Ўзбекистоннинг барча ҳудудларида ҳарорат кўтарилиши давом этади. Ҳаво кундузи +33 даражагача, чўл ҳудудларда ва жанубда +37 даражагача исийди.
Душанба, сешанба кунлари Ўзбекистоннинг катта қисмида қуруқ, лекин салқин об-ҳаво бўлиши кутилмоқда. Кундузги ҳарорат +12…+15 даража бўлади. 19 апрелдан ҳарорат аста-секин кўтарилади ва +20…+25 даражага етади.
Ўзбекистонга 6 та ҳавони мониторинг қилиш автоматик станцияси келтирилди. Энди ҳавонинг ҳолати тўғрисидаги маълумотлар реал вақт режимида monitoring.meteo.uz платформасида тақдим этиб борилади.
Ўзбекистон ҳудудига совуқ ҳаво массалари кириб келиши сабабли 16−17 апрель кунлари республика шимолида ҳаво ҳарорати кечаси 0 даражагача тушади. Кундузи бутун республика бўйлаб ёмғир ва дўл ёғади, момақалдироқ бўлиши мумкин, ҳаво ҳарорати +15 даражадан ошмайди.
Ўзгидромет 12−14 апрель кунлари мамлакатнинг қатор ҳудудларида шамол 25−28 м/с гача кучайиши ва чанг-тўзон кузатилиши мумкинлигидан огоҳлантирди.
Сешанба куни Эрон ҳудудларидан жуда илиқ ва қуруқ ҳаво массаси кириб келади. Ҳафта давомида асосан ёғингарчиликсиз об-ҳаво бўлиши кутилмоқда ва ҳарорат +37 даражагача кўтарилади. Бироқ тоғолди ва тоғли ҳудудларда вақти-вақти билан ёмғир ёғади.
Ўзгидромет 8−11 апрель кунлари Ўзбекистоннинг 9 та вилоятида ҳамда тоғолди ва тоғли ҳудудларда сел-сув тошқин ҳодисалари юзага келиши эҳтимоли ҳақида огоҳлантирди. Жойларда шамол кучайиб, айрим ҳудудларда дўл ёғиши ҳам мумкин.
Тошкент вилоятидаги Чимён тоғларида 8−11 апрель кунлари қор кўчиш хавфи эълон қилинди.
Шанба ва якшанба кунлари Ўзбекистоннинг қатор ҳудудларида қисқа муддатли ёмғир ёғиб, момақалдироқ кузатилади. Баланд тоғларда ёмғир қорга айланиши мумкин. Ҳарорат кечалари +7…+12 даража, кундузи +22…+27 даражани ташкил этади.
Ўзгидромет 2 апрель куни Тошкентда деярли уч соат давом этган ёмғир миқдори турли ҳудудларда 10 миллиметрдан 33 миллиметргача бўлганини маълум қилди. Дўлнинг диаметри 11 миллиметрга етди. Кунлик ёғингарчиликнинг мутлақ рекорди (65 мм) 1990 йил 8 апрелда қайд этилган. Апрель ойининг нормаси 63 мм.
Ҳафта давомида Ўзбекистоннинг катта қисмида ёмғир ёғиши прогноз қилинмоқда. Айрим жойларда шамол кучайиб, чанг-тўзонлар, дўл ёғиши кузатилади. Ҳарорат +15…+23 даража атрофида бўлади.
Шанба Ўзбекистоннинг аксарият ҳудудларида ёғингарчиликсиз ўтади. Якшанба куни эса Каспий денгизидан нам ҳаво массалари кириб келиши ҳисобига тоғолди ва тоғли ҳудудларда кучли момақалдироқли ёмғир кузатилади. Айрим жойларда дўл ёғиши ҳам мумкин.
Ўзгидромет 2−4 апрель кунлари Ўзбекистоннинг 9 та вилоятида ҳамда тоғолди ва тоғли ҳудудларда сел-сув тошқин ҳодисалари юзага келиши эҳтимоли ҳақида огоҳлантирди. Жойларда шамол кучайиб, шимолда ва чўл ҳудудларда чанг тўзон кузатилиши ҳам мумкин.
Ўзбекистонда апрель ойи қуруқ ва илиқ ҳаво билан бошланади. Ойнинг иккинчи ва учинчи ўн кунликларида ҳарорат кечалари +7…+17 даража, кундузи +20…+32 даража атрофида бўлади. Бироқ бу ойда кучли ёмғирлар ва момақалдироқ ҳам кузатилиши мумкин.
29−31 март кунлари кутилаётган кучли ёмғирлар ёғиши сабабли Ўзбекистоннинг 9 та вилоятида сел-сув тошқини ҳодисалари юзага келиши мумкин.
Ҳафта давомида ҳарорат +20…+27 даража атрофида бўлади. Сешанба-пайшанба кунлари эса айрим ҳудудларда ёмғир ёғиб, момақалдироқ кузатилади. Шимолда ва чўл ҳудудларда шамол тезлиги кучайиб, чанг-тўзон бўлиши мумкин.
Дам олиш кунлари Ўзбекистонда қуруқ ва илиқ об-ҳаво кутилмоқда. Кундузи ҳарорат +25, жануб ва чўл ҳудудларда +29 даражагача кўтарилади.
Шанба куни Каспий денгизидан булутли массивлар кириб кела бошлайди. Республиканинг аксарият ҳудудларида ҳаво ҳарорати нисбатан пасаяди, бироз ёмғир ёғади, момақалдироқ ҳам бўлиши мумкин. Бироқ 21 март куни ҳарорат +25 даражага кўтарилади.
18−21 март кунлари кутилаётган кучли ёмғирлар ёғиши сабабли Ўзбекистоннинг 9 та вилоятида сел-сув тошқини ҳодисалари юзага келиши мумкин.
16−23 март кунлари Тошкент ва Наманган вилоятларининг тоғли ҳудудларида қор кўчиш хавфи эълон қилинди.
Қўшимча имкониятларга эга булиш учун сайтда рўйхатдан ўтинг