Jamoat joylarida niqobsiz bo‘lgan shaxslar 23-martdan ogohlantiriladi, 25-martdan esa jarimaga tortiladi.
22 mart kunidan Toshkentda jamoat transporti qatnovi to‘xtatiladi. Shahar bo‘ylab dezinfeksiya qilingan taksilar qatnaydi.
Qashqadaryo viloyatida karantindan qochgan bir erkak qo‘lga olindi. Unga nisbatan jinoyat ishi qo‘zg‘atish masalasi ko‘rib chiqilmoqda.
O‘zbekistonda yana to‘rt fuqaroda koronavirus infeksiyasi tasdiqlandi. Virus yuqtirganlar soni 41 nafarga yetdi.
Samarqand viloyatida tashkil etilgan karantin markazidan qochgan Toshkent viloyati Parkent tumanida yashaydigan fuqaro ushlandi. Unga nisbatan jinoiy ish qo‘zg‘atildi.
IIV fuqarolardan koronavirusga chalinish xavfi borligi uchun Toshkent viloyati va boshqa hududlardagi dacha uchastkalariga bormay turishni so‘radi.
Endilikda, tibbiy niqob ishlab chiqarish, tayyorlash hamda uni realizatsiya qilish uchun litsenziya talab etilmaydi.
O‘zbekistonda bo‘lib turgan xorijiy fuqarolarning vizasi avtomat ravishda 5 mayga qadar uzaytiriladi.
Sog‘liqni saqlash vazirligi O‘zbekistonda koronavirus bilan bog‘liq vaziyatni yoritib borish uchun rasmiy saytni ishga tushirdi. Saytda har kunlik hisobot, infeksiyadan himoyalanish uchun tavsiyalar va zarur ma’lumotlar e’lon qilinadi.
O‘zbekistonda koronavirus aniqlangan holatlar 37 taga yetdi.
21−26 mart kunlari O‘zbekiston fuqarolarini mamlakatga qaytarish uchun charter reyslar amalga oshiriladi.
To‘y-hashamlar, oilaviy tantanalar, ma’raka va marosim singari ommaviy tadbirlar o‘tkazilishi taqiqlandi. Shuningdek, ko‘ngilochar ob’ektlar, jumladan, choyxona va oshxonalar faoliyati to‘xtatiladi.
O‘zbekiston bosh sanitar vrachi Bahrom Almatov koronavirus bo‘yicha mamlakatdagi vaziyat, ushbu infeksiyaning oldini olish va boshqa savollarga javob berdi.
UzReport telekanalida akademik litsey o‘quvchilari uchun geografiya, matematika va fizika fanlaridan teledarslar boshlandi.
O‘zbekistonda koronavirus infeksiyasi tasdiqlangan soni 33 nafarga yetdi. Koronavirusga chalinganlar bilan muloqotda bo‘lgan 9 kishida virus aniqlandi.
20 mart ertalab holatiga ko‘ra, O‘zbekistonda koronavirus infeksiyasi aniqlanganlar soni o‘zgarishsiz (23 nafar) qoldi.
Xalqaro yo‘nalishlar bo‘yicha avtobus, temir yo‘l va havo transportida yo‘lovchi tashish 40 kunga to‘xtatildi.
Prezident farmoni bilan koronavirus pandemiyasi oqibatlarini yumshatishga qaratilgan Inqirozga qarshi jamg‘arma tuzilib, davlat byudjetidan 10 trln so‘m ajratiladi.
Fuqarolardan o‘zlarini uylarni koronavirus infeksiyasidan dezinfeksiya qiluvchi deb tanishtirayotgan noma’lum shaxslarni uyga kiritmaslik so‘ralmoqda. Bunday holatlarda «102» raqamiga yoki profilaktika inspektoriga qo‘ng‘iroq qilish lozim.
Koronavirus epidemiyasi sababli bolalar o‘yin zallari, diskoteka va diskobarlar, massaj salonlari faoliyati to‘xtatiladi.
Qo‘shimcha imkoniyatlarga ega bulish uchun saytda ro‘yxatdan o‘ting