Ўзбекистон 2023 йилнинг январь-май ойларида 3811 та электромобиль импорт қилган. Бу бўйича Статистика агентлиги маълумот берди.
Унга кўра, электромобиль импорти ўтган йилнинг мос даври билан солиштирилганда 2846 тага ёки қарийб 4 баробарга ошган.
2023 йилнинг январь-май ойларида энг кўп электромобиль Хитойдан импорт қилинган (3480 та). Ундан кейинги ўринларда Гонконг (256 та) ҳамда Германия (42 та) турибди. Шунингдек, БААдан 16 та, Кореядан 11 та ва АҚШдан 6 та электромобиль келтирилган.
Дастлабки уч ойда мамлакатга хориждан қиймати $54,7 млн га тенг бўлган 1668 дона электромобиль импорт қилинганди.
Маълумот учун, 2022 йилда Ўзбекистон хориждан 69,8 млн АҚШ доллари эвазига 2180 дона электромобиль олиб келган. Импорт 2021 йилгига нисбатан 1371 тага ошган.
