Сиёсат
Ўзбекистон Демократия индексида 155-ўринни эгаллади
The Economist Intelligence Unit ташкилотининг Демократия индексида Ўзбекистоннинг позициялари ўтган йилга нисбатан яхшиланиб, мамлакат 167 давлат орасида 155-ўринни эгаллади. Лекин Ўзбекистон «авторитар режимлар» рўйхатида қолган. Минтақадаги «авторитар режимлар»да ҳолат ўтган йилга нисбатан яхшиланган бўлсада, тадқиқотчилар ушбу давлатларда сезиларли ўзгариш бўлиши кутилмаётганлигини таъкидлаган.
ТИВ польшалик журналистдан узр сўради
Ўзбекистон ташқи ишлар вазирлиги польшалик журналист Агнешка Пикулицкадан узр сўради. Вазирлик шилқимликда айбланган ходим ишдан бўшатилганини маълум қилди. Журналистнинг аккредитациясини расмийлаштириш 3 февраль куни якунланади, дейилади ТИВ баёнотида.
«Рақобатсиз натижа бўлмайди». Президент партия раҳбарлари билан учрашди
«Биз мамлакатнинг иқтисодий-ижтимоий ҳаёти билан боғлиқ деярли барча масалаларни президент ҳужжатлари билан тартибга солишга мажбур бўляпмиз», — дея таъкидлади президент сиёсий партия раҳбарлари билан учрашувда. Унинг сўзларига кўра, депутатлар ташаббуси билан таклиф этилган қонунлар сони «бармоқ билан санарли».
Жазони ижро этиш бош бошқармасига янги раҳбар тайинланди
Навоий вилояти ИИБ бошлиғи лавозимида фаолият юритиб келган полковник Турсунов Рустам Рахмонович ИИВ Жазони ижро этиш бош бошқармаси бошлиғи лавозимига тайинланди.
Дилшод Кенжаев президент маслаҳатчисининг ўринбосари этиб тайинланди
2018 йилдан бери Халқ таълими вазири ўринбосари лавозимида ишлаган Дилшод Кенжаев президент маслаҳатчисининг ўринбосари бўлди.
«Рустам кимлигини ҳеч ким билмайди». Польшалик журналист ТИВ билан учрашув ҳақида
Ўзбекистон ТИВ ходими томонидан унга шилқимлик қилинганини айтган польшалик журналист Агнешка Пикулицка вазирлик билан учрашганлигини маълум қилди. Унинг сўзларига кўра, ТИВ ҳолат бўйича текширув ўтказолмайди, чунки Рустам кимлигини ҳеч ким билмайди. Журналист уни ТИВда бир неча маротаба кўрганлигини айтмоқда. Сенат раиси Танзила Нарбаева ҳолатга муносабат билдириб, ҳодиса пухта ўрганилиб, айбдорлар жазоланишини таъкидлади. «Аммо бу республикада амалга оширилаётган ислоҳотларга соя солмаслиги лозим», — деди Нарбаева.
Сенат Конституция ва бошқа қонунларга ўзгартиришлар киритиш масаласини кўриб чиқади
Олий Мажлис Сенати 5 февраль куни бўлиб ўтадиган 12-ялпи мажлисда бир қатор қонунлар, шунингдек, Конституцияга ўзгартиришлар киритиш масаласини кўриб чиқади.
ТИВ халқаро журналистга аккредитация бермади. Журналист ТИВ ходими унга тегажоғлик қилганини айтмоқда
Guardian, Al Jazeera, The Diplomat халқаро нашрлари учун ёзадиган мустақил журналист Агнешка Пикулицка-Вилчевска Ўзбекистон Ташқи ишлар вазирлиги унга аккредитация бермаганлигини маълум қилди. Аккредитация бўйича жавоб қонун бўйича 2 ойда эмас, 6 ойда берилган. Журналист ТИВ ходими унга тегажоғлик қилганини, ижобий мақолалар ёзишини сўраганлигини айтмоқда.
Собиқ вазир Қарши давлат университетига ректор этиб тайинланди
Жисмоний тарбия ва спорт вазири лавозимида ишлаган Дилмурод Набиев Қарши давлат университети ректори этиб тайинланди.
Президент Тошкент ҳокимини «шаҳар ичидаги қурилишлар» учун танқид қилди
Инвестицион лойиҳалар тақдимотида Шавкат Мирзиёев Тошкент шаҳар ҳокими Жахонгир Ортиқхўжаевга мурожаат қилиб, шаҳар ичидаги қурилиш лойиҳалари ҳақида танқидий фикрлар билдирди. «Мен Тошкентда 4−5 йил ишлаганман оғайни. Бу ерга 120 мм ли кичкинагина канализация қўйганмиз… Сен эса у ерда 9 қаватли уй қурибсан», — деди президент.
Азиз Абдуҳакимов Ўзбекистон шахмат федерацияси раиси этиб сайланди
Бош вазир ўринбосари — Туризмни ривожлантириш давлат қўмитаси раиси Азиз Абдуҳакимов энди Ўзбекистон шахмат федерациясига ҳам раҳбарлик қилади. Шунингдек, у бир вақтнинг ўзида «Чорвоқ» эркин туристик зонаси дирекцияси директори ва «Ипак йўли» халқаро туризм университети ректори ҳам ҳисобланади. Абдуҳакимовнинг меҳнат фаолияти ҳақида батафсил.
Тошкент вилояти ҳокими ишдан олинди
Тошкент вилояти ҳокими Рустам Холматов президент фармони билан ишдан олинди. Унинг ўрнига Тошкент шаҳар ҳокимининг биринчи ўринбосари сифатида фаолият юритган Даврон Ҳидоятов вилоят ҳокими вазифасини бажарувчи этиб тайинланди. Олдинроқ президент битта ҳоким ва вазир ишдан олинишини эълон қилганди. «Садоқатли одам, лекин ишни бажара олмаяпти. Аравани тортмаяпти», — деганди президент ишдан кетадиган ҳоким ҳақида гапириб.
Шавкат Мирзиёев Ислом Каримов хотирасига ҳурмат бажо келтирди
Президент Шавкат Мирзиёев Тошкент шаҳридаги биринчи президент Ислом Каримов ҳайкали пойига гулчамбар қўйди.
Ислом Каримовнинг сиз кўрмаган 19 та фотосурати
30 январь — Ўзбекистон Республикасининг биринчи президенти Ислом Каримовнинг туғилган куни. Ушбу сана муносабати билан «Ўзархив» агентлиги томонидан тақдим этилган мустақил Ўзбекистоннинг биринчи раҳбарининг 19 та фотосурати билан бўлишамиз.
Депутатлар сайлов кунини кўчиришга оид қонунни қабул қилди, ҳужжат Сенатга юборилади
Қонунчилик палатаси сайлов кунини кўчириш бўйича Конституцияга ўзгартиш киритишга оид қонунни қабул қилди. Ҳужжат Сенатга юборилади. Агар Сенат ҳам ушбу қонун лойиҳасини маъқуллаб, президент имзо чекса, унда 2021 йилга президент сайловлари 24 октябрга тўғри келиши мумкин.
«Шавкат Мирзиёев Каримовдан қолган диктатурани йўқотди» — Қирғизистон президенти
Қирғизистоннинг янги сайланган президенти Садир Жапаров BBC’га берган интервьюсида президентлик муддати давомида авторитар ҳокимият ўрнатиш хоҳиши йўқлигини айтиб, Ўзбекистон мисолини келтирди. «Каримов даврида кучли диктатура эди. Шавкат Мирзиёев келгач, диктатурани олиб ташлаб, дунёга эшигини очди. Агар диктатура ўрнатаман деса, Каримовнинг диктатурасини давом эттирса бўларди. Давом эттирмади-ку. Бу ҳар бир одамнинг ўзига боғлиқ», — деди Жапаров.
Шавкат Мирзиёев «Ўзбекистон учун 100 ғоя» лойиҳасини таклиф қилди
Президент иқтидорли ёшларни кашф қилиш ва уларнинг ташаббусларини қўллаб-қувватлаш мақсидида «Ўзбекистон учун 100 ғоя» лойиҳасини илгари сурди. Ҳар бир ҳудуддан 100 тадан ғоя — жами 1400 та ғоя йиғилиши кутилмоқда.
Ўзбекистон ва Жанубий Корея президентлари онлайн-саммит ўтказди
Ўзбекистон ва Корея Республикаси президентлари онлайн-саммит якунлари бўйича рақамлаштириш соҳасидаги ҳамкорлик тўғрисида меморандум, EDCF билан ҳамкорлик бўйича 1 млрд долларлик дастурни амалга ошириш бўйича битим ва бошқа ҳужжатларни имзоладилар.
Фурқат Маҳмудхўжаев Тошкент шаҳар ҳокими ўринбосари бўлди
Тошкент шаҳар ҳокимининг матбуот котиби лавозимида фаолият юритиб келган Фурқат Маҳмудхўжаев пойтахт ҳокимининг ўринбосари — Маҳалла ва оилани қўллаб-қувватлаш бошқармаси бошлиғи этиб тайинланди.
Ёшлар муаммоларини тизимли ўрганиш Давлат хавфсизлик хизматига юклатилди
Давлат хавфсизлик хизмати энди ёшлар дастурларини амалга оширишда, шунингдек, ёшларнинг ижтимоий муаммоларини мувофиқлаштириш ва тизимли ўрганишда иштирок этади. «Пастда ёшлар билан ишлаш тизими яратилган, лекин минг афсус, биз кутган натижа бўлмагани учун бугун мана шундай тизимни яратяпмиз», — деди Шавкат Мирзиёев.
Энг кўп ўқилган хабарлар | Сўнгги янгиликлар
- Шавкат Мирзиёев 5 та давлат элчиларидан ишонч ёрлиқларини қабул қилди (фото)
- Президент «Матонат мадҳияси» ёдгорлик мажмуасига гулчамбар қўйди (фото)
- Ўзбекистон, Қирғизистон ва Тожикистон махсус хизматлари раҳбарлари терроризм ва наркотик моддалар савдосига қарши курашни муҳокама қилди
- Шавкат Мирзиёевнинг Москвага ташрифи 8−9 май кунлари бўлиб ўтади
Қўшимча имкониятларга эга булиш учун сайтда рўйхатдан ўтинг