«blekaut» tegli maqolalar
Tojikiston energiya ta’minotida yirik uzilish kuzatildi
Tojikiston energetika tizimida yirik nosozlik yuz berdi, Dushanbe va bir qator viloyatlarda elektr ta’minotida uzilishlar kuzatildi. Mamlakat poytaxtida issiqlik ta’minoti o‘chib, ichimlik suvi ta’minoti ham to‘xtadi.
O‘zbekistonda yanvardagi kabi «blekaut» kuzatilishi mumkinmi?
Energetika vaziri Jo‘rabek Mirzamahmudov elektr iste’moli oshishi hisobiga mamlakatda yana takroran «blekaut» bo‘lish xavfi bor-yo‘qligi haqida gapirdi. Vazir bunday xavf doim mavjudligini ta’kidlab, «agar cheklovlar kiritilmasa, bu energiya tizimi izdan chiqishiga olib kelishi» mumkinligi haqida ogohlantirdi.
Energetika vazirligi huzurida «Milliy dispetcherlik markazi» tashkil etiladi
Energetika vazirligi huzurida «Milliy dispetcherlik markazi» davlat unitar korxonasi tashkil etiladi. Markazga yagona elektr energetika tizimini boshqarish, ushbu tizimning qo‘shni davlatlar energetika tizimlari bilan parallel ishlashini ta’minlash, avariya holatlari yuzaga kelishining oldini olish va ularni bartaraf etish kabi vazifalar topshiriladi.
Yanvar oyidagi blekautga O‘zbekistondagi uzilish sabab bo‘lgan — davlatlararo komissiya
25 yanvar kuni Markaziy Osiyo mamlakatlarida elektr energiyasining ommaviy uzilishiga O‘zbekiston energetika tizimidagi nosozlik sabab bo‘lgan. Avariya sabablarini o‘rganish bo‘yicha davlatlararo komissiya shunday xulosaga keldi.
Markaziy Osiyo yagona energohalqasi qanday ishlaydi?
«Energiya» muvofiqlashtirish dispetcherlik markazi direktori Xamidilla Shamsiyev Markaziy Osiyo va Janubiy Qozog‘iston yagona energetika halqasi qanday ishlashini tushuntirib berdi.
«Eng katta qo‘rqqanim Sirdaryo IES yonib ketmasin dedim». Shavkat Mirziyoyev — energotizimdagi muammo haqida
Prezident seshanba kuni kuzatilgan energotizimdagi nosozlik haqida fikr bildirar ekan, aynan nimadan ko‘proq qo‘rqqanini ma’lum qildi. «Eng katta qo‘rqqanim Sirdaryo IES yonib ketmasin dedim. 1982 yo 1983 yil Sirdaryoda oltita stansiya ham yonib ketgan», — dedi Shavkat Mirziyoyev. Qolaversa, u tizimdagi rahbarlarga har daqiqada aholini vaziyatdan xabardor qilish bo‘yicha topshiriq berganini ta’kidladi.
Blekautlar — elektr ta’minotidagi yirik uzilishlarning iqtisodiy zararlari
Bugungi kunda aholining kundalik hayot tarzi, iqtisodiyotning qator ishlab chiqarish va xizmat ko‘rsatish tarmoqlarining uzluksiz faoliyati bevosita elektr energiyasi ta’minoti bilan bog‘liq. Elektr energiyasi ta’minotidagi keng ko‘lamli uzilishlar jamiyatga va iqtisodiyotga juda katta zarar keltiradi. «Gazeta.uz» maqolasida blekautlar va ularning iqtisodiy zararlari haqida so‘z yuritiladi.
«Xalqimiz vaziyatni to‘g‘ri qabul qilib, sarosimaga tushmadi». Shavkat Mirziyoyev — energotizimdagi nosozliklar haqida
Prezident seshanba kuni energotizimda yuzaga kelgan nosozliklarga munosabat bildirib, uzoq hududlardagi texnogen ofatlar O‘zbekistonga ham o‘z ta’sirini o‘tkazmay qolmasligini ta’kidladi. «Xalqimiz vaziyatni to‘g‘ri qabul qilib, sarosimaga tushmadi. Avvalo sabr-toqatli xalqimizga, shuningdek, barcha soha va idoralar xodimlari, OAV va ijtimoiy tarmoq vakillariga o‘z minnatdorchiligimni bildiraman», — dedi Shavkat Mirziyoyev.
Foto: Energiyasiz tungi Toshkent
Noodatiy qorong‘u ko‘chalar, chiroq tutgan o‘tkinchilar, ishlamaydigan bankomatlar, kun bo‘yi postini tark etmagan yo‘l nazoratchilari — energiyasiz qolgan Toshkent “Gazeta.uz” muxbiri Shuhrat Latipov obyektivida.
Foto: Chiroqsiz Toshkent
Yarim kundan ko‘proq vaqtdan buyon Toshkentning ayrim qismlarida elektr energiyasi mavjud emas. «Gazeta.uz» muxbiri Yevgeniy Sorochin tun soatlarda poytaxt bo‘ylab sayr qildi.
Tartibni saqlashga «IIVning barcha shaxsiy tarkibi jalb etilgan»
IIV butun mamlakat bo‘yicha elektr o‘chishi munosabati bilan jamoat tartibini saqlash, yo‘llarda tartibni ta’minlash va mol-mulklarni qo‘riqlashga barcha shaxsiy tarkib jalb etilganini ma’lum qildi.
Toshkentagi isitish tizimi 3−4 soat ichida to‘liq ishlay boshlaydi
Toshkentdagi markaziy isitish qozonxonalari 3−4 soat oralig‘ida to‘liq ish rejimiga o‘tadi va xonadonlar isiy boshlaydi.
Toshkentda ichimlik suvi ta’minoti 6 soat ichida to‘liq tiklanadi (yangilandi)
Uy-joy kommunal xizmat ko‘rsatish vazirligi Toshkentda 6 soat ichida suv ta’minoti to‘liq tiklanishini ma’lum qildi. Yunusobod, Mirzo Ulug‘bek, Uchtepa, Shayxontohur, Olmazor tumanlariga va Chilonzor tumanining bir qismiga 3 soat ichida suv berish to‘liq tiklanadi.
Metrodan 415 nafar yo‘lovchi evakuatsiya qilindi
FVV qutqaruvchilari poytaxt metropolitenidan 415 nafar yo‘lovchini evakuatsiya qildi. Pop tumanidagi temiryo‘lda yuk poyezdi to‘xtab qolganligi qolganligi uchun undan 40 km uzoqlikda yo‘lovchi poyezd ham to‘xtab qolgan.
Qoraqalpog‘iston va Xorazmda elektr energiyasi ta’minoti to‘liq tiklandi
Qoraqalpog‘iston Respublikasi va Xorazm viloyatida elektr energiyasi ta’minoti to‘liq tiklandi. Energetika vazirligi boshqa hududlarda elektr energiyasi ta’minoti bosqichma-bosqich tiklanishini ma’lum qildi.
Vaziyat shaxsan prezident nazorati ostida — Sherzod Asadov
Prezident matbuot kotibi O‘zbekistonda elektr energiyasi o‘chishi bilan bog‘liq vaziyat prezident nazoratida ekanligini ma’lum qildi. «Barchangizni xotirjamlikni saqlash va sarosimaga tushmaslikka chaqirib qolamiz. Vahimaga o‘rin yo‘q», — deya ta’kidladi u.
O‘zbekneftgaz tizimidagi 64 ta kon hamda neft va gaz ishlab chiqaruvchi korxonalar faoliyati vaqtincha to‘xtatildi
O‘zbekistonda elektr enegriyasi o‘chishi ortidan «O‘zbekneftgaz» tizimidagi 64 ta konlar faoliyati vaqtincha to‘xtatildi. Shuningdek, Buxoro neftni qayta ishlash zavodi, 3 ta gazni qayta ishlovchi zavod (Muborak gazni qayta ishlash zavodi, Sho‘rtan gaz kimyo majmuasi va «Uzbekistan GTL») ham o‘z faoliyatini to‘xtatgan. Hozirda suyultirilgan gaz va neft mahsulotlarini yetkazib berishda uzilishlar mavjud emas.
Energotizimdagi uzilishlar sababini bosh vazir huzuridagi komissiya o‘rganadi
Prezident topshirig‘i bilan elektr energiyasi ta’minotida yuzaga kelgan yirik uzilishlar sababini aniqlash va bartaraf etish bo‘yicha bosh vazir huzurida hukumat komissiyasi tuzildi.
Foto: Toshkent «blekaut» vaqtida
«Gazeta.uz» muxbiri Madina A’zam «blekaut» vaqtida poytaxtni tasvirga oldi. Hozirda Toshkentda elektr energiyasini yetkazib berish qisman tiklangan.
Qutqaruvchilar osma yo‘llardan 80 kishini olib tushdi
Qutqaruvchilar Chimyon va Bildirsoyda elektr energiyasi uzilgan vaqtda osma yo‘llarda qolib ketgan 80 kishini evakuatsiya qildi. Amirsoy kurortida esa elektr tezda qayta tiklangani uchun FVV yordamiga ehtiyoj qolmagan.
Eng ko‘p o‘qilgan xabarlar | So‘nggi yangiliklar
- Gaz va elektr hisob raqamlari 1-maygacha to‘ldirib qo‘yilsa, eski tarif 2 oy mobaynida amal qiladi
- Hafta davomida havo issiq bo‘ladi, joylarda yomg‘ir yog‘ishi kutilmoqda
- O‘zbekistonlik futbolchilar U-23 Osiyo kubogida Kuvaytni mag‘lub etdi (+ video)
- Foto, video: Toshkentning markaziy ko‘chalari bo‘ylab harbiy marsh bo‘lib o‘tdi
- Chevrolet avtomobillarini endi yanada qulay shartlarda xarid qilish mumkin
Qo‘shimcha imkoniyatlarga ega bulish uchun saytda ro‘yxatdan o‘ting