«электромобиллар» тегли мақолалар
Ўзбекистон автомобиль бозорида июнь ойида кескин пасайиш кузатилди
Июнь ойида Ўзбекистон автомобиль бозорида 123 минг дона автомобиль сотилди, бу май ойига нисбатан 21 фоизга кам. Сотувлар бирламчи бозорда ҳам, иккиламчи бозорда ҳам пасайди. Шу билан бирга, хориж автомобиллари ва электромобилларга талаб ортди.
Ўзбекистон 5 ой ичида 3811 та электромобиль харид қилди
Ўзбекистон йилдан-йилга электромобиллар импортини оширмоқда. 2023 йил январь-май ойларининг ўзидаёқ 3811 та электромобиль олиб келинди. Кўрсаткич 2022 йил давомида 2180 тани, 2021 йилда эса 809 тани ташкил этганди. Энг кўп етказиб берувчи Хитой бўлиб турибди.
Ўзбекистонда ўтган йили қарийб 70 млн долларлик электромобиль импорт қилинган
Ўзбекистонга 2022 йилда хориждан 69,8 миллион АҚШ доллари эвазига 2180 дона электромобиль олиб келинган. Импорт 2021 йилгига нисбатан 1371 тага ошган.
Ўзбекистонда электромобиллар ишлаб чиқариш давлат томонидан қўллаб-қувватланади
Ўзбекистон президенти электромобиллар ишлаб чиқаришни давлат томонидан қўллаб-қувватлаш тўғрисидаги қарорни имзолади. Харидорларга маҳаллий электромобилларни харид қилишда кредит фоизларининг бир қисми қопланади. Шунингдек, давлат идоралари ва ҳокимликлар учун электромобиллар харид қилинади.
Имтиёзлар, кредит компенсациялари, давлат ёрдами. Электромобиль саноати қандай ривожланади?
Ўзбекистонда маҳаллий электромобилларни утилизация йиғими, бутловчи, эҳтиёт қисмлар, асбоб-ускуналар ва хомашёни эса божхона тўловларидан озод қилиш режалаштирилмоқда. Шунингдек, инвесторларга маълум миқдордаги электромобилларни имтиёзли шартлар асосида олиб киришга рухсат берилиши мумкин.
Хитойнинг Exeed компанияси Ўзбекистон бозорига киришни режалаштирмоқда
Хитойнинг Exeed автомобил бренди Ўзбекистон бозорига киришни режалаштирмоқда. Компания 2023 йил бошида машиналар ишлаб чиқаришни йўлга қўймоқчи.
Маҳаллий электромобиль хариди учун олинган кредит фоизининг бир қисми қоплаб берилади
Президент соҳада тажрибага эга хорижий компания билан қўшма корхона ташкил қилиб, оммабоп электромобиллар ишлаб чиқаришни йўлга қўйишни топширди. Электромобилларнинг нархи арзон бўлиши кераклиги, маҳаллий электромобиль хариди учун олинган кредит фоизининг бир қисми қоплаб берилиши ҳам белгиланди.
Электромобилларни юқори тезликда зарядловчи қурилма яратилди
Қайта тикланувчи энергия манбалари миллий илмий-тадқиқот институтида қуёш энергиясидан фойдаланган ҳолда электромобилларни юқори тезликда зарядловчи қурилма яратилди. Тизим йилига 32 минг кВт соат электр энергияси ишлаб чиқариб, 950 та электромобилни қувватлаш имконини беради.
Ўзбекистон 2 ойда 228 та электромобиль импорт қилди
Ўзбекистон январь-февраль ойларида қиймати 5,9 млн долларлик 228 та электромобиль импорт қилди. Уларнинг 95 фоизга яқини Хитойдан келтирилган. 2021 йилнинг мос даврига нисбатан 150 тага кўпроқ электромобиль олиб келинган.
25 март куни Ўзбекистонда содир бўлган энг муҳим хабарлар дайжести
Ўзбекистонга кўчиб ўтмоқчи бўлган IT-компаниялар учун яратилган шароитлар, сотувга қўйилган MOBIUZ ва Tashkent City, 1 апрелдан тўлиқ ишга тушадиган Самарқанд аэропорти, тугаётган ёмғир мавсуми, Тошкент ва Олмаота ўртасида йўлга қўйилган поезд қатнови, 2030 йилгача вазирлик ва идоралар хизмат машиналарини электромобилга алмаштириш таклифи ва бошқалар — «Газета.uz» нинг 24 мартдаги энг муҳим хабарлари дайжестида.
2030 йилгача вазирлик ва идоралар хизмат машиналарини электромобилга алмаштириш таклиф этилди
Жамоатчилик муҳокамасига қўйилган президент қарори лойиҳасига кўра, вазирлик, идора ва барча бюджет ташкилотлари хизмат машиналарининг 2025 йилгача камида 10 фоизи, 2030 йилгача 100 фоизи электромобилларга алмаштирилади. Қолаверса, «тез ёрдам» машиналари ҳам 2023−2026 йилларда электрда ҳаракатланувчи транспортга ўзгартирилади.
«Электромобиллар келажаги сари биринчи қадам». «Ўзавтосаноат» ва BYD меморандум имзолади
«Ўзавтосаноат» ва Хитойнинг йирик электромобиль ишлаб чиқарувчиси BYD Auto Industry ўртасида Ўзбекистонда электромобиль ва электробуслар ишлаб чиқариш бўйича ҳамкорлик меморандуми имзоланди. UzAuto раҳбари ўринбосари Азизбек Шукуров буни «электромобиллар келажаги сари биринчи қадам» деб атади.
Президент электромобиллар тармоғини ривожлантириш стратегиясини ишлаб чиқишга кўрсатма берди
Уч ой ичида Ўзбекистонда электромобил тармоғини ривожлантириш стратегияси ишлаб чиқилиши кутилмоқда. Президент электромобиллар учун бутловчи қисмлар ва материаллар ишлаб чиқаришни маҳаллийлаштириш, уларга техник талаб ва стандартларни ишлаб чиқиш бўйича кўрсатмалар берди.
Электромобиллар учун янги намунадаги давлат рақами белгилари ишлаб чиқарилди
Ўзбекистонда электромобиллар учун алоҳида — янги намунадаги давлат рақами белгилари ишлаб чиқарилди. 1 ноябрга қадар электромобиллар учун расмийлаштирилган давлат рақами белгилари бепул алмаштириб берилади.
Бухорода электромобиллар ишлаб чиқариш режалаштирилмоқда
Бухоро вилоятида электромобилларни ишлаб чиқаришни йўлга қўйиш режалаштирилмоқда. Лойиҳа Кореянинг Songuo Mobility Innovation компанияси билан ҳамкорликда амалга оширилади. Лойиҳа қиймати 1 млрд 210 млн долларга тенг.
Ўзбекистонда 9 ойда электромобиль импорти қарийб 7 бараварга ошди
Январь-сентябрь ойларида Ўзбекистонга 558 та электромобиль импорт қилиниб, импорт ҳажми қарийб 7 бараварга ошди. Улар асосан Хитойдан олиб келинмоқда.
Электромобиллар автотранспорт йиғимидан озод этилди
Ўзбекистонда электромобилларни сотиб олишда ва вақтинча олиб киришда автотранспорт йиғими бекор қилинди. Солиқ кодексининг 459-моддаси ушбу янги тартибни кўзда тутган 9-банд билан тўлдирилмоқда.
Тошкент шаҳар ЙҲХБга электромобиллар топширилди
Пойтахт ЙҲХБга ORA IQ русумли электромобиллар фойдаланишга топширилди. Тажрибанинг мақсади ушбу транспорт воситасининг ички ишлар идораларида ишлатиладиган автоуловларга нисбатан устунлиги ёки камчиликларни ўрганишдан иборат, дея қайд этди бошқарма.
Андижонда электромобиль ишлаб чиқариш йўлга қўйилади
Андижон вилоятидаги Асака заводида электромобиллар ишлаб чиқариш йўлга қўйилиши маълум қилинди. 2021−2023 йилларда 80 млн доллар инвестиция эвазига, 8 та лойиҳани амалга ошириш кўзда тутилмоқда. 2020 йилнинг декабрь ойида «Ўзавтосаноат» компанияси фақат электромобиллар ишлаб чиқаришга ўтказилиши режалаштираётган эди.
4 ойда Ўзбекистонга 156 та электромобиль олиб кирилди. Бу 2020 йилги жами кўрсаткичдан ҳам кўп
Январь-апрель ойларида Ўзбекистонга 156 та электромобиль импорт қилинди — бу 2020 йилги жами кўрсаткичдан ҳам кўпроқ ва 2019 йилга қараганда тўрт бараварга ортган. Уларнинг кўп қисми Хитойдан келтирилган.
Энг кўп ўқилган хабарлар | Сўнгги янгиликлар
- Тошкентда кўчадаги қизга безорилик қилиб, юзига урган шахс 2,5 йилга қамалди
- Тошкентда устига дарахт қулаган 1 ёшли қиз ҳалок бўлди
- Дам олиш кунлари Тошкентда қаерларга бориш мумкин? (4−5 май)
- Нега Ўзбекистонда «квартплата»ларнинг минимал миқдори жорий этилмоқда?
- U-23: Ўзбекистон терма жамоаси Осиё кубогида 2-ўринни эгаллади (фото, видео)
Қўшимча имкониятларга эга булиш учун сайтда рўйхатдан ўтинг