«қонунчилик палатаси» тегли мақолалар
Қонунчилик палатаси мажлисининг жонли эфири 50 дақиқадан камроқ давом этди
Қонунчилик палатаси мажлисининг Uzreport TV телеканали орқали узатилган жонли эфири 48 дақиқа ўтиб тўхтатилди. Палата буни каналда бокс бўйича Ўзбекистон чемпионати бошланиши билан изоҳлади. Президент фармонига асосан 1 декабрдан қуйи палата мажлислари МТРК телеканаллари ва интернет орқали жонли эфирга узатилиши керак.
Коррупцияни содир этганлик учун 20 йилгача озодликдан маҳрум қилиш таклиф этилмоқда
Антикоррупция агентлиги коррупциявий жиноятлар учун жавобгарликни кучайтириш таклифи билан чиқди. Қонунчилик палатасига киритилган қонун лойиҳасига кўра, коррупцияга оид жиноятлар тоифасига 15 турдаги қонунбузарлик киритилмоқда. Шунингдек, порахўрлик учун 20 йилгача озодликдан маҳрум қилиш, шу турдаги жиноятчиларни муддатидан илгари шартли озод қилмаслик ва жазосини енгилроғи билан алмаштирмаслик таклифи билдирилди.
Инсон аъзолари трансплантацияси учун беморга қариндош бўлмаганлар ҳам донорлик қилиши мумкин
Депутатлар инсон аъзолари ва тўқималарининг трансплантацияси учун беморнинг яқин қариндоши бўлиши керак деган чекловни бекор қилишга оид қонун лойиҳасини маъқуллади. Унга кўра, донор сифатида ўз аъзоси олинишига ихтиёрий равишда, бепул асосда, нотариал тартибда розилик берган инсон тушунилади.
31 декабргача гўшт ва картошка импортини ҚҚСдан озод қилиш таклиф этилди
Депутатлар 10 октябрдан 31 декабргача бўлган даврда гўшт, қорамол ва парранда, картошка ҳамда музлатилган балиқни Ўзбекистонга олиб кириш ва реализация қилиш бўйича айланмаларни ҚҚСдан озод қилишга оид қонунни қабул қилди.
Президентнинг ўз белгиси ва штандарти бўлади
Депутатлар давлат раҳбарининг ўз белгиси ва штандартини (байроғи) жорий этиш тўғрисидаги қонун лойиҳасини маъқуллади. Улар сайланган президентга унинг қасамёдидан кейин топширилади.
Жиноий жавобгарликка тортиш ёши 13 ёшдан 14 ёшга оширилмоқда
Жиноий жавобгарликка тортиш ёши 13 ёшдан 14 ёшга оширилишга доир қонун лойиҳаси қонунчилик палатасида кўриб чиқилмоқда.
Товар ва хизматлар ҳақидаги маълумотларни давлат тилида кўрсатиш шарт этиб белгиланмоқда
Қонунчилик палатасининг навбатдаги мажлисида депутатлар товар ва хизматлар ҳақидаги маълумотларни давлат тилида тақдим этиш шартлиги акс этган қонун лойиҳасини маъқуллашди. Ҳужжат Сенатга юборилди.
Табиий офат натижасида зарар кўрган тадбиркорлар солиқлардан озод этилади
Қонунчилик палатаси депутатлари табиий офатлардан зарар кўрган тадбиркорлар ва ерлари шўрланган ҳудудларда яшовчи фуқароларга солиқ тўловларидан енгилликлар яратишни кўзда тутган қонунни қабул қилди.
Энди депутатларнинг ёрдамчилари бўлади
Қонунчилик палатасида депутат ёрдамчиси институтини жорий этишга оид қонун лойиҳаси муҳокама қилинмоқда. Бу орқали депутат ва сайловчи ўртасидаги мунтазам алоқани яхшилашга эришиш мақсад қилинган. Ташаббус «Миллий тикланиш» партияси томонидан илгари сурилди.
Ярим кунга сув таъминотидан узилган аҳолига махсус машиналарда ичимлик суви етказиш таклиф этилди
Қонунчилик палатаси томонидан ичимлик суви таъминотига оид қонун лойиҳаси кўриб чиқилди. Унга кўра, ҳар ойда камида бир марта ҳисоблагичлар ҳолатини ўрганиш, ичимлик суви таъминотида узилишлар давомийлиги 12 соатдан ошса аҳолини махсус машиналарда ичимлик суви билан таъминлаш ва тарифлар нархи ўзгариши ҳақида 15 кун олдин хабардор қилиш таклиф этилмоқда.
Вакцинадан бош тортганлар ишдан четлатилиши мумкин
Қонунчилик палатаси депутатлари маъқуллаган қонун лойиҳасига кўра, эндиликда аҳолининг айрим қатламларини коронавирусга қарши мажбурий эмлаш ҳамда вакцина олмаган ходимни ишдан четлатиш мумкин бўлади. Қуйи палата вакиллари оммавий эмлаш коронавируснинг янги тўлқинларининг олдини олишга ёрдам беришига ишонмоқда. Қонун лойиҳаси Сенат томонидан кўриб чиқилади.
«Эмлашни мажбурий тарзда амалга ошириш мумкин эмас» — Нурдинжон Исмоилов
Қуйи палата Спикери Нурдинжон Исмоилов қонун ҳужжатларига мувофиқ, мажбурий эмлаш мумкин эмаслигини маълум қилди. Бунинг учун ҳуқуқий ҳужжатларга ўзгартиш ёки қўшимчалар киритиш талаб этилади. Бироқ, депутатлар Республика махсус комиссиясига ихтиёрий эмланганларни рағбатлантириш ва имтиёзлар бериш ёки ҳаракатларини чеклаш борасида тавсиялар бергани айтилмоқда. Қолаверса, ходимлари эмланган кафе ва ресторанларга чекланган вақтда ҳам ишлашга рухсат бериш таклифи билдирилган.
«Ҳеч қандай „лазейка“ ларга жой қолмасин». Дониёр Ғаниев Ер кодексига киритилаётган ўзгартишлар ҳақида
Қонунчилик палатаси депутати Дониёр Ғаниев ерга оид президент фармони, унинг асосида Ер кодексига киритилаётган ўзгартиш ва қўшимчалар юзасидан фикр билдириб, қонунчиликда «лазейка"лар қолдириб кетилаётганига эътибор қаратди. Жумладан, чет эл фуқаролари ва юридик шахсларига ерни ижрага бериш, ДХШ асосида ердан фойдаланиш, кўп квартирали уйга туташ участкаларни ажратиш, қолаверса, якка тартибдаги уйни хусусий мулк тарзида бериш масалаларида қонунчиликда «бўшлиқ"лар қолдирилгани айтилмоқда.
Депутатлар иқтисодчининг энергетика соҳасида ислоҳотлар қачон бошланиши ҳақидаги саволини танқид қилди
Қонунчилик палатасининг икки нафар депутати иқтисодчи Юлий Юсуповнинг Ўзбекистон энергетика соҳасини ислоҳ қилиш қачон бошланиши сўраб, эълон қилган постини танқид остига олди. Халқ вакилларининг таъкидлашича, мамлакат энергетика соҳасида аллақачон, салмоқли ишлар бажарилган, ҳозирги узилишлар эса — «йиллар давомида тўпланиб қолган муаммоларнинг оқибати».
Мобил алоқа тармоғида истеъмолчининг розилигисиз реклама кўрсатилиши тақиқланиши мумкин
«Реклама тўғрисида» ги янги қонун лойиҳасида мобил алоқа тармоғи орқали реклама тарқатилишига фақат истеъмолчининг розилиги билан йўл қўйилиши, шунингдек таниқли шахслар ва тиббиёт ходимлари иштирокида гиёҳванд моддаларни реклама қилишни тақиқлаш таклиф этилмоқда.
Сайлов кодексининг 11 та моддасига ўзгартиш ва қўшимчалар киритилади
Қонунчилик палатаси депутатлари Сайлов кодексига ўзгартиш ва қўшимчалар киритишга оид қонунни қабул қилишди. Улар юқори турувчи сайлов комиссияларининг ваколатлари, округ сайлов комиссияси таркиби, овоз беришда ID картадан фойдаланиш ва бошқа шу каби ўзгаришларни назарда тутади.
Депутатлар участка нозирлари ваколатларини кенгайтириш тўғрисидаги қонун лойиҳасини маъқуллашмади
Қонунчилик палатаси профилактика инспекторларига электр энергияси, иссиқлик ва газдан фойдаланиш қоидаларини бузганлик учун жарима солиш ҳуқуқини берувчи қонун лойиҳасини рад этди. Депутатларнинг фикрига кўра, бу участка нозирлари асосий ишидан ташқари уларнинг иш кўлами ортишига, манфаатлар тўқнашуви, коррупцион ҳолатлар кўпайишига сабаб бўлиши мумкин.
«Трест-12» тендерсиз Қонунчилик палатаси биносини таъмирлайди
Қонунчилик палатаси биносининг ташқи кўриниши реконструкция қилиш ва бинони жорий таъмирлаш учун 16,54 млрд сўм ажратиш режа қилинган. Пудратчи сифатида «Трест-12» (акционерлари орасида қурилиш вазирининг ўғли ва рафиқаси борлиги ҳақида ёзган эдик) иштирок этмоқда. Ҳукумат буйруғи билан лойиҳани тендерсиз амалга ошириш ва параллел равишда лойиҳалаштиришга рухсат берилган.
Қонунчилик палатаси спикерига янги ўринбосар лавозими таъсис этилди
Қонунчилик палатасининг навбатдаги мажлисида спикерга рақамли ривожланиш ва ахборот сиёсати масалалари бўйича янги ўринбосар лавозими таъсис этилди. Депутатлар мазкур лавозимга Одилжон Тожиевни сайлашди. У парламент имиджи масалаларига масъул бўлади.
Коронавирусга қарши биринчи навбатда эмланадиган шахслар рўйхати қайта кўриб чиқилади
Ўзбекистонда коронавирусга қарши биринчи навбатда эмланадиган фуқаролар рўйхати қайта кўриб чиқилади. Бунга болгерлар, ОАВ, транспорт ходимлари, меҳнат мигрантлари ва хорижда таҳсил олаётган талабалар ҳам ушбу рўйхатга киритилганидан сўнг, ижтимоий тармоқлардаги муҳокамалар сабаб бўлди.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- Хорижий автомашиналарни вақтинча олиб кириш учун йиғим ҳисоблаш тартиби ўзгарди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Қўшимча имкониятларга эга булиш учун сайтда рўйхатдан ўтинг