirishda yordam berish uchun pul olayotganda ushlandi. Shuningdek, korxonaning Samarqanddagi omborlari mudirlari 2 ming tonnadan ortiq ko‘mirni talon-toroj qilgani aniqlandi.
Surxondaryodagi 4 ta arxeologik yodgorlikka 7 mlrd so‘mlik zarar yetdi. U yerlarda uy, hojatxona va molxona qurilgan
Bosh prokuratura Sherobod tumanidagi “Tallagan tepa”, “G‘o‘rintepa”, “Xushvaqtepa” va “Toshtepa” yodgorliklariga zarar yetkazilganini aniqladi. Bu manzillarda yo‘l, uy-joy, hojatxona va molxona qurilgan. 7 mlrd so‘mlik zarar yetgan ushbu holatlar bo‘yicha hokimlik mansabdorlariga nisbatan jinoyat ishi qo‘zg‘atildi.
Toshkent viloyatidagi dendroparkda noqonuniy binolar qurilgani va qimmatbaho daraxtlar kesilgani bo‘yicha jinoyat ishi qo‘zg‘atildi
O‘zbekiston Bosh prokuraturasi Toshkent viloyatida dendroparkda 2017-yildan buyon qator obyektlar noqonuniy qurilgani va qimmatbaho daraxtlar kesilgani holati bo‘yicha jinoyat ishi qo‘zg‘atdi. O‘rmon xo‘jaligi agentligi, “Darxon” stansiyasi, Toshkent tumani hokimligi xodimlari va boshqalarga qarshi ish qo‘zg‘atilgan.
Iqtisodiy jinoyatlarga qarshi kurashish departamentiga rahbar tayinlandi
Shamsiddin Soxibnazarov Bosh prokuratura huzuridagi Iqtisodiy jinoyatlarga qarshi kurashish departamenti rahbari bo‘ldi.
2023-yilning 9 oyida daraxtlarni noqonuniy kesish bilan bog‘liq 2500 ga yaqin holat qayd etildi
O‘zbekistonda yanvar-sentabr oylarida daraxtlarning noqonuniy kesilishi bilan bog‘liq 2427 ta huquqbuzarlik aniqlandi. Shuningdek, Qizil kitobga kiritilgan o‘simliklar yig‘ib olinishi va o‘rmon fondi yer uchastkalarini ijaraga berib yuborish holatlari qayd etilmoqda.
Toshkentda uy olmoqchi bo‘lgan fuqarolarning 4 mlrd so‘mdan ortiq puli talon-toroj qilingan — Bosh prokuratura
Yashnobod tumanida qurilish kompaniyasi rahbari xonadon sotib olmoqchi bo‘lgan 23 kishi bilan soxta oldi-sotdi shartnomasini tuzib, ularning 4 mlrd so‘mdan ortiq pulini qo‘lga kiritgani aniqlandi. Holat yuzasidan Jinoyat kodeksining firibgarlik va boshqa moddalari bo‘yicha jinoyat ishi qo‘zg‘atildi.
Buxoroda muhofaza hududidagi 125 tup daraxt kesib tashlandi, tabiatga 1,7 mlrd so‘mlik zarar yetdi
Peshku tumanidagi muhofazaga olingan hududda 125 tup daraxt (102 tupi qimmatbaho) noqonuniy kesildi. Tabiatga 1,7 mlrd so‘mdan ortiq zarar yetkazilgan. Holat bo‘yicha jinoyat ishi qo‘zg‘atildi.
Samarqand va Toshkent viloyatlaridagi 2 ta tarixiy yodgorlikka 288 mln so‘m zarar yetdi
Bosh prokuratura Samarqand va Toshkent viloyatlarida mahalliy fuqarolar 2 ta tarixiy yodgorlikka 288 mln so‘m zarar yetkazganini aniqladi. Holatlar bo‘yicha jinoyat ishi qo‘zg‘atildi.
“Zarafshon” milliy bog‘ida noqonuniy ravishda dam olish maskani qurilgani aniqlandi
Bosh prokuratura “Zarafshon” milliy tabiat bog‘i hududidagi 39,8 gektar yerning noqonuniy ijaraga berilganini aniqladi. Ushbu hududda ijarachilar 8015 metr kvadrat maydonda butalar va o‘simlik dunyosini nobud qilib, dam olish maskani qurgan.
Kattaqo‘rg‘ondagi universitetda plita talabalar ustiga qulagani yuzasidan jinoyat ishi ochildi
SamDU Kattaqo‘rg‘on filialida temir beton plitasi qulashidan 6 nafar talaba qiz jarohatlangani bo‘yicha Jinoyat kodeksining 258-moddasi bilan jinoyat ish qo‘zg‘atildi.
SamDU Kattaqo‘rg‘on filialida plita qulashidan 6 nafar talaba qiz jarohatlangan — Bosh prokuratura
Bosh prokuratura matbuot xizmati SamDU Kattaqo‘rg‘on filialida bino tomining plitasi qulashi natijasida 6 nafar talab qiz jarohat olganini ma’lum qildi. Universitet ikki nafar qiz jarohat olgani haqida xabar bergan edi. Bino qurilishi va ta’mirlanishi holati mutaxassislar tomonidan o‘rganilmoqda.
Toshkent viloyatida bedarak yo‘qolgan 2 yoshli bola quduqdan o‘lik holda topildi
Zangiota tumanida bir kun avval bedarak yo‘qolgan 2 yoshli bola ko‘ngillilar yordamida qidirib topildi. Kechasi bolaning jasadi uy yaqinidagi quduqdan topilgan. Tuman prokuraturasi tergov olib bormoqda.
Surxondaryoda arxeologik yodgorliklar tuprog‘idan molxona va hojatxona qurilgani aniqlandi
Sho‘rchi tumanidagi madaniy meros obyektlari hududlarida g‘isht ishlab chiqarilayotgani, tuprog‘idan molxona va hojatxona qurilgani aniqlandi. Buning oqibatida yodgorliklarga 3,1 mlrd so‘mlik zarar yetkazilgan.
Samarqanddagi ohak sexi 4,3 mlrd so‘mlik gazdan noqonuniy foydalangani aniqlandi
Pastdarg‘om tumanida ohak ishlab chiqaruvchi sex mansabdorlari 4,3 mlrd so‘mlik tabiiy gazdan noqonuniy foydalangani aniqlandi. Holat bo‘yicha jinoyat ishi qo‘zg‘atildi.
“Yashil makon” loyihasida mas’uliyatsizlik qilgan 29 nafar rahbar javobgarlikka tortilishi mumkin
Bosh prokuraturaning qayd etishicha, “Yashil makon” loyihasi doirasida xizmat vazifalarini lozim darajada bajarmagan 29 nafar mahalliy davlat hokimiyati organlari va idoralar rahbarlari qonunchilikda belgilangan javobgarlikka tortilishi mumkin.
ENG KO‘P O‘QILGAN XABARLAR
- O‘zbekistonda kelasi hafta harorat -17 darajagacha pasayib, qor yog‘ishi mumkin
- “Baxti Tashkentskiy” nima sabab hibsga olindi?
- “Baxti Tashkentskiy” laqabi bilan tanilgan Baxtiyor Qudratullayev qo‘lga olindi
- UzAuto Motors 2024-yil yanvaridan Gentra/Lacetti ishlab chiqarishni to‘xtatadi
- Xorazmda 20 yoshli talaba pnevmoniyadan vafot etdi
Qo‘shimcha imkoniyatlarga ega bulish uchun saytda ro‘yxatdan o‘ting