ШҲТ саммити раислиги расман Ўзбекистонга ўтди
2021−2022 йилларда ўтказиладиган Шанхай ҳамкорлик ташкилотининг саммитига раислик қилиш Ўзбекистонга расман ўтди. Саммит доирасида саноат кооперацияси дастурини қабул қилиш, камбағалликни камайтириш, туризм соҳасида ҳукуматлараро битимни ишлаб чиқиш, юқумли касалликларга қарши курашишни назарда тутувчи «Йўл харитаси»ни қабул қилиш каби вазифалар белгиланган.
Шавкат Мирзиёев ШҲТ давлатларини Афғонистондаги янги ҳокимият билан диалог қилишга чақирди
«[Афғонистонда] ҳокимият тепасига янги кучлар келди. Бу юз берган факт», — деди Ўзбекистон президенти Шавкат Мирзиёев ШҲТ саммитида. У Афғонистонда гуманитар инқирознинг олдини олиш мақсадида чет эл банкларидаги афғон активларини музлатишни тўхтатишни таклиф этди. Шунингдек, давлат раҳбари ШҲТ-Афғонистон форматида олий даражадаги доимий учрашувлар ўтказишни таклиф қилди.
«Сизнинг тажрибангизни қўллашдан хурсанд бўламиз» — Шавкат Мирзиёев Эрон президентининг коррупцияга қарши кураши хақида
Президент Шавкат Мирзиёев Эрон президенти Иброҳим Раисий билан учрашувда унинг иқтисодий коррупцияга қарши курашдаги тажрибасидан фойдаланишини таъкидлади. Давлатлар раҳбарлари «Шимол-Жануб» коридорини Чорбохор порти билан фаоллаштириш масалаларини ҳам муҳокама қилишди.
Дам олиш кунлари илиқ об-ҳаво бўлиши кутилмоқда
Шанба ва якшанба кунлари мамлакатда илиқ об-ҳаво сақланиб туради. Ҳаво ҳарорати +32…+35 даражада бўлади. Шунингдек, кейинги ҳафтанинг бошида совуқ антициклон таъсири кучайиши кутилмоқда.
Тошкентда «Ҳизб ут-Таҳрир» террористик ташкилоти аъзолигида гумон қилинган 12 киши ушланди
Тошкент шаҳар ИИББ Тошкент шаҳрида «Ҳизб ут-Таҳрир» террористик ташкилоти аъзолари сифатида гумон қилинган шахслар ушланиб, қамоққа олинганини маълум қилди. Ҳозирда тергов-суриштирув тадбирлари давом эттирилмоқда.
Ўзбекистон ташқи савдо айланмаси 25 млрд долларга етди. Пассив баланс ўсишда давом этмоқда
Статистика қўмитаси маълумотларига кўра, январь-август ойларида Ўзбекистон ташқи савдо айланмаси 25 млрд долларни ташкил этди. Ташқи савдода 6,4 млрд доллар миқдорида пассив баланс кузатилди.
Ўзбекистон МДҲ давлатлари аҳолиси бандлиги бўйича битимни тасдиқлади
Президент МДҲ иштирокчи-давлатлари аҳолиси бандлигига кўмаклашиш бўйича Битимни тасдиқлаш бўйича қарорни имзолади. Шартнома норасмий бандликни қисқартириш бўйича самарали ҳамкорликни амалга оширишга хизмат қилиши таъкидланди.
Жаҳон банки Doing Business ҳисоботини бутунлай тўхтатди
Жаҳон банки Doing Business ҳисоботини олдинги рейтинглардаги хатоликлар ва манипуляциялар сабабли бутунлай тўхтатди. 2018 йилда Ўзбекистон президенти мамлакатда тадбиркорлик учун шароитлар яратиш ва шу орқали 2022 йилда ушбу рейтингда энг яхши 20 та давлат қаторига кириш бўйича топшириқ берган эди.
Ўзбекистонда коронавирусга қарши тўлиқ эмланганлар сони 3,5 млн нафардан ошди
16 сентябрь куни Ўзбекистонда 216 минг 245 доза коронавирусга қарши вакцина қўлланилди. Шу кунгача тўлиқ эмланган фуқаролар 3 млн 517 минг 178 нафарни ёки Ўзбекистон аҳолисининг 10,04 фоизини ташкил қилмоқда.
16 сентябрь куни Ўзбекистонда 624 кишида коронавирус аниқланди
Кеча кун давомида Ўзбекистонда 624 кишида коронавирус инфекция қайд этилди. 4 нафар COVID-19 бемори вафот этди. Шунингдек, пайшанба куни 133 кишида пневмония қайд этилди, 1 нафар пневмония бемори вафот этди.
Тошкент-Киев авиақатнови тикланмоқда
«Uzbekistan Airways» 26 сентябрдан Тошкент — Киев — Тошкент йўналиши бўйича авиақатновларни тикламоқда. Қатновлар 6 йилдан буён амалга оширилмаётган эди.
Президентликка номзодларнинг сайловолди ташвиқотида нималар тақиқланган?
Қайси ҳолларда президентликка номзод ўз мақомидан маҳрум этилиши мумкин? Сайловда ташвиқотнинг қандай турларига рухсат берилган ва қайсилари тақиқланган? Сайлов кампанияси давомида номзодларга ғайриқонуний хатти-ҳаракатлари учун қандай жазо чораси қўлланилади? «Газета.uz» мухбирининг номзодларнинг ҳуқуқлари ва мажбуриятларига оид саволларига МСК доимий аъзоси Баҳодир Юнусов жавоб берди.
Русланбек Давлетов — ҳукуматга ишонч ва вакцинация даражаси ўртасидаги боғлиқлик ҳақида
Адлия вазири Русланбек Давлетов жамиятнинг ҳукуматга бўлган ишончи ва вакцинация даражаси ўртасидаги боғлиқликка тўхталди. «Қаерда, қайси мамлакатда давлатга халқнинг ишончи юқори бўлса, вакцинация даражаси шунча юқори бўляпти», — деди вазир. У «снос» масаласи халқнинг давлат органларига ишончига таъсир кўрсатганини эсга олди.
Қуйи Амударё давлат биосфера резервати ЮНЕСКО бутунжаҳон биосфера қўриқхоналари тармоғига киритилди
Йўқолиб кетиш арафасида турган Бухоро кийиклари яшаётган Қуйи Амударё давлат биосфера резервати ЮНЕСКО бутунжаҳон биосфера қўриқхоналари тармоғига киритилди.
16 сентябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг Эмомали Раҳмон билан учрашуви, Қорақалпоғистонда шамол электр станциясини қурилиши, ЙҲХ ходимларининг янги намунадаги формаси тасдиқланиши — «Газета.uz»нинг 16 сентябрдаги энг муҳим хабарлари дайжестида.
Жаҳон янгиликлари дайжести
Афғонистонда хорижий визалар «қора бозори» шаклланаётгани, Хитойда 1 млрддан ортиқ аҳолининг COVID-19'га қарши тўлиқ эмлангани, SpaceX биринчи тижорат экипажини орбитага олиб чиққани ва бошқа янгиликлар — «Газета.uz»нинг жаҳон янгиликлари дайжестида.
Абитуриентларнинг қарийб 36 фоизи ўтиш баҳосини тўплай олмаган
2021 йилда қарийб 893 минг абитуриент ОТМларга имтиҳон топширди, улардан 319 минг нафари (36% га яқини) 56,7 балл тўплай олмади. Энг ёмон кўрсаткичлар Қашқадарё, Самарқанд ва Тошкент вилоятларида қайд этилди.
«IKEA мебель фабрикаси лойиҳаси таклиф сифатида айтилган» — Даврон Ҳидоятов
Тошкент вилояти ҳокими Даврон Ҳидоятов президентга тақдим этилган, бироқ IKEA томонидан рад этилган мебел фабрикаси қурилиши лойиҳаси тадбиркорлар томонидан таклиф сифатида айтилганини маълум қилди. IKEA компаниясининг Туркиядаги ваколатхонаси билан музокаралар олиб борилган ва томонлар дастлабки келишувга эришгани боис тақдимотга киритилган.
АҚШ, Австралия ва Буюк Британия мудофаа альянсини тузишди
АҚШ, Австралия ва Буюк Британия AUKUS мудофаа альянси тузилишини эълон қилишди. Пакт доирасида Австралия ўз тарихида илк бор атом сувости кемаларини қуришга муваффақ бўлади.
ACWA Power компанияси Қорақалпоғистонда шамол электр станциясини қуради
Қорақалпоғистонда қуввати 100 МВт бўлган шамол электр станциясини қуриш бўйича ўтказилган тендерда Саудиянинг ACWA Power энергетика компанияси ғолиб деб топилди. Хорижий инвестициялар ҳажми 140 млн долларга баҳоланмоқда.
Қўшимча имкониятларга эга булиш учун сайтда рўйхатдан ўтинг